ᒨᓯᓯ ᓯᕗᓪᓖᑦ 10
10
ᓄᐊᑉ ᐃᕐᓂᖏᑕ ᑭᖑᕚᖏᑦ
ᑯᕉᓂᑲ ᓯᕗᓪᓖᑦ 1:5-23
1ᐅᑯᐊ ᑕᕝᕙ ᓄᐊᑉ ᐃᕐᓂᖏᑕ ᑭᖑᕚᖏᑦ, ᓰᒥᐅᑉ, ᕼᐋᒥᐅᓪᓗ, ᔮᐱᑎᐅᓪᓗ; ᐃᕐᓂᕐᑖᕆᓚᐅᕐᑕᖏᑦ ᐅᓕᕕᒃᔪᐊᕐᓂᐅᑉ ᑭᖑᓂᖓᓂ.
2ᔮᐱᑎᐅᑉ ᐃᕐᓂᖏᑦ ᐅᑯᐊᖑᕗᑦ; ᒎᒪᕐ, ᒪᒑᒡ, ᒪᑍ, ᔭᕚᓐ, ᑐᐸᐅᓪ, ᒥᓯᑭ, ᑍᕋᓯᓗ. 3ᒎᒪᐅᓪᓕ ᐃᕐᓂᖏᑦ ᐅᑯᐊᖑᕗᑦ: ᐊᔅᑭᓇᔅ, ᕅᐸᑕ, ᑐᒐᕐᒪ. 4ᔭᕚᓇᐅᑉ ᐃᕐᓂᖏᑦ ᐅᑯᐊᖑᕗᑦ; ᐃᓔᓴᕼᐊ, ᑖᕐᓯᓯ, ᑭᑎᒻ, ᑐᑕᓂᒻᓗ; 5ᑖᒃᑯᓇᓐᖓᑦ ᑕᕝᕙ ᐃᓄᐃᑦ ᓯᐊᒻᒪᓚᐅᕐᐳᑦ ᐃᒪᐅᑉ ᓯᓈᓂᑦᑐᓄᑦ, ᐅᑯᐊ ᑕᕝᕙ ᔧᐱᑎᐅᑉ ᑭᖑᕚᖏᑦ ᓄᓇᒥᖕᓂ, ᓇᖕᒥᓂᕐᓗ ᐅᖃᐅᓯᖃᕐᓗᑎᒃ, ᐃᓚᒌᖕᓂᕐᒥᒃᑎᒍᑦ, ᐃᓅᖃᑎᒌᒡᔪᐊᖑᓂᕐᒥᒃᑎᒍᓪᓗ.
6ᕼᐋᒥᐅᑉ ᐃᕐᓂᖏᑦ ᐅᑯᐊᖑᕗᑦ: ᑯᔅ, ᐄᑦᔨᑉᑎ, ᐸᑦ, ᑬᓇᓂᓗ. 7ᑯᓯᐅᑉ ᑭᖑᕚᖏᑦ ᐅᑯᐊᖑᒋᕗᑦ: ᓰᐸ, ᕼᐊᕕᓚ, ᓴᑉᑕ, ᕌᒪ, ᓴᑉᑎᑲᓗ. ᕌᒪᐅᓪᓕ ᑭᖑᕚᖏᑦ ᐅᑯᐊᖑᒋᕗᑦ: ᓰᑉᐸ ᑎᑖᓂᓗ. 8ᑯᔅ ᐃᕐᓂᖃᓚᐅᕆᕗᖅ ᓂᒻᒪᕌᑎᒥᒃ; ᑖᓐᓇᓗ ᓄᓇᕐᔪᐊᕐᒥ ᓯᕗᓪᓕᕐᐸᐅᓪᓗᓂ ᐊᔪᖏᑦᑐᕐᔪᐊᖑᓚᐅᐳᖅ. 9ᐆᒪᔪᕐᓯᐅᒃᑳᓘᓚᐅᕐᐳᖅ ᐊᑕᓂᐅᑉ ᓵᖓᓂ; ᑍᒤᒻᒪᑦ ᐃᓄᐃᑦ ᐅᖃᕐᐸᓕᕐᐳᑦ, “ᓂᒻᒪᕌᑎᑐᑦ ᐆᒪᔪᕐᓯᐅᒃᑳᓘᓕᕆᑦ, ᐊᑕᓂᐅᑉ ᓵᖓᓂ.” 10ᐊᖓᔪᖅᑲᐅᕕᖃᕆᐊᓯᓚᐅᕐᐳᖅ ᐅᑯᓂᖓ ᐹᐱᓕ, ᐃᕆᒃ, ᐊᑳᑎᒥᒡᓗ, ᑳᓪᓂᒥᒡᓗ, ᑖᒃᑯᐊᓗ ᑕᒪᕐᒥᒃ ᓄᓇᒥ ᓯᓈᕆᒦᓚᐅᕐᐳᑦ. 11ᑕᕝᕙᓐᖓᓪᓗ ᓄᓇᒥᑦ ᐱᒋᐊᕐᓗᓂ ᐊᓯᕆᐊᒧᐊᓚᐅᕐᐳᖅ ᐃᒡᓗᒐᓴᒡᔪᐊᓕᐅᕐᓗᓂᓗ ᓂᓂᕕᒥ, ᕆᕼᐅᐳᑎ-ᐃᕐᒥᒡᓗ, ᑲᓛᒥᓗ, 12ᕇᓯᓐᒥᓗ, ᑖᓐᓇᓗ ᐃᒡᓗᒐᓴᒡᔪᐊᖅ ᓂᓂᕕᐅᓪᓗ ᑲᓛᒥᐅᓪᓗ ᐊᑯᓐᓂᖓᓃᑉᐳᖅ.
