Uzbek, Northern - Muqaddas Kitob, 2019 (NT, OT) Non Drama

Uzbek, Northern - Muqaddas Kitob, 2019 (NT, OT) Drama

Одам Атонинг насл–насаби тарихи қуйидагичадир:

Худо инсон зотини яратганда, уларни Ўзига ўхшаган қилиб яратган эди. Худо инсонларни эркак ва аёл қилиб яратди. Худо уларни яратгандан кейин Инсон деб ном қўйиб, уларга барака берди.
Одам Ато 130 ёшида ўғил кўрган эди. Ўғли отасининг суратидай бўлиб, унга ўхшаган эди. Одам Ато ўғлига Шис деб исм қўйган эди. Шис туғилгандан кейин, Одам Ато 800 йил яшаб, яна ўғил–қизлар кўрди. Одам Ато 930 ёшида оламдан ўтди.
Шис 105 ёшида ўғли Энўшни кўрган эди. Энўш туғилгандан кейин, Шис 807 йил яшаб, яна ўғил–қизлар кўрди. Шис 912 ёшида оламдан ўтди.
Энўш 90 ёшида ўғли Хенанни кўрди. Хенан туғилгандан кейин, Энўш 815 йил яшаб, яна ўғил–қизлар кўрди. Энўш 905 ёшида оламдан ўтди.
Хенан 70 ёшида ўғли Махалиёлни кўрди. Махалиёл туғилгандан кейин, Хенан 840 йил яшаб, яна ўғил–қизлар кўрди. Хенан 910 ёшида оламдан ўтди.
Махалиёл 65 ёшида ўғли Ёредни кўрди. Ёред туғилгандан кейин, Махалиёл 830 йил яшаб, яна ўғил–қизлар кўрди. Махалиёл 895 ёшида оламдан ўтди.
Ёред 162 ёшида ўғли Ханўхни кўрди. Ханўх туғилгандан кейин, Ёред 800 йил яшаб, яна ўғил–қизлар кўрди. Ёред 962 ёшида оламдан ўтди.
Ханўх 65 ёшида ўғли Матушалоҳни кўрди. Матушалоҳ туғилгандан кейин, Ханўх 300 йил яшаб, яна ўғил–қизлар кўрди. У умр бўйи Худога ҳамроҳ бўлиб яшади. Ханўх 365 йил умр кўрди. У бутун умри давомида Худога ҳамроҳ бўлиб яшаб, охири, ғойиб бўлиб қолди, чунки Худо уни олиб кетган эди.
Матушалоҳ 187 ёшида ўғли Ламакни кўрди. Ламак туғилгандан кейин, Матушалоҳ 782 йил яшаб, яна ўғил–қизлар кўрди. Матушалоҳ 969 ёшида оламдан ўтди.
Ламак 182 ёшида бир ўғил кўрди. Ламак: “Эгамиз бу ерни лаънатлаган, энди ерга ишлов берганимизда, оғир ишларимизни шу бола енгиллаштирсин”, деб ўғлининг отини Нуҳ қўйди. Нуҳ туғилгандан кейин, Ламак 595 йил яшаб, яна ўғил–қизлар кўрди. Ламак 777 ёшида оламдан ўтди.
Нуҳ 500 ёшдан ўтгандан кейин Сом, Хом ва Ёфас деган ўғилларини кўрди.

Lyt til Ибтидо 5