Populære bibelvers fra Yahiya 10

Del

Aꞌa ngalangpasin, gaꞌ niyaꞌ akane pitu bang dumaꞌin nangkew, duk mapatey, duk makaꞌat. Saguwaꞌ aku, akaku mapituhin ngurungan meꞌ manusiyaꞌin umul, maglabi-labi hāpnen.

“Aku inin,” paꞌin si Isa, “dalil pastul bili-bili hāp pagipatne meꞌ bili-bilinen. Pastul bili-bili mahāpin maglillaꞌ matey para si meꞌ bili-bilinen.

Meꞌ aꞌa sukuꞌ si akuhin, meꞌ dalil bili-bilikun, pakalede suwalakun. Kataꞌuhanku siye duk nuhut siye aku.

Urunganku siye umul gaꞌ tamananne. Gaꞌi teꞌed siye pinasapeꞌ amban Tuhan salama-lama. Duk gaꞌ teꞌed niyaꞌ makaꞌagew siye amban aku.

Aku dalil gawangin,” paꞌin si Isa. “Sine-sine padiyalem amban aku, timbul iye. Luhaya iye padiyalem-pabukut duk inurungan iye kahāpan.

Aku inin,” paꞌin si Isa, “dalil pastul bili-bili, hāp pagipatne meꞌ bili-bilinen. Magkinataꞌu teꞌed kami duk Samakun. Damikkiyan isab, kataꞌuhanku meꞌ aꞌa sukuꞌ si akuhin duk kataꞌuhande ku isab. Maglillaꞌ ku matey para si meꞌ aꞌa sukuꞌ si akuhin.

Pinasukuꞌ siye weꞌ Samakun si aku. Samakun balakatan amban kēmon. Gaꞌ niyaꞌ makaꞌagew meꞌ aꞌa sukuꞌ si akuhin amban iye. Samakun duk aku dambuwaꞌ du.”

Aku inin,” paꞌin si Isa, “dalil pastul bili-bili, hāp pagipatne meꞌ bili-bilinen. Magkinataꞌu teꞌed kami duk Samakun. Damikkiyan isab, kataꞌuhanku meꞌ aꞌa sukuꞌ si akuhin duk kataꞌuhande ku isab. Maglillaꞌ ku matey para si meꞌ aꞌa sukuꞌ si akuhin.

Gaꞌ niyaꞌ manusiyaꞌ taga kapatut mapatey aku, peggeꞌ makapagbayaꞌ ku bang matey ku atawa gaꞌi. Paglillaꞌku umulkun amban kabayaꞌanku. Taga kapatut ku maglillaꞌ umulkun, duk taga kapatut ku makellum barankun balik. Inin pangandaꞌakan Samaku Tuhanin si aku.”

Hangkan missā si Isa si siye balik, paꞌinne, “Sabennal akahante kaꞌam, aku inin dalil gawang palabeyan bili-bilihin.

Aꞌa tinangdanan magbantey meꞌ bili-bilihin, dumaꞌin iye pastulin duk dumaꞌin iye dapuꞌ meꞌ bili-bilihin. Hangkan bang niyaꞌ takitene hayep talun hap pī si meꞌ bili-bilihin, lahi iye duk ambananne meꞌ bili-bilihin. Manjari siggew hayep talunin meꞌ bili-bilihin duk kanat-kanatne siye.

Manjari magdalilan si Isa, paꞌinne, “Sabennal akahante kaꞌam, bang aꞌahin padiyalem dem kural meꞌ bili-bilihin bu gaꞌi palabey amban gawang saguwaꞌ padiyalem amban lān seddili, aꞌa miyaꞌan panangkew duk ngalangpas.