1 a 2 Timotheus

Hebreaid

1 & 2 Pedr

Iago

Datguddiad

Hen Destament - Y Proffwydi Mawr

Hen destament - Llyfrau Moses

Hen Destament - Llyfrau Hanes

Hen Destament - Y Proffwydi Bach

Beibl Cymraeg Newydd Testament Newydd Audio 2010

Y Llais - Y Beibl Cymraeg Newydd Testament Newydd 2010

<div class="version vid394 iso6393cym" data-vid="394" data-iso6393="cym">
 <div class="book bk1TH">
 <div class="chapter ch1" data-usfm="1TH.1">
 <div class="label">1</div><div class="s">Cyfarch</div><div class="m"> 1Paul a Silfanus a Timotheus at eglwys y Thesaloniaid yn Nuw y Tad a'r Arglwydd Iesu Grist. Gras a thangnefedd i chwi.</div><div class="s">Ffydd ac Esiampl y Thesaloniaid</div><div class="m"> 2Yr ydym yn diolch i Dduw bob amser amdanoch chwi oll, gan eich galw i gof yn ein gwedd&#239;au, 3a chofio'n ddi-baid gerbron ein Duw a'n Tad am weithgarwch eich ffydd, a llafur eich cariad, a'r dyfalbarhad sy'n tarddu o'ch gobaith yn ein Harglwydd Iesu Grist. 4Gwyddom, gyfeillion annwyl gan Dduw, eich bod chwi wedi eich ethol, 5oherwydd nid ar air yn unig y daeth atoch yr Efengyl yr ydym ni yn ei phregethu, ond mewn nerth hefyd, ac yn yr Ysbryd Gl&#226;n, a chydag argyhoeddiad mawr. Fe wyddoch chwithau hefyd pa fath rai oeddem ni yn eich plith, ac er eich mwyn chwi. 6Daethoch chwi yn efelychwyr ohonom ni ac o'r Arglwydd, gan ichwi dderbyn y gair mewn gorthrymder mawr, ynghyd &#226; llawenydd yr Ysbryd Gl&#226;n. 7Felly daethoch yn esiampl i bawb o'r credinwyr ym Macedonia ac yn Achaia. 8Canys oddi wrthych chwi yr atseiniodd gair yr Arglwydd, ac nid ym Macedonia ac Achaia yn unig; y mae eich ffydd chwi yn Nuw wedi mynd ar led ym mhob man, fel nad oes angen i ni ddweud dim. 9Oherwydd y mae pobl ohonynt eu hunain yn s&#244;n amdanom, y fath dderbyniad a gawsom i'ch plith, a'r modd y troesoch at Dduw oddi wrth eilunod, i wasanaethu'r gwir Dduw byw, 10ac i ddisgwyl ei Fab o'r nefoedd, y Mab a gyfododd ef oddi wrth y meirw, sef Iesu, yr un sydd yn ein gwaredu oddi wrth y digofaint sydd i ddod.</div>
 </div>
 </div>
</div>

