Psalmyn 22
22
PSALM XXII.
PART I
1My Yee, my Yee, jeeagh neose veih niau,
Jeeagh er my hrimshey trome;
Cre’n-fa t’ou nish er my hreigeil,
As cummal foddey voym?
2My Yee, er fey-ny-laa hood geam
Cha vel oo clashtyn mee;
As aash ny fea cha vel mee goaill
Er imbagh doo ny hoie.
4Ort hug nyn ayraghyn nyn dreisht,
Er dty endeilys fieau;
5Lesh aghin jeean ghuee ad son couyr
As ren oo cooney lhieu.
6Agh mish ta coontit myr beishteig,
Nagh ruggyr jeh sheelnaue;
Ta jiooldit magh veih sheshaght sleih,
As jeeaghyn feohdagh daue.
PART II.
7Ayns gearey floutagh ren y theay
Nyn ghing mooaralagh craa;
Sheeyney nyn meillyn magh ayns craid
D’oltooaney mee as gra:
8Dooyrt eh, She mish mac graihagh Yee,
Ayn ta my slane treishteil;
Lhig Jee cheet neose dy ghoaill e phaart,
My sallish eh hauail.
11Ny treig mee ayns my heaghyn dowin
Ny follee dt’eddin voym;
Tar uss, my chouyr; cha vel, my Yee,
Fer-coonee elley ayn.
PART III.
16My laueyn ren ad ’hreiney trooid,
Hrein ad my chassyn neesht;
17As hass ad blakey seose nyn rheyrt
Gyn accan ny erreeish.
18My gharmadyn ren ad y rheyn,
Dagh unnane goaill e chron;
As hilg ad lottyn er my chooat,
Son nagh row whaaley ayn.
19Ny treig mee ayns my heaghyn dowin,
Ny follee dt’eddin voym;
Tar uss, my chouyr; cha vel, my Yee,
Fer-coonee elley ayn.
Valgt i Øjeblikket:
Psalmyn 22: PS1761
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
maintained by the British and Foreign Bible Society