Gad i ni ddarllen y Beibl gyda'n gilydd (Hydref)

Gad i ni ddarllen y Beibl gyda'n gilydd (Tachwedd)

Gad i ni ddarllen y Beibl gyda'n gilydd (Rhagfyr)

<div class="version vid394 iso6393cym" data-vid="394" data-iso6393="cym">
 <div class="book bkNEH">
 <div class="chapter ch1" data-usfm="NEH.1">
 <div class="label">1</div><div class="s">Pryder Nehemeia dros Jerwsalem</div><div class="m"> 1Geiriau Nehemeia fab Hachaleia. Ym mis Cislef yn yr ugeinfed flwyddyn, pan oeddwn yn y palas yn Susan, 2cyrhaeddodd Hanani, un o'm brodyr, a gw&#375;r o Jwda gydag ef. Holais hwy am Jerwsalem ac am yr Iddewon, y rhai dihangol a adawyd ar &#244;l heb fynd i'r gaethglud. 3Dywedasant hwythau wrthyf, &#8220;Y mae'r gweddill a adawyd ar &#244;l yn y dalaith, heb eu caethgludo, mewn trybini mawr a gofid; drylliwyd mur Jerwsalem a llosgwyd ei phyrth &#226; th&#226;n.&#8221; 4Pan glywais hyn eisteddais i lawr ac wylo, a b&#251;m yn galaru ac yn ymprydio am ddyddiau, ac yn gwedd&#239;o ar Dduw y nefoedd. 5Dywedais, &#8220;O ARGLWYDD Dduw y nefoedd, y Duw mawr ac ofnadwy, sy'n cadw cyfamod ac sy'n ffyddlon i'r rhai sy'n ei garu ac yn cadw ei orchmynion, 6yn awr bydded dy glust yn gwrando a'th lygaid yn agored i dderbyn y weddi yr wyf fi, dy was, yn ei gwedd&#239;o o'th flaen ddydd a nos, dros blant Israel, dy weision. Yr wyf yn cyffesu'r pechodau a wnaethom ni, bobl Israel, yn dy erbyn; yr wyf fi a th&#375; fy nhad wedi pechu yn dy erbyn, 7ac ymddwyn yn llygredig iawn tuag atat trwy beidio &#226; chadw'r gorchmynion a'r deddfau a'r cyfreithiau a orchmynnaist i'th was Moses. 8Cofia'r rhybudd a roddaist i'th was Moses pan ddywedaist, &#8216;Os byddwch yn anffyddlon, byddaf fi'n eich gwasgaru ymysg y bobloedd; 9ond os dychwelwch ataf a chadw fy ngorchmynion a'u gwneud, byddaf yn casglu'r rhai a wasgarwyd hyd gyrion byd, ac yn eu cyrchu i'r lle a ddewisais i roi fy enw yno.&#8217; 10Dy weision a'th bobl di ydynt&#8212;rhai a waredaist &#226;'th allu mawr ac &#226;'th law nerthol. 11O ARGLWYDD, gwrando ar weddi dy was a'th weision sy'n ymhyfrydu mewn parchu dy enw, a rho lwyddiant i'th was heddiw a ph&#226;r iddo gael trugaredd gerbron y g&#373;r hwn.&#8221;</div><div class="p">Yr oeddwn i yn drulliad i'r brenin.</div>
 </div>
 </div>
</div>

