ᒨᓯᓯ ᓯᕗᓪᓖᑦ 9
9
ᒎᑎᐅᑉ ᐊᖏᖃᑎᖃᕐᓂᖓ ᓄᐊᒥᒃ
1 #
ᒨᓯᓯ ᓯᕗᓪᓖᑦ 1:28. ᒎᑎᐅᓪᓗ ᓄᐊ ᐃᕐᓂᖏᓪᓗ ᓮᒻᒪᕐᑎᑉᐰᑦ, ᐅᖃᕐᓗᓂ, “ᕿᑐᕐᖏᐅᕆᑦᑎ ᐅᓄᕐᑐᓂᒃ, ᓄᓇᓗ ᐃᓄᒋᐊᒃᓯᑎᓕᕐᓯᐅᒃ. 2ᑲᑉᐱᐊᒋᔭᐅᓂᐊᕐᐳᓯ ᐃᕐᓯᒋᔭᐅᓗᓯᓗ ᐆᒪᔪᓕᒫᓄᑦ ᓄᓇᒥ, ᑎᖕᒥᐊᓄᓪᓗ ᖃᖓᑕᕙᒃᑐᓄᑦ, ᐹᕐᖑᕐᑐᓕᒫᓄᓪᓗ ᒪᓂᖅᑲᒥ ᐃᒪᕐᒥᐅᑕᓕᒫᓄᓪᓗ; ᑕᒪᒃᑯᐊ ᐱᔪᓐᓇᕐᓂᑦᓯᓐᓄᑦ ᑐᓂᔭᐅᖕᒪᑕ. 3ᐊᐅᓚᔪᓐᓇᕐᑐᓕᒫᑦ ᐆᒪᔪᑦ ᓂᕿᒃᓴᕆᓂᐊᕐᐸᓯ; ᐱᕈᕐᑐᓪᓗ ᑐᖑᔪᕐᑍᑦ ᑐᓂᒋᕙᒃᑲ, ᑐᓂᓯᕕᒋᕙᑦᓯ ᑕᒤᓐᓂᒃ. 4#ᒨᓯᓯ ᐱᖓᔪᖏᑦ 7:26,27; 17:10-14; 19:26; ᒨᓯᓯ ᑕᓪᓕᒪᖏᑦ 12:16,23; 15:23.ᓂᕆᔭᕆᐊᖃᓐᖏᓚᓯᓕ ᓂᕿᒥᒃ ᐃᓅᓯᖓᓂᒃ ᐃᓚᖃᕐᑐᒥᒃ, ᑕᕝᕙ ᐊᐅᖓᓂᒃ. 5ᐊᐅᒃ ᐃᓅᑦᔪᑎᓯ ᑯᕕᔭᐅᒃᐸᑦ ᐊᑭᓕᒐᒃᓴᐅᖁᕙᕋ; ᐆᒪᔪᐃᓪᓗ ᐊᐅᖓ ᐊᑭᓕᒐᒃᓴᐅᖁᕙᕋ; ᐃᓅᓪᓗ ᐊᐅᖓ; ᐃᓄᒃ ᐃᓅᖃᑎᖓᑕ ᐊᐅᖓᓂᒃ ᑯᕕᓯᒃᐸᑦ ᐃᓅᑉ ᐃᓅᓯᖓᓂᒃ ᐊᑭᖃᖁᕙᕋ. 6#ᒨᓯᓯ ᐂᑉᐸᖏᑦ 20:13; ᒨᓯᓯ ᓯᕗᓪᓖᑦ 1:26.ᐃᓄᒃ ᓇᓪᓕᐊᑦ ᐃᓅᖃᑎᖓᑕ ᐊᐅᖓᓂᒃ ᑯᕕᓯᒃᐸᑦ, ᐃᓄᖕᒧᑦᑕᐅᖅ ᐊᐅᖓ ᑯᕕᔭᐅᔪᒃᓴᐅᕗᖅ; ᒎᑎ ᓴᓇᓚᐅᕐᒪᑦ ᐃᓄᖕᒥᒃ ᐃᒻᒥᓂᒃ ᐊᑦᔨᖃᕐᑎᓪᓗᒍ.
