1 Corinthiaid 7:3-5
1 Corinthiaid 7:3-5 beibl.net 2015, 2024 (BNET)
Ac mae gan ddyn gyfrifoldeb i gael perthynas rywiol gyda’i wraig, a’r un modd y wraig gyda’i gŵr. Mae’r wraig wedi rhoi’r hawl ar ei chorff i’w gŵr, a’r un modd, mae’r gŵr wedi rhoi’r hawl ar ei gorff yntau i’w wraig. Felly peidiwch gwrthod cael rhyw gyda’ch gilydd. Yr unig adeg i ymwrthod, falle, ydy os dych chi wedi cytuno i wneud hynny am gyfnod byr er mwyn rhoi mwy o amser i weddi. Ond dylech ddod yn ôl at eich gilydd yn fuan, rhag i Satan ddefnyddio’ch chwantau i’ch temtio chi.
1 Corinthiaid 7:3-5 Beibl Cymraeg Newydd Diwygiedig 2004 (BCND)
Dylai'r gŵr roi i'r wraig yr hyn sy'n ddyledus iddi, a'r un modd y wraig i'r gŵr. Nid y wraig biau'r hawl ar ei chorff ei hun, ond y gŵr. A'r un modd, nid y gŵr biau'r hawl ar ei gorff ei hun, ond y wraig. Peidiwch â gwrthod eich gilydd, oddieithr, efallai, ichwi gytuno ar hyn dros dro er mwyn ymroi i weddi, ac yna dod ynghyd eto, rhag i Satan eich temtio oherwydd eich diffyg ymatal.
1 Corinthiaid 7:3-5 Beibl William Morgan - Argraffiad 1955 (BWM)
Rhodded y gŵr i’r wraig ddyledus ewyllys da; a’r un wedd y wraig i’r gŵr. Nid oes i’r wraig feddiant ar ei chorff ei hun, ond i’r gŵr; ac yr un ffunud, nid oes i’r gŵr feddiant ar ei gorff ei hun, ond i’r wraig. Na thwyllwch eich gilydd, oddieithr o gydsyniad dros amser, fel y galloch ymroi i ympryd a gweddi: a deuwch drachefn ynghyd, rhag temtio o Satan chwi oherwydd eich anlladrwydd.