Populære bibelvers fra LUKA 13

Del

“Kemuiki kecheibe ge gut ra rankai lau; ningnui je I rang lei, misonggame ne gut ra peu gu, zai penui gutchi ra mak lei.

Zai ’mpuimi hangkat pechu herui ne kum kereu ze desat peran tew’nggaibeipui bam lei; chipaupui ze â ’ngkuairuai ze pe runne sap’ntachu lak lei. Zai Isua ne pechu ngau lu dege kûwang lu ze, “A pui gau, nang chuakanibe gene ningchu heipat kai ’nde lei,” kacheu de lei.

Dadege pa ne pe ba kena pe peireige die gai de lei, dadege luakatne pechu tew’ntatui gai bei de lei, zai pa Hera je toa ze bam di de lei.

Zai pie le lau, kenâme ne raî dai gu, zai keraîme ne nâ dai gu lei,” ze acheu bei de lei.

Heki’mpaupeu ne chu ze ’ngkam kainam nan dezai ningnui hela ’mbene sap lu ’ngkam gekeu ze, ‘Heguang gau, anui je ’ngkam lat kai lau,’ ze ningnui acheu chu gu lei. Pa ne ningnui je kak ze ‘Ningnui ’ndai’nggene wangbe kau mei be I chî me lei,’ ze acheu gu lei.

Ningnui je I rang lei, Mak lei; kane ningnui lung heliwang dai makchai â, chime gum ze ningnui du ’ngga gai kam gu lei,” acheu bei de lei.

Kane pa ne, ‘Ningnui je I rang lei, ningnui ’ndai’nggene wang mei be I â chî me lei; ningnui tâ-kesiabe tewme nung gau, a dagene tatrimna de lau!’ ze acheu gu lei.

Chipauziegene pa ne, “Hera gu heguangram ze ’ndaikau helî gum lau? Zai chize ’ndaikau je I ne teikeda gai ra lau? Chize â ’nzeyichêu kat hangkat ne pe gu merie ge sâugaibe gum lei; zai chize chîngchu ze hingbang hang chang di de lei, dadege ’nruine ramme ne chipau bang keî ramme ge penui chippua gai de lei,” kacheu de lei.