Maitiú 17
17
CAIBIDIOL XVII.
An t-Aṫarú gné ar Ċríost. An leanḃ a ḃí n-a ġeilt d’á leiġeas aige. D’innis sé a ṗáis a ḃeiṫ ag teaċt, agus ḋíol sé an didraċma.
1Agus sé lá ’n-a ḋiaiḋ san do ṫóg Íosa leis Peadar agus Séamus agus Eóin, a ḋriṫáir-sin, agus do rug sé suas iad go bárr cnuic aoírd, fé leiṫ, 2Agus ṫáinig aṫrúġaḋ cló air ós a gcóṁair. Agus ṫáinig taiṫneaṁ ’n-a ġnúis ar nós na gréine, agus d’iompuiġ a ċuid éadaiġ ċóṁ geal le sneaċta. 3Agus féaċ, do ċonacadar Maois agus Elias agus iad ag caint leis. 4Agus d’ḟreagair Peadar agus duḃairt sé le h-Íosa: A Ṫiġearna, is maiṫ an ḃail orainne ḃeiṫ anso; má’s áil leat deinimís anso trí puible, pubal duit-se, agus pubal do Ṁaois, agus pubal d’Elias. 5Le linn na cainte sin do ráḋ ḋó, féaċ, do ċlúdaiġ sgamall soillseaċ iad; #Supra 3:17; 2 Pead. 1:17.agus féaċ, guṫ as an sgamall, agus duḃairt: Sidé mo Ṁac dílis ar a ḃfuil mo ġreann: éistiḋ leis. 6Agus nuair airiġ na deisgiobuil an guṫ, do ṫuiteadar ar a n-aġaiḋ, agus eagla mór orṫa. 7Agus ṫáinig Íosa agus ċuir sé a láṁ orṫa, agus duḃairt sé leó: Eiríġiḋ, agus ná bíoḋ eagal oraiḃ. 8Agus d’ḟéaċadar suas, agus ní ḟeacadar aoinne aċ Íosa féin. 9Agus ag teaċt anuas ó’n gcnoc dóiḃ duḃairt Íosa leo: Ná h-innsiḋ d’aoinne an raḋarc go n-eiriġiḋ Mac an Duine ós na mairḃ.
10Agus d’ḟiafraiġ na deisgiobuil dé: Agus cad ċuige go ndeir na Sgríḃneóirí náċ foláir Elias do ṫeaċt ar dtúis? 11Agus duḃairt sé leó ’ġá ḃfreagra: #Mal. 4:5.Tiocfaiḋ Elias, agus ceartóċaiḋ sé gaċ níḋ. 12Aċ deirim-se liḃ go dtáinig Elias ċeana, agus níor aiṫniġeadar é, aċ d’imireadar a dtoil air. Agus sin mar atá le fulang ag Mac an Duine uaṫa. 13Ansan do ṫuig na deisgiobuil gur ar Eóin Baiste a ḃí sé ag tráċt leó.
14Agus nuair a ṫánadar go dtí an sluaġ, do ṫáinig ċuige duine agus ċaiṫ sé é féin ar a ġlúiniḃ ’n-a láṫair: A Ṫiġearna, ar seisean, dein trócaire ar mo ṁac; mar tá sé ’n-a ġeilt, agus tá mórán pionóis air; agus tuiteann sé sa teine go minic, agus sa n-uisge go minic. 15Agus ṫugas ċun do ḋeisgiobul é, agus níor ḟéadadar é leiġeas. 16Agus d’ḟreagair Íosa agus duḃairt: Ó, a ṡlioċt ḋíṫ-ċreidiṁ ḋo-ṫeagasgṫa, an fada a ḃeiḋ mé i n-ḃúr measg? an fada a ċuirfead suas liḃ? Tugaiḋ ċúġam anso é. 17Agus do smaċtuiġ Íosa an deaṁan, agus d’imṫiġ sé as, agus ḃí an mac leiġiste as san amaċ. 18Ansan ṫáinig na deisgiobuil ag triall ar Íosa, a gan ḟios, agus duḃradar, Cad ’n-a ṫaoḃ nár ḟéadamairne é ċur amaċ? 19Agus duḃairt Íosa leó: Mar ġeall ar ḃúr n-easba creidiṁ. Go deiṁin adeirim liḃ, #Lúc. 17:6.má ḃíonn fiú oiread gráinne de ṡíol mustáird de ċreideaṁ agaiḃ, déarfaiḋ siḃ leis an gcnoc so, Aistiriġ as so ansúd anonn, agus aistireóċaiḋ sé; agus ní ḃeiḋ aon rud ná beiḋ ar ḃúr gcumas a ḋéanaṁ.#17:19 Ver. 19. fiú oiread gráinne de ṡíol mustáird .i. creideaṁ beaċt, .i., creideaṁ a saṁaltar ’n-a ṁianaċ agus ’n-a ṫoraḋ, leis an ngráinne de ṡíol mustáird sa ṗarabal. Caiḃ. 13:31. 20Aċ ní curtar amaċ an sórd so aċ le h-úrnuiġṫe agus le trosgaḋ.
21Agus nuair a ḃíodar ’n-a gcóṁnuiḋe i nGaililí, duḃairt Íosa leó: Tá Mac an duine le taḃairt i láṁaiḃ daoine; 22Agus cuirfid siad ċun báis é, agus aiseireóċaiḋ sé an tríṁaḋ lá. Agus ṫáinig buairt ana ṁór orṫa.
23Agus nuair a ṫánadar go Caṗarnaum ṫáinig luċt na ndidraċma do ġlacaḋ ag triall ar Ṗeadar, agus duḃradar leis: Ná díolann ḃúr máiġistir-se #17:23 Ver. 23. an didraċma .i., leaṫ sicle, nú leaṫ statéir, .i. tímpal ċúig ṗingine déag d’airgead Ṡasana. Cáin ab eaḋ é a baintí de gaċ duine ċun seirḃíse an teampuil.an didraċma? Duḃairt seisean: Díolann. 24Agus nuair a ċuadar isteaċ sa tiġ do laḃair Íosa leis ar dtúis agus duḃairt: Cad a ċítear duit-se, a Ṡímóin? riġṫe na talṁan, cé uaṫa go nglacaid siad cíos nó cáin? an ó n-a gclainn féin, nó ó ḋaoiniḃ iasaċta? 25Agus duḃairt seisean: Ó ḋaoiniḃ iasaċta. Duḃairt Íosa leis: D’á ḃríġ sin tá an ċlann saor. 26Aċ i dtreó ná taḃarfaimís sgannal dóiḃ, imṫiġ ċun na faraige agus caiṫ duḃán; agus an céad iasg a ṫiocfaiḋ aníos, tóg é; agus osgail a ḃéal, agus ġeoḃair statér#17:26 Dob’ ḟiú leaṫ-ċoróinn an statér. ann; tóg é sin agus taḃair dóiḃ sin é asam-sa agus asat féin.
Dewis Presennol:
Maitiú 17: ABNPOLG
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
historic text maintained by the Bible Society.