Populære bibelvers fra लूका 6

Del

कर्पिन्‍त ब्‍यु, अले परमेश्‍वरं नं छिमित बियादी। छिमिसं फयां फय् मफय्‌क कुलि संकाः संकाः दानाः बी। गुलि छिमिसं कर्पिन्‍त बिल, उलि हे छिमित नं बी।”

भिंम्‍ह मनूया मतिइ भिंगु हे दइगुलिं वं भिंगु भिंगु हे न्‍ववाइ। अथे हे मभिंम्‍ह मनूया मतिइ मभिंगु दइगुलिं वं मभिंगु हे न्‍ववाइ, छाय्‌धाःसा मतिइ छु दु, व हे खँ म्‍हुतुं न्‍ववाना हइ।”

“अय्‌जूगुलिं छिमिसं शत्रुतय्‌त माया यानाः इमित भिं या। लित कायेगु मतिइ मतसे त्‍यासा ब्‍यु। अले छन्‍त तःधंगु सिरपाः दइ। अले हानं छिपिं दकलय् तःधंम्‍ह परमेश्‍वरया काय्‌पिं जुइ। छिमि परमेश्‍वर बाःनं लोभीतय्‌त नं, तसकं मभिंपिं मनूतय्‌त नं, उतिकं हे दया माया यानादी।

अथे हे छिपिं नं, बाः थें, दया माया याइपिं जुयाच्‍वँ।”

“कर्पिनिगु न्‍याय याये मते, अले छिमिगु नं न्‍याय याइ मखु। कर्पिन्‍त दोष बी मते, अले छिमित नं दोष बी मखु। क्षमा ब्‍यु, अले छिमित नं क्षमा बी।

“जिं छिमित धाये बांलाक न्‍यँ, शत्रुतय्‌त माया या, हेला याइपिन्‍त भिं या। थःत सराः ब्‍यूपिन्‍त सुवाः ब्‍यु। थःत मभिं याःपिनिगु निंतिं प्रार्थना या।

मेपिन्‍सं छिमित छु याःसा यः, छिमिसं नं इमित अथे हे या।”

सुनानं छिमित न्‍यतालय् दाल धाःसा मेगु न्‍यता नं फया ब्‍यु। सुनानं छिमिगु गा लाका का वःसा, लं नं त्‍वया ब्‍यु। फ्‍वं वःपिन्‍त ब्‍यु। सुनानं छिमिगु छुं कयाः यंकाः लितबी महःसां हजि धकाः फ्‍वने मते।

“मभिंगु सिमाय् भिंगु फल सइ मखु। अथे हे भिंगु सिमाय् मभिंगु फल सइ मखु

छाय्‌धाःसा फलं हे सिमा भिं मभिं सीके फइ। कंमाय् यःमरि सया च्‍वनी मखु। अथे हे कंझालय् नं दाख सया च्‍वनी मखु।