<div class="version vid394 iso6393cym" data-vid="394" data-iso6393="cym">
 <div class="book bkNEH">
 <div class="chapter ch2" data-usfm="NEH.2">
 <div class="label">2</div><div class="s">Nehemeia'n Cyrraedd Jerwsalem</div><div class="m"> 1Ac ym mis Nisan, yn ugeinfed flwyddyn y Brenin Artaxerxes, cymerais y gwin oedd wedi ei osod o'i flaen, a'i roi iddo. Yr oeddwn#2:1 Felly Groeg. Hebraeg, Nid oeddwn. yn drist yn ei &#373;ydd, 2a gofynnodd y brenin i mi, &#8220;Pam yr wyt yn drist? Nid wyt yn glaf; felly nid yw hyn ond tristwch calon.&#8221; Daeth ofn mawr arnaf 3a dywedais, &#8220;O frenin, bydd fyw byth! Sut y medraf beidio ag edrych yn drist pan yw'r ddinas lle y claddwyd fy hynafiaid yn adfeilion, a'i phyrth wedi eu hysu &#226; th&#226;n?&#8221; 4Dywedodd y brenin, &#8220;Beth yw dy ddymuniad?&#8221; Yna gwedd&#239;ais ar Dduw'r nefoedd, 5a dweud wrth y brenin, &#8220;Os gw&#234;l y brenin yn dda, ac os yw dy was yn gymeradwy gennyt, anfon fi i Jwda, i'r ddinas lle y claddwyd fy hynafiaid, i'w hailadeiladu.&#8221; 6Ac meddai'r brenin wrthyf, a'r frenhines yn eistedd wrth ei ochr, &#8220;Pa mor hir fydd dy daith, a pha bryd y dychweli?&#8221; Rhoddais amser penodol oedd yn dderbyniol i'r brenin, a gadawodd yntau imi fynd. 7Yna dywedais wrtho, &#8220;Os gw&#234;l y brenin yn dda, rho i mi lythyrau at lywodraethwyr Tu-hwnt-i'r-Ewffrates er mwyn iddynt hwyluso fy nhaith i Jwda, 8a llythyr hefyd at Asaff, ceidwad y goedwig frenhinol, yn gofyn iddo roi coed imi i wneud trawstiau ar gyfer pyrth y palas sydd yn ymyl y deml, a muriau'r ddinas a'r t&#375; y byddaf yn byw ynddo.&#8221; Trwy ffafr fy Nuw cefais fy nymuniad gan y brenin. 9Yr oedd y brenin wedi anfon gyda mi swyddogion o'r fyddin a marchogion, a phan ddeuthum at lywodraethwyr Tu-hwnt-i'r-Ewffrates rhoddais iddynt lythyrau'r brenin. 10Ond pan glywodd Sanbalat yr Horoniad a'r gwas Tobeia yr Ammoniad am hyn, yr oeddent yn flin iawn fod rhywun wedi dod i geisio cynorthwyo pobl Israel.</div><div class="p"> 11Wedi imi gyrraedd Jerwsalem a bod yno dridiau, 12codais liw nos, myfi a'r ychydig ddynion oedd gyda mi, ond heb ddweud wrth neb beth oedd fy Nuw wedi ei roi yn fy meddwl i'w wneud i Jerwsalem. Nid oedd anifail gyda mi ar wah&#226;n i'r un yr oeddwn yn marchogaeth arno. 13Euthum allan liw nos trwy Borth y Glyn i gyfeiriad Ffynnon y Ddraig ac at Borth y Dom, ac archwilio muriau drylliedig Jerwsalem a hefyd ei phyrth a losgwyd &#226; th&#226;n. 14Euthum ymlaen i Borth y Ffynnon ac i Lyn y Brenin, ond nid oedd lle i'm hanifail fynd trwodd. 15Euthum i fyny'r dyffryn liw nos i archwilio'r mur, ac yna troi'n &#244;l a dychwelyd trwy Borth y Glyn. 16Ni wyddai'r swyddogion i ble yr oeddwn wedi mynd na beth yr oeddwn yn ei wneud; hyd yma nid oeddwn wedi dweud dim wrth yr Iddewon na'r offeiriaid na'r penaethiaid na'r swyddogion na'r rhai a fyddai'n gyfrifol am wneud y gwaith. 17Yna dywedais wrthynt, &#8220;Yr ydych yn gweld y trybini yr ydym ynddo; y mae Jerwsalem yn adfeilion a'i phyrth wedi eu llosgi &#226; th&#226;n; dewch, adeiladwn fur Jerwsalem rhag inni fod yn waradwydd mwyach.&#8221; 18Dywedais wrthynt fel yr oedd fy Nuw wedi fy helpu, a hefyd yr hyn a ddywedodd y brenin wrthyf. Yna dywedasant, &#8220;Awn ati i adeiladu.&#8221; A bu iddynt ymroi i'r gwaith yn ewyllysgar.</div><div class="p"> 19Pan glywodd Sanbalat yr Horoniad, a'r gwas Tobeia yr Ammoniad, a Gesem yr Arabiad, gwatwarasant ni a'n dirmygu a gofyn, &#8220;Beth yw hyn yr ydych yn ei wneud? A ydych yn gwrthryfela yn erbyn y brenin?&#8221; 20Atebais hwy a dweud, &#8220;Bydd Duw y nefoedd yn rhoi llwyddiant i ni, ac yr ydym ninnau, ei weision ef, yn mynd ati i adeiladu. Ond nid oes gennych chwi ran na hawl na braint yn Jerwsalem.&#8221;</div>
 </div>
 </div>
</div>

