Nai Vakatekivu 10
10
A kawa ni luve i Noa: ka Jefeca, 2-5; ko Hami, 6-20; ko Semi, 21-32.
1ASA vakaoqo na veimataqali ni luve i Noa, ko Semi, ko Hami, kei Jefeca; a sa sucu vei iratou na luvedratou tagane, ni sa oti na waluvu.
2A luve i Jefeca; ko Komera, kei Mekoki, kei Metai, kei Javana, kei Tupali, kei Meseki, kei Tairasa. 3Ia na luve i Komera; ko Asikenasa, kei Rifaca, kei Tokarama. 4Ia na luve i Javana; ko Elaisa, kei Tarisisi, kei Kitimi, kei Totenimi. 5Sa vota vei ira o qo na nodra veiyanuyanu na veimatanitu e na nodra veivanua; a tamata yadua me vaka na nona vosa, ka vaka na nodra veimataqali, e na nodra veimatanitu.
6Ia na luve i Hami; ko Kusa, kei Misireimi, kei Futi, kei Kenani. 7Ia na luve i Kusa; ko Sipa, kei Avila, kei Sapita, kei Reama, kei Sapiteka: ia na luve i Reama; ko Sipa, kei Titana.
8A sa sucu vei Kusa ko Nimiroti; sa vakatekivu ko koya me tamata kaukauwa e vuravura: 9sa yaco ko koya me tamata gumatua e na mata i Jiova e na dauvakasasa manumanu e yavai va: o koya o qo sa daukainaki kina, Sa vakataki Nimiroti, o koya na tamata gumatua e na mata i Jiova e na dauvakasasa manumanu e yavai va. 10Ia nai tekivu ni nona matanitu ko Pepeli, kei Ireki, kei Akata, kei Kaline, e na vanua ko Sainari. 11Sa lako yani ko koya mai na vanua ko ya ki Asiria, a sa tarai Ninive, kei na koro ko Reopoci, kei Kela, 12kei Risini, e na tadrua kei Ninive kei Kela; ko ya na koro levu.
13Ia ko Misireimi, sa sucu vua ko Lutimi, kei Anamimi, kei Leapimi, kei Nafituimi, 14kei Pacirusimi, kei Kasiluimi, (a ra sa tubu mai vua na kai Filisitia,) kei Kapitorimi.
15A sa sucu vei Kenani ko Saitoni, na nona ulumatua, kei Eci, 16kei ira na kai Jepusa, kei ira na luve i Amori, kei ira na kai Kerekesa, 17kei ira na luve i Evi, kei ira na kai Araka, kei ira na kai Sina, 18kei ira na kai Arivati, kei ira na kai Semari, kei ira na kai Hemaci: io emuri era sa tete yani na veimataqali ni luve i Kenani. 19Ia na nodra yalayala na luve i Kenani sa tekivu mai Saitoni, mai na sala sa lakovi kina ki Kirari, ka yaco ki Kesa: e na sala sa lakovi kina ki Sotoma, kei Komora, kei Atima, kei Sepoimi, ka yaco sara ki Lesa. 20O qo na luve i Hami, me vaka na nodra veimataqali, kei na nodra vosa, e na nodra veivanua, kei na nodra veimatanitu.
21Ia vei Semi talega, na tamadra kecega na luve i Iperi, na taci i Jefeca na ulumatua, ia sa sucu vua na gone. 22A luve i Semi; ko Ilami, kei Asuri, kei Arifakisati, kei Luti, kei Erami. 23Ia na luve i Erami; ko Usi, kei Uli, kei Keceri, kei Masi. 24A sa sucu vei Arifakisati ko Sela; a sa sucu vei Sela ko Iperi. 25A sa sucu vei Iperi e rua na luvena; a yacana e dua ko Peleki [Wasewase]; e na vuku ni sa wasewase ko vuravura e na nona gauna; ia na yaca i tacina ko Jokitani. 26A sa sucu vei Jokitani ko Alimotati, kei Selefi, kei Hesarimaveci, kei Jera, 27kei Atorami, kei Usali, kei Tikila, 28kei Opali, kei Apimeeli, kei Sipa, 29kei Oferi, kei Avila, kei Jopapa: o qo kecega na luve i Jokitani. 30Ia na nodrai tikotiko sa tekivu mai Mesa, mai na sala sa lakovi kina ki Sifari, e dua na ulu-ni-vanua mai cake. 31O qo na luve i Semi, me vaka na nodra veimataqali, me vaka na nodra duivosa-vosa, e na nodra veivanua, me vaka na i nodra veimatanitu. 32O qo na luve i Noa, me vaka na nodra veimataqali, e na nodra veimatanitu: a sa vota vei ira o qo na veimatanitu e vuravura, ni sa oti na waluvu.
Dewis Presennol:
Nai Vakatekivu 10: FIJ1864
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
First full Bible in the Fijian language © British and Foreign Bible Society, 1864.