Wĭkheegŭn 20
20
1Net ŭmskooŏsāwā’ keesook kese atlasmooekĭskâk, Male Mădlān pŭkŭchehĕ pooskŭnĭgŭnalŭgŏŏk wesŭge‐oospasweu’ chĕl māch pĭskŭtpookŭt, ha nŭmĭhtoon pŭnŏpskw wĕjesāma‐tasĭks pooskŭneegŭnalŭgŏŏk.
2Netwāje kwŏskwhoo ha oopŭkŭchehanŭl Semoo‐Peālŭl ha kŭtŭkĭl noodŭkĕhkemoojĭl tanĭl Sāsoos kĕsĕlmajĭl, ha ootĭha: Oochemăjĭphawow Uksakŭmamŭnooŭl pooskŭneegŭnalŭgŏŏk, ha skat n’kŭjejetoonāwĭn tan tĕt poonatĭts.
3Netwāje Peāl machĕhĕ ha kŭtŭk noodŭhkĕhkemoot, ha pĕtkaootooŭk pooskŭneegŭnalŭgŏŏk.
4Ha tŭkweu’ kwŏskhooŭk, ha kŭtŭk noodŭkĕkemoot oonŭkŭlal Peālŭl, ha tŭmk pŭkŭchehĕ pookŭneegŭnalŭgŏŏk.
5Ha chetooŏmkwĕssĭt ha oonŭmĭhtoonŭl atoolhawĕg’ŭnool ĕlagwāgĭl, kānokŭloo skadama ŭksĕhāwe.
6Toocheu’ Semoo Peāl oopŭkuchehan oonoosootĕhkooŏl ha ŭksĕhĕ pooskŭneegŭnalŭgŏŏk, ha oonŭmĭhtoonŭl atoolhawĕgŭnool ĕlagwāgĭl.
7Ha kasegŭhoosoot’ tan wĭsătpĕbesĭtpŭn, skat wĭtāwe atoolhawĕgŭn ĭkŏŏk, kāncokŭloo kesangŭnasoo ha chpahtĕ.
8Toocheu’ netwāje kŭtŭk noodŭkĕhkemoot neaga ookŭsahan, tan tŭmk pĕgŭchehatpŭn pooskŭneegŭnalŭgŏŏk, ha oonŭmĭhtoon ha oolamsŭt’ŭmŭn.
9Eebŭchŭl mĕskw oonŭstŭmoonea tan ĕlwĭkhasĭk Nŭkskamāwā Wĭkheegŭnŭk, chŏŏ oochenŭmchĕsoo n’pooa’gŭnŭk.
10Netwāje nootŭkĕhkemoojĭk apch machĕhkow‐ootooŭk wegoo‐owĭkooŏk.
11Ha Male skĕh kwĭheu’ pooskŭneegŭnalŭkŏŏk kwŭchŭmeu’, tŭldāmoo. Ha ăptŭdāmĭt cheetooŏmkwĕssĭt ha oopooteapŭtŭmŭn pooskŭneegŭnalŭgŏŏk.
12Ha oonŭmĭha neesoo asāle wŏbĕgŭnŭhmook, ĕbelejĭhĭ pĕskw ĕlkwĕsĭnlĭtpŭn, kŭtŭk ĕlsedĕsĭnlĭtpŭn Sāsoos oohŭk ĕtĕkpŭn.
13Ha asāleŭk ootehawŏl: Apet, kĕkwsā’ wĕtā’meŭn? Ootĭha: Eebŭchŭl majĕphawow’ n’sakŭmam, ha skat nkŭjejeha’weŭk tan tĕt poonĕhlatĭts.
14Kese eetŭk yoot wĕswĕgaboowĕssoo ha oonŭmĭhal Sāsoosŭl sĕhkĕlejĭl, skatŭloo ookŭj‐jejeha’weŭl Oosāsooswelĭn.
15Sāsoos ootĭhal: Apet, kĕkwsā’ wĕtā’meŭn? Male ledŭhasoo noojĭn‐pesoon‐kekanĭhkĕt, ha ootiĭhal: Sakŭm, kel kese‐majĕphŭtsŭpŭn, n’sŭtoomooĭn tan tĕt poonŭt, ha nelŭch n’majĕpha.
16Sāsoos ootĭhal: Male! Male kwŏŏlpega‐boowĕsoo ha ootĭhal [Lĕsweeswŏdooāmŭk] Labone! tan eetŭmooĭk, Noodŭkĕhkegāmĭt!
17Sāsoos ootĭhal: Moo sak samĕhleekŭch, eebŭchŭl māch mĕskw noonagĭhow N’mĭhtakwsŭk. Kānookŭloo ŭlĭh’ n’sewĕsŭk āooltetĭt ha k’tĭhan, noonagĭh nel N’mĭhtakwsŭk’ ha kelooow’ K’mĭtakwsooŏk, ha nel Nŭkskamk, ha kelooow’ Kŭnŭkskamooŏk’.