7 #
ᒨᓯᓯ ᓯᕗᓪᓖᑦ 1:28. “ᐃᓕᑦᓯᓕ ᕿᑐᕐᖓᕐᑖᕐᑐᕆᑦᓯ ᐅᓄᕐᓯᓗᓯᓗ, ᐃᓄᒋᐊᒃᓯᒋᑦᓯ ᓄᓇᕐᔪᐊᕐᒥ ᐅᓄᕐᓯᕙᓪᓕᐊᓗᓯᓗ ᑕᒫᓂ.”
8ᒎᑎᓗ ᐅᖃᕆᕗᖅ ᓄᐊᕐᒧᑦ ᐃᕐᓂᖏᓐᓄᓪᓗ, 9“ᑕᑯᒋᑦ, ᐊᖏᖃᑎᒌᒍᑎᓕᐅᕐᐳᖓ ᐃᓕᖕᓄᑦ ᑭᖑᕚᒃᓴᕐᓄᓪᓗ, 10ᐊᓂᕐᓂᖃᕐᑐᓕᒫᓄᓪᓗ, ᓇᔪᕐᑕᕐᓃᑦᑐᓄᑦ, ᑎᖕᒥᐊᓄᑦ, ᐆᒪᔪᖁᑎᓄᓪᓗ, ᐆᒪᔪᓄᓪᓗ ᓄᓇᒥ ᓇᔪᕐᑕᕐᓃᑦᑐᓄᑦ, ᑕᒤᓐᓄᑦ ᐅᒥᐊᕐᔪᐊᕐᒥᑦ ᐊᓂᓚᐅᕐᑐᓄᑦ. 11ᐃᓕᖕᓄᑦ ᐊᖏᖃᑎᒌᒍᑎᓕᐅᕐᐳᖓ, ᐅᓕᕕᒃᔪᐊᕐᒧᑦ ᐆᒪᔪᓕᒫᑦ ᐊᓯᕈᕐᑕᐅᓚᐅᕐᓯᒪᓂᐊᕈᓐᓃᕐᐳᑦ; ᐅᓕᕕᒃᔪᐊᕐᒧᓪᓗ ᓄᓇᕐᔪᐊᖅ ᐊᓯᕈᕐᑕᐅᒃᑲᓐᓂᕐᓂᐊᕈᓐᓃᕐᓗᓂ.” 12ᒎᑎᓗ ᐅᖃᕐᐳᖅ: “ᑕᒪᓐᓇ ᓇᓗᓁᒃᑯᑕᖃᕐᑎᓐᓂᐊᕐᐸᕋ ᐊᖏᖃᑎᒌᒍᑦ ᐋᖅᑭᒃᑕᕋ ᐅᕙᓐᓄᑦ ᐃᓕᑦᓯᓐᓄᓪᓗ ᐆᒪᔪᓕᒫᓄᓪᓗ ᐃᓕᑦᓯᓐᓃᑦᑐᓄᑦ, ᓯᕗᓂᒃᓴᒥᓗ ᑭᖑᕚᕇᖑᔪᒫᕐᑐᓄᑦ. 13ᐊᔭᒍᑕᖁᑎᒐ ᐃᓕᕙᕋ ᓄᕗᔭᓄᑦ, ᓇᓗᓁᒃᑯᑕᐅᖁᓪᓗᒍ ᐊᖏᖃᑎᒌᒍᑎᓕᐅᕐᓯᒪᓂᓐᓄᑦ ᓄᓇᕐᔪᐊᕐᒥᐅᓄᑦ. 