Populære bibelvers fra Zaa 14

Del

'E tle 'anye "kuwɛtɛ yɔko. 'E 'nyɛ 'anye 'neɛ "kuwɛtɛ. 'E -nɛ -kɛ 'anye "nyɛ -see dodo ne "ku 'na 'nyakpa 'nyɛ -wɛ. 'Dlebhɛ te -kɛ 'anye 'lɔbhɔ, -se 'a te "gu.

"Ne Zezu yu -lɔ no nɛɛ: «-Ame 'mɔɔ -noɔ -lɔ -gwe -nyɛ gbɛklɛklɛ "ne zikpɛ "bhaa yɔ. 'Nyɔkpɔ "ne 'bhɛle- 'ɔ "kɛ To yle, 'ɔ "mɔ -ame "me -ylɛle.

Zezu -bhulɛle 'ɔnɛɛ gɛlenya nɛɛ: «'Anyɛɛ dle te -kɛ 'anye 'nuɔ 'yiɛ. -Mɔ, 'a kɛle- Lagɔ 'dleku, -se 'a kɛle- -me 'lelee -ame 'dleku.

'Bemesibhɔnyɔ, Zuzu Wlewle, -ye To "kɛ 'neɛ 'tɔ "me 'anye -gwe "ku "pɔ -wɛ, 'ɔɔ -kɛ -lɔ 'anye -li 'klekle sloa-, "ne 'ɔ "kɛ -lɔ 'anye -ye 'e -bhulɛ 'klekle -wɛ 'dleku 'sibha-.

'Nyɔkpɔ kɛ 'neɛ gbagbɛ kɔ -kɛ, "ne 'ɔ 'cɛ 'plome "zo ne, 'ɛ nyɔ -wɛ, -ame 'ye 'ɔ -wa -lɔ, "ne -ɔ -wa -ame -wɛ, -ame To yu 'ce wamale-, "ne -ame 'e yu 'ce 'lelee wamale- -me. "Ne 'e yu 'ce -ayi 'ylime tua-.»

"ne -ame 'e yi To bhubhɔ- -se 'ɔ "kɛ 'anye 'Bemesibhɔnyɔ 'na -vinɔ -nɛme, -ɔ "kɛ lɛ 'anye yɔko ko -godogodo. 'Ɔɔ -noɔ -lɔ Zuzu Wlewle, -gbaabhulɛnyɔ yɔ. -Tiaa 'nyakpa "ne 'bhɛle- "ne "kɔ kɔ 'sa, "naa- 'wa "no 'yli -gɛ "ne 'wa "no -yi zɛ. -Mɔ, 'anye 'a -yu, sɛko -wɛ, 'ɔ -ko 'anye yɔko, "ne 'ɔ -ko 'anye "me.

"Ne, -ye 'a "kɛ 'neɛ 'tɔ "me zlɛ- -wɛ, 'e 'yi 'anye kɔ 'je. "Naa-, Yu "me 'ye To "kɛ -lɔ 'ŋlu me -le zɛ. -Ye 'a kɛ -zlɛ 'neɛ -tɔ "me, 'e 'yi 'anye kɔ 'je.

'A kɛ -ame -wa ne, 'a yi 'neɛ gbagbɛ 'plome "zo

-Ame To 'na -bhudu "me, 'glidɛ 'na 'kwleyi -ko "bhle. -Ɛ "mɔ nɛ sɔbhɔ yɛ, 'e yi nɛ -gbɔ nɛɛ 'e "kɛ -na 'anyɛɛ 'glidɛ- 'wli jijalea- -ka me.

-Se 'e kɛ lɔbhɔ 'wli -jijalea "bhuɔ ne, 'e "kɛ 'anye 'yukwɔ yi. -Se 'neɛ -dee 'e ko -wɛ 'a "kɛ lɔbhɔ ko -me.

"Ne Toma yu -lɔ bhulɛle- nɛɛ: «Anyinɛnyɔ, -a "ne -mlɛ -kɛ -dee -e me -yi. Zaa -see -a "kɛ bhɔ "bhle 'na -gwe dɛ yibhlele- 'a?»