Psalmyn 25
25
PSALM XXV.
1-2Gys Jee, ayn ta my hreisht,
Lesh m’annym as my chree,
Nee’m padjer ghoaill; O Hiarn graysoil,
Ny cur gys nearey mee.
3-4Ayns ynrickys dty raad,
Jean mish, O Hiarn, ’leeideil;
Jee my haualtagh, uss dy bragh;
Nagh jean dy bragh failleil.
5O smooinee orrym, Hiarn,
Ayns graih as myghin cooie;
As dy graysoil jean tannaghtyn
Da peccee boghtey dooie.
6Lhig loght my aegid, Hiarn,
Ve dollit ass dty lioar;
As son dty vieys yindyssagh
Jeeagh dou dty ghrayse as foayr.
7Dty vyghin as erreeish,
T’ou soilshagh orrin, Hiarn;
Ny shaghrynee goaill gys dty raad,
As thie hood hene ad tayrn.
8Ny imlee as ny meen,
Ayns ynrickys nyn mea,
T’eh dy leeideil dy myghinagh
Ayns raaidyn kiart as rea.
9Ta ooilley raaidyn Yee,
Ayns firrinys gloyroil;
Dauesyn ta freayll e annaghyn,
Dy myghinagh foayroil.
Valgt i Øjeblikket:
Psalmyn 25: PS1761
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
maintained by the British and Foreign Bible Society