14ᓄᓇ ᓄᕗᔭᓄᑦ ᐅᓕᒑᖓᒃᑯ, ᐊᔭᒍᑕᖅ ᑕᑯᒃᓴᐅᕙᖕᓂᐊᕐᐳᖅ ᓄᕗᔭᓂ, 15ᐃᖅᑬᕙᖕᓂᐊᕐᐳᖓᓗ ᐊᖏᖃᑎᒌᒍᑎᒋᓚᐅᕐᑕᓐᓂᒃ ᐊᑯᓐᓇᑦᑎᓐᓂ ᐅᕙᓂᑦ ᐃᓕᑦᓯᓐᓄᑦ ᐆᒪᔪᓕᒫᓄᓪᓗ ᖃᓄᐃᑦᑐᑐᐃᓐᓇᕐᓄᑦ; ᐃᒪᕐᔪᐃᑦ ᐅᓕᕕᒡᔪᐊᓚᐅᕐᓯᒪᓂᐊᕈᓐᓃᕐᐳᑦ ᐆᒪᔪᓐᓇᕐᑐᓕᒫᓂᒃ ᐊᓯᕈᐃᓂᐊᕐᑐᒥᒃ. 16ᓄᕗᔭᑎᒍᑦ ᐊᔭᒍᑕᖅ ᓴᖅᑭᑦᑕᕌᖓ, ᑕᑯᓐᓇᕐᓗᒍ ᐃᖅᑬᑦᔪᑎᒋᖃᑦᑕᕐᓂᐊᕐᐸᕋ ᐊᖏᖃᑎᒌᒍᑎᒥᒃ ᐃᓱᖃᖏᑦᑐᒧᑦ ᒎᑎᒥᑦ ᐆᒪᔪᓕᒫᓄᓪᓗ ᑎᒥᖃᕐᑐᓄᑦ ᓄᓇᒥ.” 17ᒎᑎᓗ ᓄᐊᕐᒧᑦ ᐅᖃᕐᐳᖅ, “ᑕᒪᑦᔭ ᓇᓗᓁᒃᑯᑕᓕᐊᕋ ᐊᖏᖃᑎᒌᖕᓂᕐᒧᑦ ᐋᖅᑭᓚᐅᕐᑕᕋ ᐅᕙᓐᓄᑦ ᑎᒥᖃᕐᑐᓄᓪᓗ ᑕᒤᓐᓄᑦ ᓄᓇᒦᑦᑐᓄᑦ.”
ᓄᐊᓗ ᐃᕐᓂᖏᓪᓗ
18ᓄᐊᑉ ᐃᕐᓂᖏᑦ ᐅᒥᐊᕐᔪᐊᒥᑦ ᐊᓂᓚᐅᕐᑐᑦ ᐅᑯᐊᖑᕗᑦ ᓰᒥ, ᕼᐋᒥ, ᔮᐱᑎᓗ. ᕼᐋᒥ ᑬᓇᓂᐅᑉ ᐊᑖᑕᒋᓚᐅᕐᐹ. 19ᑖᒃᑯᐊ ᑕᕝᕙ ᓄᐊᑉ ᐃᕐᓂᖏᑦ ᐱᖓᓱᑦ; ᑖᒃᑯᓇᓐᖓᑦ ᓄᓇᕐᔪᐊᓕᒫᖅ ᐃᓄᖃᓕᕐᑎᑕᐅᓚᐅᕐᐳᖅ.
