Populære bibelvers fra LUCAS 15

Del

Ca túun j líike' ca j suunaj tu yotoch u taata. Ca'aliquil náach yanile' j ila'ab tumen u taata. Le taatatzilo' tu ch'a'aj óotzilil ti', j bin áalcabil u nuptáante, tu méekaje' ca tu dzu'udzaj.

Tumen le in paala' j quíim ca'achi', ba'ale' dzo'oc u ca'a cuxtal; sa'at ca'achi', ba'ale' dzo'oc u chíicpajal. Ca jo'op' u qui'imactal u yóolo'ob.

Quin wa'alic ti' te'exe' bey xano' yaan mas qui'imac óolal te j ca'ano' tu yo'olal jun túul j keban wíinic cu kexic u tuucule' que tu yo'olal noventa y nueve utzil wíinico'ob ma' kaabéet u kexic u tuuculo'obi'.

Bin in ca'aj suut tu yicnal in taata ca in wa'al ti': Taat, dzo'oc in kebanchajal tu táan Jajal Dios yéetel ta táan.

Le paalo' tu ya'alaj: Taat, dzo'oc in kebanchajal tu táan Jajal Dios yéetel ta táan; ma' tin najmatic ca a'ala'ac wa a paalen.

¿Máax ti' te'ex, wa yaan cien j tamano'ob ti'e', ca kuchuc sa'atal jun túul ti'obe', ma' tu p'atic le noventa y nueve te j káaxo' ca xi'ic u caxant le j sa'ato' tac quéen u caxte?