Populære bibelvers fra यूहन्ना 19

Del

जब यीशु ल उ सिरका चूसि तब ऊंल बोलि, “पूरो हवे गै” अर वेल मुंड झुकै कै अपड़ा प्राण छोड़ी दींनि।

यांका बाद यीशु ल यु जांणि के की अब वेल अपड़ो सैरो काम खत्म कैरी येले इलै कि परमेश्वर का वचन मा लिखीं बात सच साबित हो, यीशु ल बोलि, “मि तिसलो छौं।”

जब यीशु ल अपड़ी ब्वे अर वे चेला तैं जै बट्टी उ प्रेम रखदु छो संमणी खड़ो देखि त ऊंल अपड़ी ब्वे कु बोलि, “हे नारी देख यु तेरु नौंनो।” तब वेल चेला कु बोलि, “या तेरी ब्वे च।” तब उ चेला वीं तैं अपड़ा परिवार का हिस्सा बंणै कै अपड़ा घौर ली गै।

पर जब उ यीशु मा ऐनी अर ऊंल देखि कि उ मोरि गै त ऊंल वेका खुट्टा नि तुड़िनि। पर एक सिपै ल वेकी पंणकोखि पर भाला कि चोट मारि अर उख बट्टी वे बगत ल्वे अर पांणी निकली।

यु बात इलै हवे कि परमेश्वर का वचन मा जु लिख्युं च ऊं सच हवे जौ, “वेकी कुई हड्डी तुड़ै नि जालि।” फिर एक अर जगह पर परमेश्वर का वचन मा यु भि लिख्युं च “जैल वे तैं बेधि छो वे पर नजर कैरा।”

तब उ यीशु तैं ली गैनी। अर उ अपड़ी सूली तैं उठै कै वीं जगह तक भैर लीगि जैकु, “खोपड़ी कि जगह” बुल्दा छिन अर इब्रानी भाषा मा गुलगुता बुलै जांदु।

सिपैयूं ल यीशु तैं बैंगनी जु शाही कपड़ा छा पैरेनि जन राजा पैरदो अर वेको ठट्टा कैरी अर झिबलांण कु मुगट बूणि कै वेका मुंड मा रखि