Populære bibelvers fra LUCAS 14

Del

Wa yaan máax cu taal tin paach ba'ale' ma' tu p'ectic u taata, u maama, u yatan, u paalal, u sucu'uno'ob, u quiico'ob yéetel u cuxtal leti'e', ma' tu páajtal u beeticubáa in aj canbal.

Le máax xan ma' tu cuchic u cruz ca taalac tin paache', ma' tu páajtal u beeticubáa in aj canbal.

Tumen le máax cu nojbe'encunticubae' bíin mixba'alcunta'ac, le máax xan cu mixba'alcunticubae' bíin nojbe'en cunta'ac.

Bey túuno' je'el máaxac ti' te'ex ma' tu p'atic tuláacal ba'al yaan ti'e' ma' tu páajtal u beeticubáa in aj canbal.

Wa yaan jun túul ti' te'ex u káat u beet jun p'éel torree', ¿ma' wa tu cutal táanil u tucult bajux cun u tojolt ti', tu yo'olal u yilic wa chuca'an u tojol ti' u ti'al u dzo'ocsic? Tumen wa cu dzáic u chuun pakil, cu dzo'ocol ma' tu páajtal u dzo'ocsique', yaan u p'a'asta'al tumen tuláacal le máaxo'ob cun ilico'. Cun a'albile': Le máaco' j cáaj u beetic jun p'éel torre, ba'ale' ma' j páatchaj u dzo'ocsiqui'.

Ba'ale' le quéen a beet jun p'éel kiinbesaje', t'aan le óotzilo'obo', le nuumo'obo', le móocho'obo' yéetel le ch'óopo'obo'. Beyo' bíin qui'imacchajac a wóol, tumen leti'obe' ma' tu páajtal u bo'otiquecho'ob, ba'ale' teche' bíin a kam a bo'olil tu kiinil u ca'a púut cuxtal le máaxo'ob utzo'obo'.

Ta'abe' ma'alob, ba'ale' wa cu p'áatal ma' ch'óoch'e', ¿Bix cun ch'óoch'quinta'al tu ca'a téen? Ma' paatal u ti'al lu'umi', mix u ti'al xa'akta'al yéetel ta' tzíimin, ba'ale' chéen u ti'al pulbil. Le máax yaan u xiquine', u'uyajnac.