Diarhebion 28:25-28

Y mae'r trachwantus yn creu cynnen, ond y mae'r un sy'n ymddiried yn yr ARGLWYDD yn cael llawnder. Y mae'r un sy'n ymddiried ynddo'i hun yn ynfyd, ond fe waredir y sawl sy'n dilyn doethineb. Ni ddaw angen ar yr un sy'n rhoi i'r tlawd, ond daw llawer o felltithion ar yr un sy'n cau ei lygaid. Pan ddaw'r drygionus i awdurdod, bydd pobl yn ymguddio, ond ar ôl eu difa, bydd y cyfiawn yn amlhau.