मत्ती 3
3
यूहन्ना बाप्तिस्मा आपनाराआ प्रचार
(मरकुस 1.1-8; लूका 3.1-9,15-17; युहन्ना 1.19-28)
1तिया दिहोम योहान बाप्तिस्मे आपणारो यहुदियाच्या जंगलूम आविलो एहली घोषणा कोहू लाग्यू का, 2“पश्चाताप कोआ, काहाके स्वर्गाचे राज्य जागे आव्ये होय.” 3ओ तोज होय जिया बाराम यशायाह संदेष्टा कोयु ओतु का, “जंगलूम घोषणा कोणारे वाणी उवी का, परमेश्वरोओ मार्ग सिद्ध को; तियाआ वाट तियार को.” 4ताहरु योहान स्वता तो उटडाहा सिंज्याआ कापडे पेइत अने कमरूम चामडीहा कमरपट्टा बादित ओतु अने टोळ अने रानमध तियाआ ओन ओते. 5तेहलाम त्याजागे यरुशलेम, अने आखे यहुदा अने यार्देनेच्या आगाडी फासाडी वस्ती कोअल्यू आखे प्रदेशामोरोत आखे मांहे तिया जागे आवयी. 6जिया तियाअ पापे कबूल कोअयी, तियाआ आथो कोईत तियाहा यार्देन खाडीमेहे बाप्तिस्मे आप्यू. 7पोन तिये केते सदुकी अने परुसी याहा बाप्तिस्मे घेण्यासाठी आपारी आविलावेले पालीत तो कोयु, ओ जहरीला हापाहा पिला, तुमामे कोडु सावध कोल्यु का तुमु आवनाराआ क्रोधापो रोत नाहा? 8याकोअता तुमु पश्चातापाचे हाजो फोल लेतावा. 9अने आपाआ मोनुमे ओ विचार कोहू नाहा का आमाआ बाह्हू आब्राहम होय, काहाके आय तुमाहा कोत्लू का परमेश्वर ज्या डोनोप रोत पण अब्राहमोओ पोऱ्ये बोनावित सेकत्लु 10कुर्हाड ओमे पण साडोओ मुलामे मेकली होय अने जे-जे साड हाजो फोल आपित नाहा ते तोडीत आगीम टाकिला आवे. 11“आयताहा तुमाहा पायोंवाही पश्चातापाचा बाप्तिस्मे आपोहो पण माआ नंतर जो आवीत होय, तो मारोत ऐतू सामर्थी होय का आय तियाआ चप्पल विसुंहु पण योग्य नाहा. तो स्वतः तुमामे पवित्र आत्मावांहि अने आगीवाही बाप्तिस्मे आपी. 12तियाआ आथोमेहे तियाआ हुपडो होय तो आपाआ खलिहान अगदी साफ कोऐ, अने गवोओ आपाआ कोठारात हेंगालीत अने भूसाहा तियाअ आगीम टाकिला आवे जी केधी उलाय नाहा.”
यूहन्ना द्वारा येशु मसीहा बाप्तिस्मा
(मरकुस 1.9-11; लूका 3.21-22)
13तेहलाम येशु गालीला मधून यरदोनो खाड़ीई किनारापो योहाना जागे आवयू का तीयावाही बाप्तिस्मे लेहू. 14पोन योहान अओ कोत रुकु वोल्यु, “माहु ता आथे बाप्तिस्मे लेअलो आवश्यकता होय, अने तू मा जागे आवयुहु?” 15पोन येशु तियाहा उत्तर आप्लु, यी समयी ऐहलेच ओवुहू आप आमाआ कोअता उत्तम होय का, एहलाज प्रकारे धर्माचरण पुरो कोअला जोवे, तेहलाम तिये तियाआ मानीत लेधलो 16अने बाप्तिस्मे लेदले ताहा येशु लागेज पाअयोपो रोत उसे आवयू अने पाला, जुग उगाडीत गोये, तिये परमेश्वरोओ आत्माहा कबूतरो रुपात उतरीलावेले अने तियापो आविलावेले पालील्यो. 17अने पाला, जुगोमोरत वाणी उवी का, “ओ माआ प्रिय सूऊ होय, ज्यापो आय संतुष्ट होय.”
Dewis Presennol:
मत्ती 3: NOINT
Uwcholeuo
Rhanna
Copi

Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.