<div class="version vid394 iso6393cym" data-vid="394" data-iso6393="cym">
 <div class="book bk1TH">
 <div class="chapter ch2" data-usfm="1TH.2">
 <div class="label">2</div><div class="s">Gweinidogaeth Paul yn Thesalonica</div><div class="m"> 1Fe wyddoch eich hunain, gyfeillion, na fu ein dyfodiad atoch yn ofer. 2Yr oeddem eisoes wedi dioddef ac wedi cael ein sarhau, fel y gwyddoch, yn Philipi, ond buom yn hy trwy nerth ein Duw i draethu i chwi Efengyl Duw, er mor galed oedd y frwydr. 3Oherwydd nid yw ein hap&#234;l ni yn codi o gyfeiliornad, na chwaith o amhurdeb, ac nid oes ynddi dwyll; 4yn hytrach, fel y cawsom ein profi'n gymeradwy gan Dduw i gael ymddiried yr Efengyl inni, yr ydym yn llefaru fel rhai sy'n boddhau, nid meidrolion ond Duw, yr hwn sy'n profi ein calonnau. 5Oherwydd, fel y gwyddoch, ni buom un amser yn arfer geiriau gweniaith, na chwaith ffalster i gelu trachwant&#8212;fel y mae Duw'n dyst. 6Ac nid oeddem yn ceisio gogoniant gan bobl, gennych chwi na neb arall, er y gallasem, fel apostolion Crist, fod yn ddynion o bwys. 7Ond buom yn addfwyn yn eich plith, fel#2:7 Yn &#244;l darlleniad arall, buom yn fabanod yn eich plith, fel. mamaeth yn meithrin ei phlant ei hun. 8Felly,#2:8 Neu, neb arall; er y gallasem, fel apostolion Crist, fod yn ddynion o bwys, 7 buom yn addfwyn yn eich plith. Fel mamaeth yn meithrin ei phlant ei hun, 8 felly. yn ein hoffter ohonoch, yr oedd yn dda gennym gyfrannu i chwi, nid yn unig Efengyl Duw, ond nyni ein hunain hefyd, gan i chwi ddod yn annwyl gennym. 9Oherwydd yr ydych yn cofio, gyfeillion, am ein llafur a'n lludded; yr oeddem yn gweithio nos a dydd, rhag bod yn faich ar neb ohonoch, wrth bregethu Efengyl Duw i chwi. 10Yr ydych chwi'n dystion, a Duw yn dyst hefyd, mor sanctaidd a chyfiawn a di-fai y bu ein hymddygiad tuag atoch chwi sy'n credu. 11A'r un modd, fe wyddoch inni fod i bob un ohonoch fel tad i'w blant, 12gan apelio atoch, trwy eich annog a'ch rhybuddio i fyw yn deilwng o'r Duw sydd yn eich galw i'w deyrnas a'i ogoniant ei hun.</div><div class="p"> 13Yr ydym ni'n diolch i Dduw yn ddi-baid ar gyfrif hyn hefyd: eich bod chwi, wrth dderbyn gair Duw fel y clywsoch ef gennym ni, wedi ei groesawu, nid fel gair dynol ond fel yr hyn ydyw mewn gwirionedd, sef gair Duw, sydd hefyd ar waith ynoch chwi sy'n gredinwyr. 14Oherwydd daethoch chwi, gyfeillion, i efelychu eglwysi Duw yng Nghrist Iesu sydd yn Jwdea, oherwydd yr ydych chwi wedi dioddef yr un pethau yn union oddi ar law eich cydwladwyr ag y maent hwythau oddi ar law yr Iddewon, 15y rhai a laddodd yr Arglwydd Iesu, a hefyd y proffwydi, ac a'n herlidiodd ni. Nid ydynt yn boddhau Duw, ac y maent yn elyniaethus i bawb, 16gan eu bod yn ein rhwystro ni rhag llefaru i'r Cenhedloedd er mwyn iddynt gael eu hachub. Felly y maent bob amser yn cyflenwi mesur eu pechodau. Ond y mae'r digofaint wedi dod arnynt o'r diwedd.#2:16 Neu, arnynt yn derfynol. Neu, arnynt am byth.</div><div class="s">Awydd Paul i Ymweld eto &#226;'r Eglwys</div><div class="m"> 17Pan oeddem ni, gyfeillion, wedi ein gwneud yn amddifad, o'ch colli chwi dros ychydig amser, o ran golwg ond nid o ran y galon, aethom yn fwy eiddgar, ac yn angerddol ein dymuniad am eich gweld. 18Oherwydd buom yn awyddus i ddod atoch&#8212;myfi, Paul, dro ar &#244;l tro&#8212;ond rhwystrodd Satan ni. 19Canys pwy yw ein gobaith a'n llawenydd, a'r goron yr ymffrostiwn ynddi gerbron ein Harglwydd Iesu ar ei ddyfodiad, pwy ond chwi eich hunain? 20Ie, chwi yw ein gogoniant a'n llawenydd.</div><div class="b"></div>
 </div>
 </div>
</div>

1 a 2 ThesaloniaidSampl

Ysgrythur

Am y Cynllun hwn

Cynlluniau Tebyg