Wĭkheegŭn 14
14
1Moo sak oonmăjedŭha’sooĭch k’mŭshoonoowŏl! Woolămsŭtŭmootĭkw Nŭkskam oohŭkĕk, ha neaga nel ’nhŭkĕk wŏŏlămsŭtŭmootĭkw!
2Lâmekwâm ’Nmĭhtakws week ŭktanagŏŏtool’ ehyooltĭmkĭl. Skat lāenookŭsŭpŭn ŭktehoolneapŭnp’; eebŭchŭl nel ’ntŭlĭhan năjewŏŏlĕhtoolnea tan ehyoolteemŭk.
3Ha lĭhayan ha năjewŏŏlĕhtoolĕk’w ehyoolteemŭk, ăpchŭch ’npŭkŭche ha tŭlewĭhkwĕhlŭlpach’ ’nhŭkĕk, wĕlamân tan āe kelooow’ na k’teoolte’nea.
4Ha kŭjejetoote’nea tan ālehae, ha neaga kŭjejetoote’nea owht.
5Tooma ootĭhal: Nsakŭmâm, skat ’nkŭjejetoonā’wĭn’ ālehayĭn, ha tan n’tŭle‐kesĭkchĭje’toonān’ owht?
6Sāsoos ootĭhal: Nel net owht, ha neaga wĕlămāwa’gŭnĭ, ha pĕmowsooa’gŭnĭ. Skat wĕn oopŭkŭcheha’oonŭl N’mĭhtakwsŭl skat ooche‐pŭkŭcheha’kw nel ’nhŭkĕk.
7K’checheyĕkwsŭpŭn nel, k’cheche‐hawŏpŭna ’Nmĭhtakws. Ha tŭkāch’ wĕjĕhtagā mŭk kŭjejehawŏ Nāgŭm, ha kese nŭmehawŏ.
8Pelĭp ootĭhal, N’sakŭmam, mooskātooenĕh K’mĭhtakws, ha netŭch keaskwe neeloon.
9Sasoos ootĭhal: Kes kwānewejā‐oolĕkw, Pelĭp, ha mĕskw māch kŭjejĭhu? Tan kese nŭmĭhĭt neel ookese‐nŭmĭhal ’Nmĭhtakwsŭl. Ha kĕkwsā’ wĕje‐eetŭmŭn, Mooskātooenĕh k’mĭhtakws?
10Skat ea’ koolămsŭtŭmooŭn nel ’nteĭn ’Nmĭhtakws oohŭkĕk? ha neaga ’Nmĭhtakws ëu nel ’nhŭkĕk? Kŭlooswa’gŭnŭl tanĭl yŏŏhoolāgwĭl skat nooche‐etŭmoo’nŭl nel ’nhŭkĕk; kānookŭloo ’Nmĭhtakws tan mĕjemehëĭt ’nhŭkĕk, Nāgŭm ootŭlookanŭl lookāwa’gŭnŭl.
11Wŏŏlămsŭtooĭkw nel ’nte ’Nmĭhtakws oohŭkĕk, ha neaga ’Nmĭhtakws ëu nel ’nkŭkĕk, kŭsŭna ooche‐wŏŏlăm‐sŭtŭmookw lookāwagŭn ĭkŏŏk.
12Ulĭhĕ’ ŭlĭhĕ, yŏŏhoolĕkw’ Tan wĕlămsŭtŭk ’nhŭkĕk lookāwagŭnŭl tanĭl nel ĕlookeanĭl nāgŭmchŭna ootŭlookanul: ha peāmkĭkwŭnoo’lch lookāwa’gŭnŭl ĕlātagājĭl, eebŭchŭl ’ntŭlĭh’ ’Nmĭh’takwsŭk’.
13Ha tan kĕkwsā’ wĕje‐wekoo’dŭmĕkw nel noowesoo’ŭnŭk, net ’ntŭlātaga’nch; wĕlamân ’Nmĭhtakws ookeche‐tŭme‐tŭhamkoosĭn Ookwŏŏsŭl oohŭkĕk.
14Wehkoodŭmĕkw kĕkwsā’ nooesoonŭk, ’ntŭlātaga’nch.
15Moosaleā’kw, sâktŭmook ’ntŭlgetŭmooa’gŭnŭl.
16Ha nelŭch n’kwelootŭmooŏn ’Nmĭhtakws, ha k’mĭlkooneach’ kŭtŭk Noojewŏŏlĕh’looĕt, ha Nāgŭm wejāagoowŏhch’ mājemeu’.
17Nŭt oolămāwagŭnā’ ’Mchŭcha’kw, tan ooskĭt’kŭmĭkw skat kese wekwĕhlakwĭl; eebŭchŭl skat oonŭmehoweŭl kŭsŭna skat oonŭnooow’eŭl. Kānookŭloo kelooow’ k’nŭnooawŏ; eebŭchŭl wejāagoo’ŏ, ha eooch’ ŭkhŭkāwŏk.
