Y Salmau 76

I'r Cyfarwyddwr: ar offerynnau llinynnol. Salm. I Asaff. Cân.

1Y mae Duw'n adnabyddus yn Jwda,

a'i enw'n fawr yn Israel;

2y mae ei babell wedi ei gosod yn Salem,

a'i gartref yn Seion.

3Yno fe faluriodd y saethau tanllyd,

y darian, y cleddyf a'r arfau rhyfel.

Sela

4Ofnadwy#76:4 Felly Fersiynau. Hebraeg, Gogoneddus. wyt ti, a chryfach

na'r mynyddoedd tragwyddol#76:4 Felly Fersiynau. Hebraeg, mynyddoedd ysbail..

5Ysbeiliwyd y rhai cryf o galon,

y maent wedi suddo i gwsg,

a phallodd nerth yr holl ryfelwyr.

6Gan dy gerydd di, O Dduw Jacob,

syfrdanwyd y marchog a'r march.

7Ofnadwy wyt ti. Pwy a all sefyll o'th flaen

pan fyddi'n ddig?

8Yr wyt wedi cyhoeddi dedfryd o'r nefoedd;

ofnodd y ddaear a distewi

9pan gododd Duw i farnu,

ac i waredu holl drueiniaid y ddaear.

Sela

10Bydd Edom, er ei ddig, yn dy foliannu,

a gweddill Hamath yn cadw gŵyl i ti#76:10 Felly Fersiynau. Hebraeg, yn gwisgo..

11Gwnewch eich addunedau i'r ARGLWYDD eich Duw, a'u talu;

bydded i bawb o'i amgylch ddod â rhoddion i'r un ofnadwy.

12Y mae'n dryllio ysbryd tywysogion,

ac yn arswyd i frenhinoedd y ddaear.

Dewis Presennol:

Y Salmau 76: BCND

Uwcholeuo

Rhanna

Copi

Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda

Adnodau Beiblaidd Poblogaidd o
Y Salmau 76