13ᐄᑦᔨᑉᑎᐅᑉ ᑭᖑᕚᖏᑦ ᐅᑯᐊᖑᕗᑦ ᓘᑎᒻ, ᐊᓇᒥᒻ, ᓕᕼᐊᐱᒻᓗ, ᓇᐸᑐᕼᐃᒻᓗ, 14ᐹᑐᕉᓯᒻᓗ, ᑲᓴᓗᕼᐃᒻᓗ, ᑯᕇᑎᓗ, (ᑕᕝᕙᓐᖓᓪᓗ ᐱᓕᔅᑍᓂᒥᐅᑦ ᐱᒋᐊᕐᓂᖃᕐᓯᒪᕗᑦ), ᑲᑉᕼᐊᑐᕆᒻᓗ.
15ᑬᓇᓂᐅᑉ ᐃᕐᓂᖏᑦ ᐅᑯᐊᖑᕗᑦ; ᓮᑐᓂ, ᐊᖓᔪᒃᓯᕐᐹᖁᑎᖓ, ᕼᐃᑎᓗ. 16ᑬᓇᓂ ᑭᖑᕚᖃᓚᐅᕆᕗᖅ ᔨᐳᓮᑎᓂᒃ, ᐊᒧᕅᑎᓂᒡᓗ, ᒋᕐᒐᓮᑎᓂᒡᓗ, 17ᕼᐃᕔᑎᓂᒡᓗ, ᐋᕆᑬᑎᓂᒡᓗ, ᓯᓐᓁᑎᓂᒡᓗ, 18ᐊᕐᕙᑍᑎᓂᒡᓗ, ᔨᒪᕅᑎᓂᒡᓗ, ᕼᐊᒪᑍᑎᓂᒡᓗ. ᑭᖑᓂᖓᒍᑦ ᑬᓇᓂᒥᐅᑦ ᐃᓚᒌᑦ ᓇᒧᑐᐃᓐᓇᖅ ᓯᐊᒻᒪᕐᓯᒪᓚᐅᕐᐳᑦ, 19ᑬᓇᓂᒥᐅᓪᓗ ᓄᓇᖓᑕ ᑭᒡᓕᖓ ᑎᑭᓯᒪᓚᐅᕐᐳᖅ ᓮᑐᓂᐅᑉ ᓯᕿᓂᖓᑕ ᓇᓛᓄᑦ, ᒋᕌᕐ ᒑᓴᐅᑉ ᖃᓂᒋᔮᓂᑦᑐᒧᑦ ᓱᑑᒪᐅᑉ ᒍᒨᕋᐅᓪᓗ ᓇᓛᓄᑦ ᑎᑭᓪᓗᒍ, ᓄᓇᒧᑦ ᐊᑦᒪᒧᑦ, ᔨᐳᐃᒻᓗ, ᓛᓴᐅᑉ ᑎᑭᓪᓗᒍ. 20ᑖᒃᑯᐊ ᑕᕝᕙ ᕼᐋᒥᐅᑉ ᑭᖑᕚᖏᑦ, ᐃᓚᒌᖕᓂᕐᒥᒃᑎᒍᑦ, ᐅᖃᐅᓯᖃᑎᒌᖕᓂᕐᒥᒃᑎᒍᑦ, ᓄᓇᒥᒃᑎᒍᑦ, ᐃᓅᖃᑎᒌᒡᔪᐊᖑᓂᕐᒥᒃᑎᒍᓪᓗ.
