GENESIS 10
10
An mga Kapagarakian kan mga aki ni Noe
(1 Mga Cro. 1:5-23)
1Iyo ini an mga kapagarakian kan mga aking lalaki ni Noe na si Sem, Ham, asin Jafet. Sindang tolo nagkaigwa nin mga aking lalaki pakatapos kan baha.
2An mga aking lalaki ni Jafet iyo si Gomer, Magog, Madai, Javan, Tubal, Mesek, asin Tiras. 3An mga aking lalaki ni Gomer iyo si Askenaz, Rifat, asin Togarma. 4An mga aking lalaki ni Javan iyo si Elisa, Espanya, Chipre asin Rodas. 5Sinda an mga ginikanan kan mga tawong nag-eerok sa mga baybayon asin sa mga isla. Sinda an mga aking lalaki ni Jafet, na an lambang saro nagin dakulang nasyon na may sadiring daga saka lengwahe.
6An mga aking lalaki ni Ham iyo si Cus, Egipto, Libya, asin Canaan. 7An mga aking lalaki ni Cus iyo si Sheba, Havila, Sabta, Raama asin Sabteca. An mga aking lalaki ni Raama iyo si Sheba saka Dedan. 8Si Cus iyo an ama ni Nimrod; iyo ini an enot na tawo sa kinaban na nabantog bilang sarong mapangyaring mananakop. 9Sa atubang nin Kagurangnan, siya sarong dakulang paraayam, kun kaya nagkaigwa nin kasabihan, “Siring ki Nimrod na dakulang paraayam sa atubangan nin Kagurangnan!” 10Kaayon sa kaenot-enoteng kahadean na sakop niya iyo an Babilon, an Erek, asin an Accad, na gabos yaon sa daga kan Babilonia. 11Hale sa dagang ini nagduman siya sa Asiria asin itinugdok an mga syudad nin Nineve, Rehobot-ir, Cala, 12asin Resen na nasa pagultanan kan Nineve asin Cala, an dakulang syudad.
13An mga aking lalaki ni Egipto iyo si Lydia, Anam, Lehab, Naftu, 14Patrus, Caslu, na ginikanan kan mga Filisteo, asin ni Caftor.
15Si Canaan iyo an ama si Sidon, na matua niyang aking lalaki, asin ni Het. 16Si Canaan iyo man an ginikanan kan mga Jebuseo, Amoreo, Gergeseo, 17Heveo, Araceo, Sineo, 18Arvadeo, Zemareo asin Hamateo. Dangan nakalakop an manlaen-laen na tribu kan mga Cananeo. 19Hale sa Sidon, an saindang teritoryo nakaabot sa Gerar harani sa Gaza sa habagat asin sa Sodoma, Gomorra, Adma saka Zeboiim harani sa Lasa sa sirangan. 20Iyo ini an mga aki ni Ham, na an lambang saro nagin dakulang nasyon na may sadiring daga asin lengwahe.
21Si Sem na matuang tugang ni Jafet, iyo an ginikanan kan gabos na Hebreyo. 22An mga aking lalaki ni Sem iyo si Elam, Assur, Arpaksad, Lud asin Aram. 23An mga aking lalaki ni Aram iyo si Uz, Hul, Geter asin Mas. 24Si Arpaksad iyo an ama ni Sela na ama ni Eber. 25Duwa an nagin aking lalaki ni Eber—an saro inapod niyang Peleg,#25 PELEG: Sa pandangog, an ngaran na ini nakakaarog sa Hebreyong tataramon na pagbanga. huli ta sa panahon kaini nabanga an mga tawo sa daga; asin an ikaduwa, nginaranan niyang Joktan. 26Si Joktan iyo an ama ninda Almodad, Selef, Hazarmavet, Jera, 27Hadoram, Uzal, Dikla, 28Obal, Abimael, Sheba, 29Ofir, Havila, asin Jobab. Gabos sinda gikan ki Joktan. 30An teritoryo na saindang pinag-erokan nagpoon sa Mesa pasiring sa Sefar sagkod sa kabubuldan sa sirangan. 31Ini an mga aki ni Sem, na an lambang nasyon na may sadiring daga asin lengwahe.
32Iyo ini an mga pamilya kan mga aking lalaki ni Noe, sosog sa saindang mga kapagarakian. Sa sainda nagpoon an gabos na nasyon sa kinaban na nakalakop sa daga pakatapos kan baha.
Dewis Presennol:
GENESIS 10: BPV
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Philippine Bible Society, New Testament © 1981, Bible © 1992