Y Salmau 34:4-11

Ceisiais yr ARGLWYDD, ac atebodd fi a'm gwaredu o'm holl ofnau. Y mae'r rhai sy'n edrych arno'n gloywi, ac ni ddaw cywilydd i'w hwynebau. Dyma un isel a waeddodd, a'r ARGLWYDD yn ei glywed ac yn ei waredu o'i holl gyfyngderau. Gwersylla angel yr ARGLWYDD o amgylch y rhai sy'n ei ofni, ac y mae'n eu gwaredu. Profwch, a gwelwch mai da yw'r ARGLWYDD. Gwyn ei fyd y sawl sy'n llochesu ynddo. Ofnwch yr ARGLWYDD, ei saint ef, oherwydd nid oes eisiau ar y rhai a'i hofna. Y mae'r anffyddwyr yn dioddef angen ac yn newynu, ond nid yw'r rhai sy'n ceisio'r ARGLWYDD yn brin o ddim da. Dewch, blant, gwrandewch arnaf, dysgaf ichwi ofn yr ARGLWYDD.

Cynlluniau Darllen am ddim a Defosiynau yn ymwneud â Y Salmau 34:4-11