Populære bibelvers fra San Juan 6

Del

Y ñʌjayaju Jesujsis: Ʌjte' te' pan šajpapʌ's iscuy-quenguy mumu pʌngotoya. Iwʌ'sʌj cʌ'minba ʌj ja'na yu'que'temaj. Y iwʌ'sʌj wʌ'aŋjamba ʌj, ja'na yoctʌtzque'temaj.

Tʌ espiritu'stʌ tzi'pa quenguy, tʌ ŋgüerpo's ja'n quiotzowe. Y te' ʌs ndzamyajupʌ tiyʌ espiritute' y quenguytye'.

Yostamʌ, ja'n na' wa'mis mba'ttamu yajpapʌ cu'tcuy, sino que wa'mis mba'ttamu ja'n yayepʌ cu'tcuy. Ʌs, te' Pʌ'nis 'Yune's, sunba'ʌsmij ndzi'tamu cu'tcuy ja'n yayepʌ quenguquiotoya. Porque ʌj copiŋu Ndata Diojsis wa'yʌsmij ʌs ndzi'tamu.

Y yʌ'šej šunba ʌs Ndata's: Jujche'ŋ iwʌ'sʌj ispʌcpa que ʌjte' te' Diojsis 'Yune, y wʌ'aŋjamba'ʌj, pya'tpa ja'n yayepʌ quenguy. Y ʌs maŋba'ʌs nyajwinsa'u ultimopʌ jamo'oyj.

'Yaŋdzoŋyaju Jesujsis: Yʌ'šejte' šunba Diojsis wa'mis ndzʌctamu, wa'misʌj nwʌ'aŋjamdamu ʌj, porque Diojsisʌjyʌ' cʌ'weju.

Mumu jujche'ŋ quiopiŋba Diojsis wa'yʌj wʌ'aŋjamyajupʌ's, maŋba'ʌj cʌ'miñaju. Y iwʌ'sʌj cʌ'minba ja'nʌs macwinduqui.

'Yaŋdzoŋu Simón Pedro's: Señor, juca ndzacpatʌsmij, ¿iwa'ndʌs ŋgʌ'maŋba? Mis ndzambamis tiyʌ'stʌ tzi'pa ja'n yayepʌ quenguy.

Ʌjte' te' pan wanajcupʌ tzajpojmoc, y šajpapʌ's quenguy. Juca iwʌ's wyi'cpa yʌ' pan, maŋba pya'tu ja'n yayepʌ quenguy. Y te' pan ʌs maŋba ndzi'oquia'upʌ, ʌste' ŋgüerpo. Ndzi'oquia'pa'ʌs wa'y pya'tyaju iscuy-quenguy najsacopajcʌsita'mbʌ's.

Ya'iwʌ ja'n musi minu ʌ'aŋi juca ʌs Ndata Diojsis ja'n yajpononajay chocoy. Y te' cʌ'miñajpapʌ'sʌj maŋba'ʌs nyajwinsa'u ultimopʌ jamo'oyj.

Porque te' pan šajpapʌ Ndata Diojsis, te'wʌte' wanajcupʌ tzajpojmoc, y ñe'cʌ'ste' maŋba chi'yaju quenguy te' najsacopajcʌsita'mbʌ pʌn.

Ʌjte' te' pan chi'yajpapʌ's mumu pʌn iscuy-quenguy.

Pijche'c pyʌjcu Jesujsis te' pan y ñʌjayu Dios yʌscotoya. Pijche'ca we'nbʌ'jayutʌj jujche'ŋdʌj quiʌ'aŋmaye, y tʌsa maŋutʌs sajne'ŋbʌ'u mumu te' pocšajupʌ'ojmo. Y sajque'tutʌs te' coquej, y cu'tyaju šuñajuše'ŋ. Tajšaju'ca te' pʌnda'm, nʌjayutʌj Jesujsis: Piŋdu'mʌytyamʌ te' cu'tcʌchʌ'yʌ uy tyocoyu'ŋmʌjcʌ ni uša'ŋ.

Y nyajemdu'ŋaju'candʌs te' barco tumʌ leguaše'ŋoyj ŋguenutʌs Jesús ca'ŋba nʌ minu marcʌsi wa'y ñu'cu te' barco'aŋi, y na'tzutʌj. Pero nʌjayutʌj ñe'cʌ's: Ʌjyʌ', uy na'tztame.