18Skatŭch k’nŭkŭlŭloopa ŭksāsŭme‐kebŭswŏŏl‐te’nea. Aoolteyĕkw ŭkpĕtĕhkoolpach’.
19Net ’mchŭsŭl makeāwŏŏs ooskĭt’kŭmĭkw skatŭch nŭmehoogoo’ŭn: kānookŭloo kelooow’ k’nŭmeheeba; eebŭchŭl nel n’pŭmŏws’, kelooow’na koojepŭmowsoolte’nea.
20Net kesoo’ken kŭjejetoonea’ch nel ’nteĭn ’Nmĭhtakws oohŭkĕk, ha neaga kelooow’ ŭkteoolte’nea nel ’nhŭkĕk; ha neaga nel ’nteĭn kelooow’ ŭkhŭkāwŏk.
21Tan āĭt’ ntŭlgetŭmooa’gŭnŭl, ha oosaktŭm’ŭnŭl, nāgŭm nŭt ’nkŭsĕlmŭkw; ha nāgŭm tan kĕsĕlmĭt, oochĭksĕlŭmooksooch ’Nmĭhtakwsŭk; ha nelŭchŭna ’nkŭsĕlma nāgŭm; ha ’ntŭle nĕsooĕhlŭsŭch oohŭkĕk.
22Sooda ootĭhal, (skat Sooda Iskaleot), ’Nsakŭma’mŭn, tanŭch ŭktŭle‐kese‐mĕsooĕhlŭsĭnch ’nhŭkānook, ha yaga skat k’mĕsooĕhlŭseewŭn ooskĭtkŭmĭkw?
23Sāsoos asedāmat, ha ootĭhal: Wĕn mŏŏsâlĭt’, ’nkŭlooswa’gŭnŭl oosaktŭmŭnŭlch, ha ’Nmĭhtakws ookŭsĕlmal’ch: ha ’npĕhtĕhkooanŭch tan āĭt, ha ’nwejāow‐tooltenānŭch.
24Tan skat mŏŏhsalĭkw, nāgum skat oosaktŭmoonŭl ’nkŭlooswa’gŭnŭl. Ha kŭlooswagŭn tan nootŭmĕk’w skat nel n’kŭlooswagŭn net, kānookŭloo ’Nmĭhtakws ookŭlooswagŭn net, Tan pĕtŭkemĭtpŭn.
25Yootŭl kŭlooswa’gŭnŭl yŭhoolāgwĭl kwĕne‐wejāoolĕkw.
26Kānook Noojewŏŏlĕhlooĕt’ kĕsŭsāĭt ’Mchŭchakw, Wĕje‐oolenewĕskwĭt, tanĭl N’mĭhtakws ootŭlgemâl’ch nooesooŭnŭk Nāgŭmch ’knŭka‐kĕhkĭm‐koonea’lch ’mseu kĕkwsăl, ha kesātagooneach k’mĭkwedŭhadŭmŭnea m’seu kekwsăl tanĭl nel kese‐yŏŏhoolĕkwpŭnĭl.
27Wŏntŭkāooagŭn nŭgŭt’ŭmŭn ŭkhŭkāwŏk. N’wŏntŭkāooagŭn kŭmĭlŭn’ea. Skat ŭktŭlemeloone’a stŭkā’ ooskĭtkŭmĭkw ĕleme’loowĕk’. Moo sak sĕspādŭha’sooĭch k’mŭshoonooŏl’, kŭsŭna moo sak sĕksooĭch!
28K’noodŭmŭneapŭn yŏŏhoolĕkwpŭn ’nmachŭha ha ăpchŭch ŭkpĕtĕkoolpa tan āoolteĕkw. Moosaleĕk’w kooledŭhasooltebap’, eebŭchŭl ’nteetŭmoopŭn ’ntŭlĭh ’Nmĭhtakwsŭk, eebŭchŭl ’Nmĭhtakws peĕmkĭl skatŭk nel.
29Net tŭkā’ch kese‐yŏŏhoolĕkwpŭn mĕskw skat tĕbŭnaskooehanŏŏk, wĕlamân toocheu’ tĕbŭnaskooehâk’ koolâmsŭtŭmŭnea’ch.
30Skat agwŏmk tŭlemuskooĭmloopa, eebŭchŭl ooskĭt’kŭmĭkw ookĭnchāmŭs’ŭmŭl chkoowĭh’eyŭl, ha nel ’nhŭkĕk skatama kĕkw ooteheewŭn.
31Kānookŭloo wĕlaman ooskĭt’kŭmĭkw ookŭjejĭhtoon ’nmoosalan ’Nmĭhtakws, ha neaga tan ’Nmĭhtakws ĕlĭtploo’mĭt, net ĕlātaagĭ. Oonagĕsooltĭkw’! majeabasenech!
Dewis Presennol:
Wĭkheegŭn 14: PQM1870
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
First published by the British and Foreign Bible Society in 1870.