Populære bibelvers fra Matiyò 6

Del

Gha shyə mò na ghàn bɨlà lem təm ghana ha Yènfù ma ghàn hi chyə chilichili te ghɨt ghe ghɨ chyə a Yènfù yi dèt yi làŋ ma fu nê fo kpenhi mwə̀ muna mù jɨ̀m ha ghàn.

Ni, kə təm ghana hi fumhe ghàn kum tuk wu bisu beka yi bis bè kpene kə nì gha wuni. Nâbi wùni tuku kətalò ngə̂k yi kpene kə nì tuk wu tɨnu, a fə̂n wa saka kə wò a kəta kə wò jyaka, nì bân yi chiki kə yu mù jɨ̀m. (Àmèn).

“Mu wu hì jîsà ha ghàn chin na, kə ghàn hi kwâktè kum nì chyə yani. Kə wùt ha ghàn nê hi kwâktè na yi nè yə gha agha, yi nè nyo ghə agha makə yi nè mâkà ghə a yi wùn agha. A wò jis na yohnà wûtì chyà wi mwə̀ mù yə̂mù agha, wun wu wûtù chyâ wi njusu agha?”

Wò hì mô hi jə̀m, wò kina luk wu letenu wo jəm ha Bì wânù we ghɨ yena wi. Wò ki jə̂m ni, ma Bì wâ we wù yena gha letena ma wù nê fo maktu wa.

Ghàn hì mô hi jə̀m, ghàn jəm wu lum afan ni: ‘Bì wâhù we wù mò a nyə̂, nê ma ghɨta hi kokhe yet ya,’ nê ma ghɨ yen fə̂n wa, nê mbyi yinâ na yi gbi kə te wò khɨŋa kəbi yi ghəl te yi mô a nyə̂.

Yəhi ghàh lân, ma wò yəhi ghàh tuk mù jɨ̀m.

Lèhifo ghàh a ghàh a gha be, kəbi yi ghəl te ghàh lèhèfo nâbi nde wù ne be ha ghàh.

Kə wò de na mômhìnì ben ha ghàh, fihi ghàh a gha be afa wùt wù be khɨŋa hi nì ha ghàh. (Beka fə̂n wa saka kə wò, a kəta kə wò jyaka nì ban yi chiki kə yu mù jɨ̀m. Àmèn.)

“Ghàn hi lèhèfo be se ghɨta nè ha ghàn, ma Bì wânù we wù mò a nyə̂ nê boŋa lèhêfo ghàn.

Ghàn yen kə nâ nyɨ̀m muna mù fela chyâ a nyə ni. Mù yome wijə mwə̀ mù yə̂mù, kpê wi, lêmà wijə shyə a wu tân, biyani nâbi we wù mò a nyə̂ yəhe kə yi yəhî munù. Ba ghàn kokne chyâlò nyɨ̀mû agha?

“Kə ghàn hi lêmà ghak yani yi ngɨŋi a chyə afân. A mô wu luk we sekuseku mô hi kut a mwə̀ mù tɨ̂n, ma mùlè bef, ma ghɨt a chwoŋana mô hi fè khɨm a ndâ yâ hi chwôŋ.” Ghàn hi bɨlà lêmà ghak yani a nyə̂. A mô wu luk sekuseku bu hi kut a shyə afû, mwə̀ mù tɨ̂n bu hi bàŋ, ghɨt a chwoŋana nê hi bu hi khɨma ndâ hi lye chwoŋ. Ghaki wûtì mô kəbi afa, təm yi wuni hi mô kə afû.

“Wùt wi hi tè mò wut wù fètana ha ghɨt à bà. Yi shìki mô ni, ma wù nê hi bânà wùlè kôŋà wùlè; faŋ ni, ma wù nê hi ngumle wùlè Kehe wùlè. Wò wi hi fèt ha Yènfù fê fêtà kəbi ha ka.”

Yènfù shìki mô hi labhe wu wəlâ ni a ghə̀n lan ni, tuku mô hi yu yi bîs na təm à nyok, ma fu nê labhi nâ ghàn yàni agha? Ghàn bìtè yole ghə a ghàn yi samhî ha Yènfù ni?

Wò lyi a shyə hi fo ha wùt te wù gha, wò fo wu lum afa sun wâ wù təm nè khɨle wijə. Yi chwûtè na wò ki lyê fo ya, kə nè fo hi chwùtì na ghɨta yen. Wò ki ni yâ, ma Bì wâ we wù yena gha letena ma wù nê fo maktu wa.

“Ghàn hi tôknè, kə ghàn nê hi nê gha jûŋà ha Yènfù a ndan beka ghàn khɨŋa na ghɨta hi yenâ. Ghàn shìki nì yâ, ma Bì wânù a nyə̂ bê tè fè fo jə̀ maktu wanu.”

Ghàn shihi bam yi jwô, kə ghàn hi gûnà kə̂kà te ghɨt ghe ghɨ kama nê gha. Ghɨna shihi bam yi jwô, ghɨna hi châmnè kə̂kà shyəma ghɨta hi yenâ. Mu jìsà ha ghàn hamok na ghɨt mi ghɨ̂n shyə khɨti mihì maktu ghɨna. Ghàn hì mô hi bam yi jwô, ghàn hi sô kə̂k tanitu, shyakè tu wanu, ma ghɨta nê hi khə wi na ghàn mò ni bama yi jwô, a khə kə Bì wanù we ghɨ yena wi ma ghàn ni yâ, ma Bì wanù we ghɨ yena wi ma wù nê makti ghàn.