20ᓄᐊ ᓯᕗᓪᓕᕐᐸᐅᓪᓗᓂ ᐱᕈᕐᓰᕕᓕᕆᕗᖅ, ᐱᕈᕐᓰᕕᖕᒥᒃ ᕔᓂᓕᒃᓴᒥᒃ ᓴᓇᓚᐅᕐᐳᖅ. 21ᕔᓂᒥᒡᓕ ᐃᒥᓚᐅᕐᓗᓂ, ᑭᖑᓂᖓᒍᑦ ᐋᖓᔮᓕᓚᐅᕐᐳᖅ, ᐊᓐᓄᕌᖃᕋᓂᓗ ᑐᐱᕐᒥᓂ ᓇᓚᓪᓗᓂ ᓯᓂᓕᓚᐅᕐᐳᖅ. 22ᕼᐋᒥᐅᓪᓕ, ᑬᓇᓂᐅᑉ ᐊᑖᑕᖓᑕ, ᐊᑖᑕᓂ ᑕᑯᒐᒥᐅᒃ ᐊᓐᓄᕌᖃᖏᑦᑐᖅ, ᐊᓂᓪᓗᓂ ᑕᕝᕙᓐᖓᑦ ᖃᑕᓐᖑᑏᖕᓂ ᐅᖃᐅᑎᔭᕐᑐᕐᐹᒃ ᓯᓚᒦᑦᑑᒃ. 23ᑕᕝᕙ ᓰᒥᐅᑉ ᔮᐱᑎᐅᓪᓗ ᐅᓕᒡᔪᐊᒥᒃ ᓇᒃᓴᕐᓗᑎᒃ, ᑐᓄᒥᓃᑎᓪᓗᒍ, ᑭᖑᑉᐱᐊᕐᑐᕐᓗᑎᒃ ᐊᑖᑕᑎᒃ ᐊᓐᓄᕌᖃᖏᑦᑐᖅ ᐅᓕᒋᐊᕐᑐᕐᐹᒃ; ᓵᖓᓇᒍ, ᐊᑖᑕᑎᒃ ᐊᓐᓄᕌᖃᖏᓐᓂᖓ ᑕᑯᓚᐅᓐᖏᓛᑦ. 24ᓄᐊᓕ ᐋᖓᔮᕈᓐᓃᕋᒥ ᖃᐅᔨᓕᕋᒥᓗ ᓄᑲᕐᓕᕐᐹᖁᑎᖓᑕ ᖃᓄᐃᓕᐅᓚᐅᕐᓂᖓᓂᒃ, 25ᐅᖃᕐᐳᖅ,
“ᑬᓇᓂ ᐅᖃᕕᒃᓗᖓ ᐃᓱᒪᓂᕐᓗᒡᕕᒋᕙᕋ;
ᐊᖓᔪᒥᓄᑦ ᓱᓇᐅᒋᔭᐅᖏᓪᓗᓂ ᐱᔨᒋᔭᐅᔪᒫᓕᕐᐳᖅ.”
26ᐅᖃᕆᓪᓗᓂᓗ: “ᐊᑕᓂᕐᒧᑦ ᒎᑎᓐᓄᑦ ᓰᒥ ᓮᒻᒪᕐᑎᑕᐅᓕ;
ᑬᓇᓂ ᓰᒥᒧᑦ ᐱᔨᒋᔭᐅᓕᕐᓕ.
27ᒎᑎᐅᓪᓕ ᔮᐱᑎ ᐃᓄᒋᐊᒃᓯᕙᓪᓕᐊᑎᓪᓕᐅᒃ,
ᑖᑦᓱᒪᓗ ᑭᖑᕚᖏᑦ ᓄᓇᖃᑎᖃᕐᓕᑦ ᓰᒥᐅᑉ ᑭᖑᕚᖏᑕ ᐃᓄᖏᓐᓂᒃ,
ᑬᓇᓂᓕ ᐱᔨᒋᔭᐅᔪᒫᕐᐳᖅ ᔧᐱᑎᒧᑦ.”
28ᐅᓕᕕᒃᔪᐊᓪᓕ ᑭᖑᓂᖓᒍᑦ ᓄᐊ ᐊᕐᕌᒍᓂᒃ 350ᓂᒃ ᐃᓅᓚᐅᕐᐳᖅ. 29ᐅᓪᓗᐃᑦ ᓄᐊᑉ ᐃᓅᓚᐅᕐᑕᖏᑦ ᐊᕐᕌᒍᑦ 950ᐅᓚᐅᕐᐳᑦ; ᑐᖁᓚᐅᕐᐳᕐᓗ.
Dewis Presennol:
ᒨᓯᓯ ᓯᕗᓪᓖᑦ 9: EAIB
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Eastern Arctic Inuktitut Bible © Canadian Bible Society, 2012, 2021-2023.