Wĭkheegŭn 16
16
1Net wĕjeyŏŏhoolĕkw yootŭl kĕkwsāăl wĕlaman skat kŭnăbĭskwŏhmateepa.
2Kooche‐noodĕh‐lŭkoowŏk’ch emehāwĭgwamŭk. Choodĕhchŭloo tĕbŭnaskooĭhak’ egĕhĕch’ tan toocheu’ tan wĕn napŭhoo’lakch ledŭhasoo’ch ootŭlookāwŏn Nŭkskamŭl.
3Ha netŭl kĕkwsăl tŭlĕhlŭkooneălch eebŭchŭl skat ookŭjejehawewŏl N’mĭhtakwsŭl, kŭsŭna nel.
4Kānookŭloo wĕjeyŏŏhoolĕkwpŭn yootŭl kĕkwsăl wĕlaman tan toocheu tĕbŭnaskooĭhak egĕhĕch’, mĭkwedŭhadŭmŭnea’ch kese yŏŏhoolneas’. Kānookŭloo yootŭl kĕkwsăl skat yŏŏhoolooĕkkoobŭnĭl wĕjātagāmŭk ŭmskooŏs’ ma’chahak, eebŭchŭl koowej‐āyooloopapŭn.
5Ha tŭkā’ch n’tŭlĭh’ Tan āĭt tan pĕtŭkĭmĭtpŭn, ha skat wĕn kelooow’ n’tŭlepabĕh’chĭmkoo’, Tama’ k’tŭlĭh?
6Kānookŭloo eebŭchŭl yŏŏhoolĕkwpŭn yootŭl kĕkwsăl, wŏŏnmăje‐dŭhasooagŭn psŭnĕsooŭl k’mŭshoonooŏl’.
7Kānookŭloo oolămāwagŭn yŏŏhoolĕkw, koochekaneāwoolte’nea ĕlemachŭhae. Eebŭchŭl skat machŭhawa’n Noojewŏŏĕhlooĕt skatŭch pŭkŭchehāoo: kānookŭloo machŭhayan’ n’pĕtŭkĭmach’ āoolteĕkw.
8Ha tan toocheu pŭkŭcheha’t, ookŭlhŭma’nch ooskĭtkŭmĭkw ooche lakŭmĭksooagŭn, ha neaga ooche këakwehāwagŭn, ha neaga ooche ŭtploodŭmooagŭn.
9Ooche lakŭmĭksooagŭn, eebŭchŭl skat oolămsŭtŭmoonea n’hŭkĕk:
10Ooche këakwehāwa’gŭn, eebŭchŭl N’mĭhtakwsŭk n’tŭlĭh’ ha kelooow’ skatŭch k’nŭmeheepa agwŏmk.
11Ooche ŭtploodŭmooagŭn, eebŭchŭ ooskĭtkŭmĭkw ookĭnchāmŭs’ŭmŭl kesĭtplooda’sooŭl.
12Uktana’gwŏŏtool kĕkwsăl māch āëanĭl yŏŏhoolāgwĭl; kānookŭloo skat kese‐pŭmĭptoonëal tŭkāch’.
13Kānookŭloo tan toocheu Wŏŏlamāwagŭnā’ M’chŭchâkw pŭkŭcheha’t, k’nĭkanowtekāookoowŏch’ ’mseu’ wŏŏlămāwagŭn ĭkŏŏk. Eebŭchŭl skatŭch ooche‐kŭloo’seu oohŭkĕk, kānookŭloo tan kĕkw noo’tŭk ootăgŭnoodŭmŭn’ch, ha k’mooskĕhtagoonea’leh tanĭl kādeëgŭhagĭl.
14Nāgŭmŭch’ n’kechetŭmetŭhammŭk’wch; eebŭchŭl wekwātoon’ch nel n’mŭchĕsoom ha k’mĕssooĕhtagoonea’ch kelooow’.
15M’seu kĕkwsăl tanĭl N’mĭhtakws āejĭl, nel netŭl n’mŭchĕsoo’mŭl. Netwāje yŏŏhoolĕkwpŭn wĕkwātoonch nel n’mŭchĕsoom ha k’mĕsooĕh‐tagoonea’ch kelooow’.
16Makeāwoos ha skatŭch k’nŭmeheepa, ha apch makeāwoos ha k’nŭmehepach’.
17Netwāje ankwŏŏch tanĭhĭ ĕgĕhkemajĭhĭ yŏŏhoodooltoo’: Kĕkwsāea’ yoot yŭhoolŭkw? makweāwoos ha skatŭch k’nŭmeheepa, ha apch makeāwoos ha k’nŭmehepach’? ha, Eebŭchŭl n’tŭlĭh’ N’mĭhtakwsŭk?
18Netwāje yŏŏhootooltooŭk: Kĕkwsā’ ea’ yoot tan wĕskoooo’tŭk? Makeāwoos? skat k’chejetoonāwĭn tan eetŭk.