<div class="version vid394 iso6393cym" data-vid="394" data-iso6393="cym">
 <div class="book bkNEH">
 <div class="chapter ch3" data-usfm="NEH.3">
 <div class="label">3</div><div class="s">Ailgodi Mur Jerwsalem</div><div class="m"> 1Yna dechreuodd Eliasib yr archoffeiriad a'i gyd-offeiriaid ailgodi Porth y Defaid; gosodasant ei gilbyst a rhoi#3:1 Tebygol. Hebraeg, cysegrasant a rhoi. ei ddorau yn eu lle, ac atgyweirio#3:1 Tebygol. Hebraeg, a chysegru. hyd at D&#373;r y Cant a Th&#373;r Hananel. 2Adeiladodd gw&#375;r Jericho yn ei ymyl, a Sacur fab Imri yn eu hymyl hwythau. 3Ailgodwyd Porth y Pysgod gan feibion Hasena; gosodasant ei gilbyst a rhoi ei ddorau yn eu lle gyda'r cloeau a'r barrau. 4Yn eu hymyl hwy yr oedd Meremoth fab Ureia fab Cos yn atgyweirio, ac yn ei ymyl ef Mesulam, fab Berecheia, fab Mesesabel, ac yn ei ymyl yntau yr oedd Sadoc fab Bana yn atgyweirio. 5Y Tecoiaid oedd yn atgyweirio yn eu hymyl hwy, ond nid oedd eu pendefigion yn fodlon gwasanaethu meistriaid. 6Atgyweiriwyd yr Hen Borth gan Joiada fab Pesach a Mesulam fab Besodeia; gosodasant ei drawstiau a rhoi ei ddorau yn eu lle gyda'r cloeau a'r barrau. 7Yn eu hymyl hwy yr oedd Melateia o Gibeon a Jadon o Meronoth, gw&#375;r Gibeon a Mispa, yn atgyweirio hyd at blas llywodraethwr Tu-hwnt-i'r-Ewffrates. 8Yn ei ymyl ef yr oedd Usiel fab Harhaia, un o'r gofaint aur, ac yn ei ymyl yntau Hananeia, un o'r apothecariaid; hwy oedd yn trwsio Jerwsalem hyd at y Mur Llydan. 9Yn eu hymyl hwy yr oedd Reffaia fab Hur, rheolwr hanner rhanbarth Jerwsalem. 10Yn ei ymyl ef yr oedd Jedaia fab Harumaff yn atgyweirio o flaen ei d&#375;, a Hatus fab Hasabneia yn ei ymyl yntau. 11Yr oedd Malcheia fab Harim a Hasub fab Pahath-moab yn atgyweirio dwy ran a Th&#373;r y Ffwrneisiau. 12Yn ei ymyl ef yr oedd Salum fab Haloches, pennaeth hanner rhanbarth Jerwsalem, yn atgyweirio gyda'i ferched. 13Atgyweiriwyd Porth y Glyn gan Hanun a thrigolion Sanoach; ailgodasant ef a gosod ei ddorau gyda'r cloeau a'r barrau. 14Hwy hefyd a atgyweiriodd y mur am fil o gufyddau hyd at Borth y Dom. Ond atgyweiriwyd Porth y Dom gan Malacheia fab Rechab, rheolwr rhanbarth Beth-hacerem; fe'i hailgododd a gosod ei ddorau yn eu lle gyda'r cloeau a'r barrau. 15Atgyweiriwyd Porth y Ffynnon gan Salum fab Colchose, rheolwr rhanbarth Mispa; fe'i hailgododd a rhoi to arno a gosod ei ddorau yn eu lle gyda'r cloeau a'r barrau; cododd fur Pwll Selach wrth ardd y brenin hyd at y grisiau sy'n arwain i lawr o Ddinas Dafydd. 