Wepélisiananu 5
5
Adam kulunu
(Ébr 11:5–6; Jud 1:14–15)
1Adam kulunu lé sɛbɛ lé ke ’ko. Bale mi kɛlɛ aan wo, é a kɛlɛ é bɔmazan nya. 2É gɔné kɛlɛ yé é le kɛlɛ, yé é wo drɔɔ vo. É wo kɛlɛ aan wo, é wo laa, mi.
3Adam lɛɛ yɔ suiɛdo wɔlɛ vuzan nya, é né yaa é bɔmazan nya, é dɔbɛ gi, yé é a tɔ pa Sɛt. 4Sɛt yaale zuo, Adam vo é yuɛma lɛɛ wuru ziɛn, yé é négɔné valé nélomu yaa. 5Adam lɛɛ faa kɛlɛ wuru ziɛn yɔ suiɛdo wɔlɛ vu, yé é ga.
6Sɛt lɛɛ yɔ soru wɔlɛ soruzan nya, é Énɔs yaa. 7Énɔs yaale zuo, Sɛt vo é yuɛma lɛɛ wuru ziɛn wɔlɛ sɔrafié, yé é négɔné valé nélomu yaa. 8Sɛt lɛɛ faa a wuru ziɛn yɔ soru wɔlɛ vu ta fié, yé é ga.
9Énɔs lɛɛ yɔ ziɛn wɔlɛ vuzan nya é Kénan yaa. 10Kénan yaale zuo, Énɔs vo é yuɛma lɛɛ wuru ziɛn wɔlɛ vu ta soru, yé é négɔné valé nélomu yaa. 11Énɔs lɛɛ faa a wuru ziɛn yɔ soru wɔlɛ soru, yé é ga.
12Kénan lɛɛ yɔ yaa wɔlɛ vuzan nya é Maaléléɛl yaa. 13Maaléléɛl yaale zuo Kénan vo é yuɛma lɛɛ wuru ziɛn yɔ fié, yé é négɔné valé nélomu yaa. 14Kénan lɛɛ faa a wuru ziɛn yɔ soru wɔlɛ vu, yé é ga.
15Maaléléɛl lɛɛ yɔ yaa wɔlɛ soruzan nya é Jérɛd yaa. 16Jérɛd yaale zuo Maaléléɛl vo é yuɛma lɛɛ wuru ziɛn yɔ do wɔlɛ vu, yé é négɔné valé nélomu yaa. 17Maaléléɛl lɛɛ faa a wuru ziɛn yɔ ziɛn wɔlɛ soru, yé é ga.
18Jérɛd lɛɛ yɔ sɔraa wɔlɛ fiézan nya é Énɔk yaa. 19Énɔk yaale zuo Jérɛd vo é yuɛma lɛɛ wuru ziɛn, yé é négɔné valé nélomu yaa. 20Jérɛd lɛɛ faa a wuru ziɛn yɔ sɔraa wɔlɛ fié, yé é ga.
21Énɔk lɛɛ yɔ yaa wɔlɛ soruzan nya é Métuséla yaa. 22Métuséla yaale zuo Énɔk tawo Bale va lɛɛ wuru do yɔ soru, yé é négɔné valé nélomu yaa. 23Énɔk lɛɛ faa a wuru do yɔ sɔraa wɔlɛ soru. 24Énɔk tawo Bale va, yé Bale a si, bɛwemalé wo ’ka a ye lɛ lo.
25Métuséla lɛɛ yɔ sɔraziɛn wɔlɛ sɔrafiézan nya é Lémɛk yaa. 26Lémɛk yaale zuo Métuséla vo é yuɛma lɛɛ wuru yaa yɔ sɔraziɛn wɔlɛ fié yé é négɔné valé nélomu yaa. 27Métuséla lɛɛ faa a wuru ziɛn yɔ sɔraa wɔlɛ sɔraziɛn yé é ga.
28Lémɛk lɛɛ yɔ sɔraziɛn wɔlɛ fiézan nya é négɔné do yaa. 29É a tɔ pa Noé, yé é léma: Kolé wɔlɛi nyaale valé nyanama tɔntɔn lé ko paan tɛrɛ ’ko lé, Gakelebale bale pa a ma bɛ, a ta, né ’ko é dan ko tɔrɔ paa lɛ a ma. 30Noé yaale zuo, Lémɛk vo é yuɛma lɛɛ wuru fié yɔ sɔraziɛn wɔlɛ vu ta soru yé é négɔné valé nélomu yaa. 31Lémɛk lɛɛ faa a wuru yaa yɔ sɔraa wɔlɛ vu ta sɔrafié, yé é ga.
32Noé lɛɛ a wuru fié yɔ soru, yé é né yaa, Sɛm koo, Sam koo, Jafɛt koo, wo nya.
Dewis Presennol:
Wepélisiananu 5: GOURU
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Alliance Biblique de Cote d'Ivoire 1979