19Sāsoos ookŭjĕjĭhtoon ookŭtepabĕhjĭmkoon; ha ootĭha: Kooje‐pabĕh‐chedool‐te’nea eebŭchŭl n’tetŭmoopŭn, Makeāwoos ha skatŭch k’nŭmeheepa, ha apch makeāwoos ha k’nŭmchepa’ch?
20Ulĭhĕ’ ŭlĭhĕ’ yŏŏhoolĕkw’ kelooow’ ŭksasātĕmooltepa’ch, ha koonmatĕhmooltepa’ch, kānookŭloo ooskĭtkŭmĭkw wŏŏledŭhasoo’ch: ha koonmăje‐dŭhasooltebach; kānookŭloo koonmăjedŭhaswa’gŭnoowŏl lekwoolpĕhtasooŏŏlch’ wŏŏledŭhaswa’gŭnŭk.
21Apet tan toocheu kĕte nĕmekwŏŏseelĭt waseesŭl, sĕspādŭhasoo eebŭchŭl ootĕbŭnaskooehagŭm egĕhĕ; kānookŭloo kese nĕmekwŏŏseelĭt waseesŭl, māch skat mekwedŭhadŭmooŭn oosĕspādŭhasooagŭn edoocheooledŭhasĭt pŭmowsooenooŭl oonŭmekwŏŏselĭn ooskĭtkŭmĭkw.
22Ha tŭhaloo kelooow’ tŭkā’ch ĕleheyĕkw oonmăje’dŭhasooagŭn; kānookŭloo apch k’nŭmehoolpa’ch, ha k’mŭshoonooŏl ooledŭhasoowewŭl’ch, ha kooledŭhasooagŭnoowŏl skatŭch wĕn wekwĕhtagooneăl.
23Ha net na keesook skatŭch kĕkw kweloodŭmooepa’ch. Ulĭhĕ, ŭlĭhĕ, yŏŏhoolĕkw, tan kĕkwsā wĕje‐kweloodŭmĕkw N’mĭhtakwsŭk nooesooŭnŭk, k’mĭlkoonea’ch.
24Tŭkā’ch tŭkkeu’ mĕskw kĕkw kweloodŭmootepa nooesoonŭk. Kwelootŭmootĭkw ha k’mŭsŭnŭmŭnea’ch, wĕlaman kooledŭhasooagŭnooŏh p’sŭntātasoo.
25Yootŭl kĕkwsāăl yoohoolākwĭl kwelooāwĕstooa’gŭnŭk. Tĕbŭnaskooĭhak ch’kooĭhĕ tan toocheu skatŭch kŭlooloopa kwelooāwĕstooa’gŭnŭk, kānookŭloo pabĕk‐agŭnootŭmoolnea’ch N’mĭhtakws.
26Neet keesook wekoodŭmânea’ch nooesoo’ŭnŭk; ha skat ŭktĭhooloopa pabatŭmooāoolŭpach N’mĭhtakwsŭk.
27Eebŭchŭl N’mĭhtakws Nāgŭm kŭsĕlmŭgooŏh, eebŭchŭl kŭmoosalepapŭn, ha neaga koolâmsŭtŭm‐ootene‐apŭn noojĭhan Nukskamoo ĭkŏŏk.
28Noochehapŭn N’mĭhtakwsŭk ha pŭkŭchehapŭn ooskĭtkŭmĭkw. Apch nŭkŭtŭmŭn ooskĭtkŭmĭkw ha n’tŭlĭh’ N’mĭhtakwsŭk.
29Tanĭk wĕjekĕhkemoojĭk oohŭkĕk ootehawŏl: Tŭkā’ch ŭkpabĕkāwĕst’, ha skat kwelooāwĕstoo.
30Tŭkā’ch n’kŭjeje’toonā’n k’nŭkakchejetoon m’seu kĕkwsăl; ha skat kootŭmetŭhatŭmooŭn wĕn k’pabĕhchĭmkoon. Ooche yoot wĕje‐wŏŏlam‐sŭtŭm‐ooteĕk kel koojĭhapŭn Nŭkskamoo ĭkŏŏk.
31Sāsoos ootasedāma: Tŭkā’ch koolâmsŭtŭmooteeba? 32Sagĭhtŏŏk, tĕbŭnaskooĭhak chkooĭhĕ, ha neaga egĕhĕ, tan toocheu ŭksesĕhlŭgaba’ch m’seu wĕn weekŭk, ha k’nŭkanŭkkŭleba’ch n’pĕskoodĕch. Ha skat n’pĕskooweu’, eebŭchŭl N’mĭhtakws n’wejāakw.
33Yootŭl kekwsāăl yŏŏhoolĕkwpŭnĭl wĕlaman nel n’hŭkĕk wŏntŭkāooagŭn ŭkteënea. Ooskĭtkŭmĭkw ŭkteënea wŏŏnmăje’dŭhasooagŭn; kānookŭloo wŏŏledŭhasooltĭkw: nel n’kesepeĕmsŭnootŭmŭn ooskĭtkŭmĭkw.
Dewis Presennol:
Wĭkheegŭn 16: PQM1870
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
First published by the British and Foreign Bible Society in 1870.