16Ar ei &#244;l ef atgyweiriodd Nehemeia fab Asbuc, rheolwr hanner rhanbarth Beth-sur, hyd at le gyferbyn &#226; mynwent Dafydd a hyd at Bwll y Gloddfa ac at D&#375;'r Cedyrn. 17Ar ei &#244;l ef atgyweiriodd y Lefiaid: Rehum fab Bani, ac yn ei ymyl Hasabeia, rheolwr hanner rhanbarth Ceila, yn atgyweirio ei ran ei hun. 18Ar ei &#244;l ef atgyweiriodd eu brodyr, Bafai fab Henadad, rheolwr ail ranbarth Ceila. 19Yn ei ymyl ef yr oedd Eser fab Jesua, rheolwr Mispa, yn atgyweirio dwy ran gyferbyn &#226;'r allt at d&#375;'r arfau, wrth y drofa. 20Ar ei &#244;l ef atgyweiriodd Baruch fab Sabai#3:20 Felly llawysgrifau a Groeg. TM yn ychwanegu yn egn&#239;ol. ddwy ran, o'r drofa hyd at ddrws t&#375; Eliasib yr archoffeiriad. 21Ar ei &#244;l ef atgyweiriodd Meremoth fab Ureia fab Cos ddwy ran, o ddrws t&#375; Eliasib hyd at dalcen ei d&#375;. 22Ac ar ei &#244;l ef atgyweiriodd yr offeiriaid oedd yn byw yn y gymdogaeth. 23Ar eu h&#244;l hwy atgyweiriodd Benjamin a Hasub gyferbyn &#226;'u t&#375; eu hunain. Ar eu h&#244;l hwy atgyweiriodd Asareia fab Maaseia, fab Ananeia, gyferbyn &#226;'i d&#375; ei hun. 24Ar eu h&#244;l hwy atgyweiriodd Binnui fab Henadad ddwy ran, o d&#375; Asareia hyd at y drofa a'r gongl. 25Palal fab Usai oedd yn atgyweirio gyferbyn &#226;'r drofa a'r t&#373;r sy'n codi o d&#375; uchaf y brenin ac yn perthyn i gyntedd y gwarchodlu. Ar ei &#244;l ef atgyweiriodd Pedaia fab Paros 26a gweision y deml oedd yn byw yn Offel hyd at le gyferbyn &#226; Phorth y D&#373;r i'r dwyrain o'r t&#373;r uchel. 27Ar eu h&#244;l hwy atgyweiriodd y Tecoiaid ddwy ran gyferbyn &#226;'r t&#373;r mawr uchel hyd at fur Offel. 28O Borth y Meirch yr offeiriaid oedd yn atgyweirio, pob un gyferbyn &#226;'i d&#375;. 29Ar eu h&#244;l hwy atgyweiriodd Sadoc fab Immer gyferbyn &#226;'i d&#375;. Ac ar ei &#244;l ef atgyweiriodd Semaia fab Sechaneia, ceidwad Porth y Dwyrain. 30Ar ei &#244;l ef atgyweiriodd Hananeia fab Selemeia a Hanun, chweched mab Salaff, ddwy ran. Ar ei &#244;l yntau atgyweiriodd Mesulam fab Berecheia gyferbyn &#226;'i lety. 31Ar ei &#244;l ef atgyweiriodd Malcheia, y gof aur, hyd at d&#375;'r Nethiniaid a'r marchnatwyr, gyferbyn &#226; Phorth y Cynnull hyd at yr oruwchystafell ar y gongl. 32A rhwng yr oruwchystafell ar y gongl a Phorth y Defaid yr oedd y gofaint aur a'r marchnatwyr yn atgyweirio.</div>
 </div>
 </div>
</div>

Gad i ni ddarllen y Beibl gyda'n gilydd (Medi)Sampl

Ysgrythur

Am y Cynllun hwn

Cynlluniau Tebyg

Gad i ni ddarllen y Beibl gyda'n gilydd (Hydref)

Gad i ni ddarllen y Beibl gyda'n gilydd (Tachwedd)

Gad i ni ddarllen y Beibl gyda'n gilydd (Rhagfyr)