Hebreaid 11:32-34
Hebreaid 11:32-34 beibl.net 2015, 2024 (BNET)
Beth arall sydd raid i mi ei ddweud? Does gen i ddim amser i sôn am Gideon, Barac, Samson, Jefftha, Dafydd, Samuel a’r holl broffwydi. Eu ffydd wnaeth alluogi’r bobl hyn i wneud pob math o bethau – concro teyrnasoedd, llywodraethu’n gyfiawn, a derbyn y bendithion roedd Duw wedi’u haddo. Cafodd llewod eu rhwystro rhag lladd pobl, tanau gwyllt eu rhwystro rhag llosgi pobl, a llwyddodd eraill i ddianc rhag cael eu lladd â’r cleddyf. Cafodd y rhai oedd yn wan eu gwneud yn gryf, a throi’n filwyr nerthol yn gwneud i fyddinoedd gwledydd eraill ffoi.
Hebreaid 11:32-34 Beibl Cymraeg Newydd Diwygiedig 2004 (BCND)
A beth a ddywedaf ymhellach? Fe ballai amser imi adrodd yn fanwl hanes Gideon, Barac, Samson, Jefftha, Dafydd a Samuel a'r proffwydi, y rhai drwy ffydd a oresgynnodd deyrnasoedd, a weithredodd gyfiawnder, a afaelodd yn yr addewidion, a gaeodd safnau llewod, a ddiffoddodd angerdd tân, a ddihangodd rhag min y cleddyf, a nerthwyd o wendid, a ddaeth yn gadarn mewn rhyfel a gyrru byddinoedd yr estron ar ffo.
Hebreaid 11:32-34 Beibl William Morgan - Argraffiad 1955 (BWM)
A pheth mwy a ddywedaf? canys yr amser a ballai i mi i fynegi am Gedeon, am Barac, ac am Samson, ac am Jefftha, am Dafydd hefyd, a Samuel, a’r proffwydi; Y rhai trwy ffydd a oresgynasant deyrnasoedd, a wnaethant gyfiawnder, a gawsant addewidion, a gaeasant safnau llewod, A ddiffoddasant angerdd y tân, a ddianghasant rhag min y cleddyf, a nerthwyd o wendid, a wnaethpwyd yn gryfion mewn rhyfel, a yrasant fyddinoedd yr estroniaid i gilio.