Psalmau 14
14
Y Psalm. XIV. Englyn Unodl Gyrch.
1Dywaid dyn ffol yn dawel,
Nid oes Duw, Gwirdhuw, dan gel:
Nid oes un, nodais enwir,
Dyn yn wir daioni a wnel.
Y bryntion dhynion lle ’dh ant,
Y drwg noeth draw ei gwnaethant;
I’w camwedh o goegedh gau,
A maith oesau, methasant.
2Duw sy ’n y nef, Bendefig,
A wyl feibion dynion dig,
Yn edrych oes, gwiwfoes gwych,
Dewrwych, a gais Duw orig.
3Ar gyfrgoll aeth yr hollfyd,
Bryntion yw ’r gweision i gyd;
Nid oes a wnel dawel dawn,
Un kyfiawn enwog hefyd.
4Oni ŵyr yr enwiriaid?
Bwyta, fal bara, heb baid,
5Fy mhobloedh, pleidiodh eu plant;
Duw ni alwant dan wiliaid.
6Cynghorion, wirion araith,
Y tylodion mwynion maith,
Er eich dirmig, dig bob dydh, —
Gwybydh Duw am eu gobaith.
7Dod iechyd, wryd warant,
Rhydhid, oblegid dy blant;
Siacob, ac Israel hael hen,
Yn llawen yno llywiant.
Dewis Presennol:
Psalmau 14: SC1595
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Salmau Dafydd gan William Middleton 1595. Argraffiad gwreiddiol.