लूका 13
13
पस्ताप कैरा या नास ह्वा
1अर जब यीशु न यू सब बात बोलि दिनी कि उबरि उख कुछ लोग ऐनी, अर यीशु तैं ऊं गलीली लोगु का बारा मा बतौण लगि गैनी जौं तैं रोमी गवर्नर पिलातुस न मन्दिर मा बलिदान चड़ौण का बगत पर मरवेयलि छौ। 2तब वेन जबाब दिनी, “तुम क्या सोचद्यां, कि यू गलीली लोग दुसरा गलीली लोगु से जादा पापि छा क्या, जु कि ऊंतैं इन्द्रयो दुख भोगण पोड़ि? 3नऽ रे ना, पर मि तुमतै बतै देन्दु, कि अगर जु तुम पस्ताप नि करिल्या, त तुम सभ्यों को भि नास इन्नि के ह्वे जाण। 4अर तुम क्या सोचद्यां, कि ऊ अठारा लोग, जौं पर शीलोह को बड़ु खम्बा पोड़ि छौ, अर ऊ वेका तौळ दबी के मोरि गैनी, त क्या ऊ लोग यरूशलेम नगर मा रौण वळा ऊं दुसरा लोगु से जादा पापि छा? 5नऽ रे ना, पर मि तुमतै बतै देन्दु, कि अगर जु तुम पस्ताप नि करिल्या, त तुम सभ्यों को भि नास इन्नि के ह्वे जाण।”
बिना फल को डाळु
6तब यीशु न ऊंतैं एक उदारण सुणै, “एक बार एक मनखि न अपणा अंगूर का बगिचा मा एक तिमला को डाळु लगयूं छौ। अर उ वे डाळा पर फल खुज्याणु कू ऐ, पर वेतैं कुछ नि मिली। 7तब वेन बगिचा का माली कू बोलि, ‘मि तीन साल बटि ये तिमला का डाळा पर फल खुज्याणु खुणि औणु छौं, पर अभि तक मितैं कुछ नि मिली। पर सुण, अब इन कैर कि ये डाळा तैं काटी दे, किलैकि यू फालतु मा हमरि जमीन घेरणु च।’ 8तब वे माली न वेतैं जबाब दे, ‘साब, ये साल येतैं नि कटवा, मि येका चौतरफि खैणी कै मोळ डललु। 9अगर ये पर तभि भि फल नि लगला, त येतैं कटवै दियां।’”
यीशु द्वारा कुबडी जनानि तैं खूब करण
10अर यीशु सब्त का दिन पर एक प्रार्थना भवन मा उपदेस देणु छौ। 11अर उख एक जनानि छै जिं मा अठारा सालों बटि एक खबेस लग्यूं छौ, अर येन ईं जनानि तैं पूरि तरौं से कुबडी बणैयालि छौ। अर ईं वजै से वा सीदी नि ह्वे सकदी छै। 12अर यीशु न वींतैं देखि अर वींकू बोलि, “बेटी, त्वेतै ये रोग से आजाद किये जान्दु।” 13तब वेन अपणु हाथ वीं जनानि पर रखी, अर तुरन्त वीं की कमर सीदी ह्वे गै, अर वा परमेस्वर कि बडै करण लगि गै।
14अर प्रार्थना भवन का मुखिया न यू देखि कि यीशु न सब्त का दिन पर वींतैं खूब कैरियाली। इलै उ गुस्सा ह्वेके लोगु मा बुलण लगि गै कि, “हप्ता का छह दिनों मा ही काम करण चयेणु इलै ऊं दिनों मा ही ऐके खूब ह्वा, मगर सब्त का दिन पर इन्द्रयो काम नि कैरा।” 15अर यू सुणी के प्रभु न वेतैं जबाब दिनी, “हे ढोंगि लोगु, जब तुम मा बटि हरेक मनखि सब्त का दिन पर अपणा बल्द या गधा तैं कीला बटि खोली के पाणि पिलाणु कू लि जै सकदु, 16त क्या यू काम ठिक नि छौ कि, या नौनि ज्वा कि अब्राहम का वंश मदि च जींतैं शैतान न अठारा साल बटि अपणा कब्जा मा कर्युं छौ, ईं तैं वे बटि आजाद करै जौ। 17जब वेन या बात बोलि त जु लोग वेका खिलाप मा छा ऊं सभ्यों की बेजती ह्वे गै, पर भीड़ का सब लोग वेका यों चमत्कारिक कामों से जु वेन करिनी आनन्द मनौणा छा।”
परमेस्वर को राज
(मत्ती 13:31,32; मर 4:30-32)