21ᓰᒥᓕᑦᑕᐅᖅ ᓯᕗᓕᕆᔭᐅᕗᖅ ᑕᒤᓐᓄᑦ ᐄᐸᕆᐅᑉ ᕿᑐᕐᖓᖏᓐᓄᑦ, ᔮᐱᑎᐅᑉ ᐊᖓᔪᖓᑕ ᐃᕐᓂᕐᑖᕆᓚᐅᕐᐰᑦ. 22ᐅᑯᐊ ᑕᕝᕙ ᓰᒥᐅᑉ ᐃᕐᓂᖏᑦ: ᐃᓛᒻ, ᐋᓱᕆ, ᐊᕐᐹᑦᓯᓵᑦ, ᓗᑦ, ᐊᕌᒥᓗ. 23ᐊᕌᒥᐅᓪᓕ ᑭᖑᕚᖏᑦ ᐅᑯᐊᖑᕗᑦ: ᐅᔾ, ᕼᐅᓪ, ᒋᑕᕐ, ᒪᔅ. 24ᐊᕐᐹᑦᓯᓵᓪᓗ ᐊᑖᑕᒋᔭᐅᓚᐅᕐᐳᖅ ᓰᓚᒧᑦ; ᓰᓚᑦᑕᐅᖅ ᐊᑖᑕᒋᔭᐅᓚᐅᕐᒪᑦ ᐄᐸᕆᒧᑦ. 25ᐄᐸᕆ ᐃᕐᓂᕐᑖᓚᐅᕐᐳᖅ ᒪᕐᕉᖕᓂᒃ: ᐃᕐᓂᖓᑕ ᐂᑉᐸᖓ ᐊᑎᖃᕐᐳᖅ ᐱᓕᒡᒥᒃ,#10:25 ᑖᓐᓇ ᐱᓕᒡ: ᐄᑉᕉᑎᑐᑦ ᑐᑭᖃᕐᑑᔮᕐᑐᖅ “ᐊᕕᖕᓂᕐᒥᒃ.” ᑍᑦᓱᒪᓂ ᑖᓐᓇ ᐃᓅᑎᓪᓗᒍ ᐃᓄᐃᑦ ᓯᓚᕐᔪᐊᕐᒥᐅᑦ ᐊᕕᒃᓯᒪᓚᐅᕐᒪᑕ; ᐃᕐᓂᖓᑕᓕ ᐂᑉᐸᖓ ᐊᑎᖃᓚᐅᕐᐳᖅ ᔫᒃᑕᓐᒥᒃ. 26ᔫᒃᑕᓇᓕ ᐊᑖᑕᐅᕗᖅ ᐅᑯᓄᖓ, ᐊᓪᒧᑖᑦ, ᓯᓕᑉ, ᕼᐊᔭᒪᕕᑦ, ᔩᕋᓗ, 27ᕼᐊᑐᕌᒥᓗ, ᐅᔭᐅᓪᓗ, ᑎᒃᓚᓗ, 28ᐅᐸᐅᓪᓗ, ᐊᐱᒤᓪᓗ, ᓰᐸᓗ, 29ᐅᐱᕼᐃᓗ, ᕼᐊᕕᓚᓗ, ᔫᐸᐱᓗ, ᑖᒃᑯᐊ ᑕᕝᕙ ᑕᒪᕐᒥᒃ ᓯᕗᓕᖃᓚᐅᕐᑐᑦ ᔫᒃᑕᓐᒥᒃ. 30ᑖᒃᑯᐊᓗ ᓄᓇᒋᔭᖏᑦ ᐊᖏᔪᒻᒪᕆᐅᓕᓚᐅᕐᒪᑕ ᒦᓴᒥᑦ ᐱᒋᐊᕐᓗᑎᒃ ᓰᐸᕆᒧᑦ ᑎᑭᓪᓗᑎᒃ ᓄᓇᖃᓚᐅᕐᐳᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒥ ᖃᖅᑲᓕᖕᒥᐅᑕᐅᓪᓗᑎᒃ. 31ᑖᒃᑯᐊ ᑕᕝᕙ ᓰᒥᐅᑉ ᑭᖑᕚᕆᒋᕔᑦ, ᐃᓚᒌᒃᑐᑦ ᐅᖃᐅᓯᖏᑎᒍᓪᓗ, ᓄᓇᖁᑎᖏᑎᒍᓪᓗ ᐃᓅᖃᑎᒌᒡᔪᐊᖑᓂᖏᑎᒍᓪᓗ.
32ᑖᒃᑯᐊ ᑕᕝᕙ ᑕᒪᕐᒥᒃ ᐃᓄᓕᒫᑦ ᓄᐊᑉ ᑭᖑᕚᕆᓚᐅᕐᐰᑦ, ᑭᖑᕚᖑᖃᑎᒌᖕᓂᖏᑎᒍᓪᓗ, ᐃᓅᖃᑎᒌᒡᔪᐊᖑᓂᖏᑎᒍᑦ; ᑕᒪᒃᑯᐊ ᐃᓅᖃᑎᒌᒡᔪᐊᑦ ᓯᐊᒻᒪᓚᐅᕐᐳᑦ ᐅᖓᓯᒃᑐᓄᑦ ᓄᓇᕐᔪᐊᕐᒥ ᐅᓕᕕᒡᔪᐊᑉ ᑭᖑᓂᖓᓂ.
Dewis Presennol:
ᒨᓯᓯ ᓯᕗᓪᓖᑦ 10: EAIB
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Eastern Arctic Inuktitut Bible © Canadian Bible Society, 2012, 2021-2023.