Populære bibelvers fra Matiyò 5

Del

Wùt wi hi dàn a lâm hi kuhe kà a tû. Ghɨ dânà, ghɨ tom wu lùk wu ngaŋtenu na yì hi bana a ndâ yì jɨ̀m. A mô kəbi te ghàn kəta hi tè bân ha ghɨta na ghɨna yen gha jûŋ ghe ghàn nè ma ghɨna nê hi kokhi Bâba wânù we wù mò a nyə̂.

“Ghàn mô kəbi yi ban ha ghɨt a mbye. Tèk ye yi mô a tô kùn wi hi lèt.”

Jùŋ mô ha ghɨt ghe təm a ghɨna yule, beka ghɨna bè yenalò Yènfù.

Jùŋ mô ha ghɨt ghe jiŋsu yafa, toŋu fê yuma hi nè gha ye Yènfù khɨŋa, beka Yènfù bè folò mwə̀ me ghɨna khɨŋa.

Biyani, mu jìsà ha ghàn chin na, ghàn hi kôŋà bànà sanisu, jə̂mà ha ghɨt ghe ghɨ chwoka wulu wanu.

“Jùŋ mò ha ghɨt ghe ghɨ khə na ghɨna fufalò a gha Fùyènì, beka jùŋ à fə̂n wù Fùyènù bè hì mô ha ghɨna.”

Jùŋ mô ha ghɨt ghe ghɨna fètà hi lèm yi yutì, beka ghɨ bè toŋtelò ghɨna na wana Fùyènà.

Jùŋ mô ha ghɨt ghɨ kwohe seni jyê, beka Yènfù bè chinhelò ghɨna.

Jùŋ mô ha ghɨt ghe ghɨ bânà ghɨna beka ghɨna nè te Yènfù khɨŋa, jùŋ à fə̂n wù Fùyènù bè hì mò ha ghɨna.

Jùŋ mô ha ghe ghɨ kwohe seni ha ghɨt ale, beka Yènfù bè kwohe lò seni ha ghɨna.

“Jùŋ mô ha ghàn a wu yu afa ghɨta sùlè ghàn, chwoka wulu wanu, fê wama tu nki tu fəm tu tù jɨ̀m kum ghàn beka ghàn mò ghɨt a ma.” Ghɨ shihi nê gha mɨ ghɨ̂n, ghàn hi tâ saŋle kə yi saŋlî beka maktu chiku yute ghàn a nyə̂. À mò kəbi te ghɨ ndùku bânà fòktìsù chiksu shyəsu.

Jùŋ mô ha ghɨt ghe ghɨ bone, beka ghɨna bè kwotelò mwə̀ me Yènfù mò ma wù ti chwûnà.

“Ghàn mò ni te fu mbâŋ ha ghɨt a mbye. Biyani, mbaŋfu shìki fê tofa wi, ma ghɨ nê ni yàni shyəma fu kahà tof agha? Yi gan ni, ma fu hi fê jwôfà wi a shyə̀ ale, a bu kə na ghɨ suh à maka, ma ghɨta hi gbê a tû.”

Chyəna ghana kəta hi tè yule kpenê kəbi te chyəna Bâba a nyə yule kpene.

Gha hi mò hi bimî, wo bimi kə yi bimî; mô hi tunhî, wo tunhi kə yi tunhî. À fi kpenhi nâbi ghə a tô atɨ̂n, ma à hi mô ma yi lo ben ha deblì.

“Ghàn tî yû kəbi na ghɨ tî jis na, ‘Wùt so se ya, wò boŋ so fîsì yi wuni, chwok soŋ ya, wò boŋ chwok yi wuni.’ Biyani, mu jìsà ha ghàn chin na, ‘Kə wùt nè nê fisè gha. Wùt sam wò a jə̀k a wo ta wo bɨnhì chwûtì ale, ma wù sam à mihi.’

Se ya yi kpen wu wo ta ki nî na wò ni be, wo boklì fihi mâkàlò. Yi jwôfà hi gha bâh gha ghɨ wùna chyâ na ghɨ bê tum wun wa wù jɨ̀m wu wùs. Kpen wa wu wo ta ki nî na wò ni be, wò kat mâkàlò. Yi jwôfà na wò gha bâh gha ghɨ wùna ale à mòk chyâ shyəma ghɨ bê tum wun wa wù jɨ̀m a wu wùs.”