18यीशु न बोलि, “परमेस्वर को राज्य कै की तरौं च? अब मि वेकी तुलना कै का दगड़ा मा कैरुं? 19यू त #यहेज 31:6; 17:23; दानि 4:11लय्या का बीज की तरौं च, जैतैं एक आदिम न अपणा बगिचा मा बूति, अर जब उ बड़ु डाळु बणि गै, तब पंछि#13:19 हालांकि, लय्या को पौधा कभि डाळु नि बणदु, मगर इख मा यीशु एक छुटा बीज की तुलना कैरिके इन बतौणा छिन कि, परमेस्वर का राज की शुरुवात भि भौत छुटा से होन्दी, मगर बाद मा यू एक असल डाळा का जन ह्वे जान्दु। ऐनी अर वेका फौंक्यों मा ऐके अपणु घोल बणै।” 20अर वेन इन भि बोलि, “मि परमेस्वर का राज की तुलना कै का दगड़ा मा कैरुं? 21यू त खमीर का जन च जैतैं एक जनानि न तीन पाथा आटा मा खमीर मिलै, अर इन करद-करद उ पूरु आटु खमीर बणि गै।”
संगडु द्वार
(मत्ती 7:13,14,21-23)
22जब यीशु यरूशलेम नगर मा जाणु छौ, त बाटा मा औण वळा नगर अर गौं मा वेन उपदेस देई 23तब कै मनखि न वे बटि पूछी, “प्रभु, क्या कुछ ही लोगु तैं बचयै जालु?” 24यीशु न बोलि, “संगड़ा द्वार बटि जाणे की पूरि कोसिस कैरा, किलैकि मि तुमतै बतै देन्दु कि भौत सरा लोग भितर जाण चाला पर नि जै सकला। 25अर जब घौर को मालिक उठी के द्वार बन्द कैरी द्यालु, तब तुम द्वार का भैर खड़ा ह्वेके खखटै के बोलिल्या, ‘प्रभु, हम खुणि द्वार खोली द्या।’ तब उ तुमतै जबाब द्यालु कि, ‘मि तुमतै नि जणदु कि तुम कखा छाँ?’ 26तब तुम लोग बोलिल्या कि, ‘प्रभु, तुमुन हमरा बजारों मा उपदेस देई, अर हमुन तुमरा दगड़ा खै-पे छौ।’ 27पर उ तुमकु बोललु कि, #भजन 6:8‘मि तुमतै नि जणदु कि तुम कखा छाँ, इलै हे अधरमी लोगु, मेरा समणि बटि दूर ह्वे जा।’ 28अर उख तुम अब्राहम, इसहाक, याकूब अर सब रैबर्यों तैं परमेस्वर का राज मा दिखल्या, पर तुमतै भैर निकळे जालु। अर उख त सिरफ रुंण अर दांतों तैं कड़गिटाण होलु।
29“अर तब हर दिसा बटि याने कि #यशा 43:6-7पूरब अर पच्छिम, उत्तर अर दक्छिण बटि लोग ऐके, #यशा 25:6-8 परमेस्वर का राज की बड़ी दावत मा सामिल होला। 30अर सुणा, जु पिछनै छिन वु अगनै जाला, अर जु अगनै छिन वु पिछनै जाला।”
यीशु को यरूशलेम नगर से प्यार
(मत्ती 23:37-39)
31अर उबरि फरीसी दल का कुछ लोगु न यीशु का पास ऐके बोलि, “गुरुजी, इख बटि चलि जा, किलैकि हेरोदेस अन्तिपास तुमतै मरण चाणु च।” 32तब वेन ऊंकू बोलि, “तुम जैके वे स्याळ#13:32 स्याळ चालाक होन्दु इलै यीशु न इख मा हेरोदेस अन्तिपास कू स्याळ बोलि के यू बतै कि उ कन्द्रयो च। कू बोलि द्या कि, देख, मिन आज अर भोळ खबेसों तैं निकळण अर बिमारों तैं खूब करण, अर परस्यों खुणि मिन अपणु काम पूरु कैरी देण। 33अब चै कुछ भि ह्वे जौ, आज भोळ अर परस्यों तक मिन अपणी यात्रा पूरि करण, किलैकि इन नि ह्वे सकदु कि कुई रैबर्या यरूशलेम नगर का भैर मरे जौ।”
34तब वेन इन बोलि, “हे यरूशलेम का लोगु, तुम जु रैबर्यों तैं मारी देन्द्यां, अर जौं लोगु तैं परमेस्वर न तुमरा बीच मा भेजि ऊंतैं तुम ढुंग्यौन्दा छाँ। अर मिन कथगा ही दौं इन चै कि जन कुखडि अपणा बच्चों तैं अपणा फाँकुड़ो का तौळ इकट्ठा कैरिके रखदी, ठिक उन्नि मि भि तुमतै इकट्ठा कैरुं, पर तुम लोगु न इन नि चै। 35अर सुणा मि तुमतै बतै देन्दु कि,
“#यिर्म 22:5तुमरा घौर तैं परमेस्वर न छोड़याली,
अर तुमुन मितैं तब तक नि दिखण
जब तक तुम इन नि बोलिल्या कि,
#
भजन 118:26 ‘धन्य च उ जु प्रभु का नौ से औन्दु।’”
Dewis Presennol:
लूका 13: GBM
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
© (Active) Wycliffe Bible Translators, Inc. All rights reserved.