Populære bibelvers fra Yahiya 9

Del

Pādpād ellew pe subey hinangte meꞌ hinang Tuhanin, Tuhan mamapitu akuhin,” paꞌin si Isa. “Pagtaꞌabut ne sangem gaꞌ ne niyaꞌ kapaghinang.

Tiggelanku tuꞌu si dunya, aku mangurung dantaꞌ si pikilan manusiyaꞌin.”

Tinilew si Isa weꞌ meꞌ tindegnen, paꞌinde, “Tuwan, weꞌey teꞌ aꞌa inin pessek amban dem betteng? Sabab dusene ke atawa sabab duse saꞌi-samanen?” Nambung si Isa, paꞌinne, “Dumaꞌin sabab dusene atawa duse saꞌi-samanen hangkan iye pessek. Saguwaꞌ pessek iye supaya tapakitehan Tuhanin balakatnen bang ngite ne aꞌa inin.

Paꞌin si Isa, “Hangkan ku pitu si dunya, supaya pinagsapeꞌ meꞌ aꞌahin. Meꞌ aꞌa dalil mapessekin, peggeꞌ gaꞌi kataꞌuhande mabennal sabab Tuhanin, ngite du. Duk meꞌ aꞌa magpaꞌinin weꞌ ngite siye, peggeꞌ kannalde kataꞌuhande mabennal sabab Tuhanin, ngapessek du.”