Populære bibelvers fra Zaa 15

Del

'Mɔɔ -noɔ -lɔ 'vinye -su yɔ, "ne 'anye -noɔ -lɔ 'ɛnɛɛ klɛ 'waa. -Ɔ -ko -ame "me, "ne -ye 'e -ko "me -wɛ, 'ɔ yi bhi 'na "kwleyi tlo, "naa-, 'ɛ "mɔ -ame yɔ, 'a "ne 'bhɛle- "ne 'a "kɛ -bɛɛ' no.

'A ko -ame "me -see 'e -ko 'anye "me -wɛ! -See klɛ 'na -ɛ "ne 'vinye -su yɔko -glɛ "ne 'bhɛle- -se 'ɛ "kɛ bhi tlo -wɛ, sɔbhɔ 'ye 'anye, 'a "mɔ -ame "me -ko ne, 'a "ne 'bhɛle- "ne "kɛ bhi tlo.

'A kɛ -ame "me -ko ne, "ne 'neɛ bhulɛweli kɛ 'anye "me -ko, 'a zlɛ- -ye 'a 'yɔbhɔ -wɛ. 'A 'yi yle.

'Anye "ne -ame -tɔ, -mɔ -ame 'mɔɔ -tɔ -lɔ 'anye. 'E -lebhe 'anye -se 'a "kɛ bhi tlo, bhi 'na "namanɔ. Lɔbhɔ 'na dɛku, -li 'klekle -ye 'a "kɛ -ame To zlɛ- 'neɛ 'tɔ "me -wɛ, 'ɔ 'yi 'anye kɔ 'je.

-Waleɛ 'na -ɛ gbɔ "ne 'nyɔkpɔ 'bhale 'ɔnɛɛ zikpɛ "me 'ɔ 'titoa za -wɛ, 'ɛɛ -noɔ -lɔ -waleɛ 'na -ɛ zi "ku yɛ.

Klɛ 'klekle 'na -ɛ -glɛ -ame 'glɛ "ne 'ɛ "ne tlo bhi -wɛ, -ame To "ku 'ye 'ɔ 'di -lɔ. "Ne klɛ 'klekle 'na -ɛ tlo bhi -wɛ, 'ɔ tɛle 'tee -se 'ɛnɛɛ bhi "kɛ zimale- 'yiɛ-.

'Neɛ gbagbɛ ne lɛ: 'A wawale-, -see 'e -wamale 'anye -wɛ.

-Ɛ kwa -ame To 'ŋlu -wɛ, 'ɛɛ -noɔ -lɔ -gbɔ 'a tlo 'bhi kwleyi, -se 'a "zo 'neɛ gɛlenya.

'Mɔɔ -noɔ -lɔ 'vinye -su 'na -tiaanɛ yɔ, "ne -ame 'To -noɔ -lɔ 'lɛɛbhenyɔ yɔ.

-Ɔ "ne -ame "me -ko -wɛ, 'kwlɛ "me 'wa -lɔ "pɔ 'wa 'pɔ su -klɛ 'nasɛ. "Ɛ klɛ -wɛ -yɛ ne, 'wa libhi, "ne 'wa "zo -lɔ -kosu "me, "ne 'ɛ si -lɔ.

'E -bhulɛle 'anye "ɛ -ɛwɛ, -se 'neɛ 'ŋwɛnɛ "kɛ 'anye "me ko. -Se 'anyɛɛ 'ŋwɛnɛ te -kɛ 'nuɔsɔbhɔledɛ kɛle-.

'A kɛ 'neɛ gbagbɛ 'plome "zo 'a yi 'neɛ -waleɛ "me ko -see 'e "zo -a To 'na gbagbɛ 'plome "ne 'e -ko 'ɔnɛɛ -waleɛ "me -wɛ.

Zaa, -ye 'e 'yɔbhɔle 'anye -wɛ ne lɛ: 'A wawale-.

'A kɛ nɛ zikpɛ ne "ku -noa 'waa, "bhle 'na 'nyakpa yi nɛ 'anye wamale-. -Mɔ, zikpɛ ne "ku -noa 'ye 'a "ne -noɔ. 'Mɔɔ -tɔ -lɔ 'anye "ne 'e yi -lɔ 'anye zikpɛ ne "ku 'na 'nyakpa 'glɛme -sɛ. 'Ɛza -glɔnya "ne sɔbhɔ -lɔ 'anye 'yli.