18Male Mădlān pŭkŭchehĕ ha pĕjĭptooŏn kŭlooswagŭn noodŭkĕhkemoojĭk net nāgŭm ookesenŭmĭhal Uksakŭmamŭnooŭl, ha yootŭl kĕkwsāăl ookese‐yŭhŏŏchŭl.
19Netwāje net keesook wĕlagweewĭk amskooŏsāwā keesook, kese atlase‐mooekĭskak, ha khagŭnŭl k’pahasooŭl ĕtle‐mowe‐hatĭt nootŭhkĕhkemoojĭk eebŭchŭl oonŭgalawŏ Lĕswees, Sāsoos pŭkŭchehĕ ha ābaseu sĕhkĕh, ha ootĭha: Wŏntŭkāooagŭn ëĭch ŭkhŭkāwŏk.
20Ha keseyŭhat neetŭl kŭlooswa’gŭnŭl oomĕswātooanŭl oopetenŭl ha ĕpmĕlwŏt. Toocheu’ noodŭkĕhkemoojĭk wŏŏledŭhasooltooŭk nĕmehatĭt Uksakŭmamenooŭl.
21Netwāje apch Sāsoos ootĭha: Wŏntŭkāooagŭn ëĭch ŭkhŭkāwŏk. Tan ĕle‐ŭlgemĭtpŭn N’mĭhtakws nel ĕleŭlgĭmlĕkw kelooow’.
22Kese eetŭk neetŭl oonĕssāmootooŏh, ootĭha: Kŭmŭsŭnawŏ Wĕjeoolenewĕskwĭt.
23Tanĭk wĕnĭk ootŭlkŭmĭksooagŭnooŏl ’nhĕltŭmooĕkw, n’hĕltŭmooanŭl: ha tanĭk wĕnĭk ootŭlkŭmĭk‐sooagŭnooŏl skat n’hĕltŭmooākw, skat n’hĕltaseweŭl.
24Kānookŭloo Tooma tan elewehoot neaga Tŭkwĕs, skat wejāoo‐owĭbŭnĭhĭ tan toocheu’ Sāsoos pĕg’ŭchehat’.
25Netwāje kŭtŭkĭk nootŭkĕhkemoojĭk ootĭhawŏl: Uksakŭmamŭn kese nŭmehanoo. Kānookŭloo Tooma ootĭha: Skat nŭmĭhtooawŏn’ oopeteenŭk chĭlmeegĭl chĭsŭkheegŭnŭl, ha skat pejĕh’tooŏn (n’tŭlooĭgŭnĭlch) n’pŭskĕlchawŭn chĭlmeegĭl chĭsŭkheegŭnŭl, ha skat poonĕh’tooŏn’ n’peten ĕpmĕlwŏt, skatŭch noolâmsŭtŭmooŭn.
26Ha kese oogŭmoolchĭn kĕsoogŭnŭkâk noodŭkĕhkemoojĭk apch mowĭh’eyŭk lămĭgwâm’, ha Tooma wejāooŏ, ha Sāsoos pŭkŭchehĕ kha’gŭnŭl k’pahasooŭl, ha ābaseu’ sĕhkĕh, ha eetŭm: Wŏntŭkāooagŭn ëĭch ŭkhŭkāwŏk.
27Agĭmtĕ ootĭhal Toomahŭl: Chkooĕht ŭkpŭskĕlchowŭn ha sagĭhtooĭn n’petenŭl, ha ch’kooĭnskĕs’ ha poonĕh’t ĕpmĕlwei’: ha moo sak kŭlootŭmookŭch, kănookŭloo woolămsŭtŭmoon’.
28Tooma asedāmat, ootĭhal: N’sakŭmâm, ha Nŭkskamŭm.
29Sāsoos ootĭhal: Tooma, eebŭchul kesenŭmĭhĭ kesewŏŏlămsŭtŭmŭn: wŏŏlāooltooŭk tanĭk skat nĕmetootĭkw, ha kese wŏŏlămsŭtŭmŭn’ea.
30Ha ŭktanagŭtool kŭtŭkĭl kenooŏskoodeegŭnŭl Sāsoos kesātakwpŭnĭl ĕlkwābehalĭt ĕgĕhkematpŭnĭhĭ, tanĭl skat āwĭkhaseenookĭl yoot wĭkheegŭnŭk.
31Kānookŭloo yootŭl wĕjewĭkhaseegĭl wĕlamân kelooow’ koolămsŭtŭmŭnea’p Sāsoos Oonewĕskooĭn, Nŭkskam Ookwŏŏsŭl; ha wĕlamân kteëneap askŭmowsooagŭn ĕleoolămsŭtŭmĕkw.
Dewis Presennol:
Wĭkheegŭn 20: PQM1870
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
First published by the British and Foreign Bible Society in 1870.