PALABURU 15
15
Pojanji i mPue Ala pai Burahima
15:1-21
1Ungka lairia, i Burahima marata pekita ndaya pai nadonge oni nganga i mPue mompau ri siʼa ndatoʼo, “Neʼe maeka Burahima, yaku da mangkantawi siko ungka ri karugi, pai da mawaika siko saromu anu bangke.”
2-3Paikanya natoʼo i Burahima, “Pue Ala Anu Ndate ri Peawanya. komi Pue bareʼe mawaika yaku ana. Tau anu da mampotumpu panta ungka ri yaku podo anamayunuku i Eliese anu ungka ri Damasi setu. Mewali nunjaamo yowenya da ndiwaika yaku saroku anu bangke?”
4Nepa nadonge woʼu i Burahima i Pue mompau ri siʼa ndatoʼo, “Banya anamayunumu anu da mampotumpu panta ungka ri siko, paikanya anamu ngkaliomu anu tuama.” 5#Rom. 4:18, Ib. 11:12 Ndapoyunu i mPue i Burahima ri sambalikunya nepa ndatoʼoka siʼa, “Petingaramo ri yangi, koisa peimba waʼa betuʼe; siko da mampotumpu mulimu ewa kasondo betuʼe setu.”
6 #
Rom. 4:3, Gal. 3:6, Yak. 2:23 Naaya i Burahima i mPue, inceʼe painaka ndatarima i mPue siʼa ewa sambaʼa tau anu mampakawongko rayaa.
7Nepa ndatoʼo woʼu i mPue ri siʼa, “Yakumo Pue anu mawawanakamo siko mesuwu ungka ri tana Uri ri Babeli, da mangawaika siko tana seʼi da nupotumpu.”
8Paikanya meoasi i Burahima natoʼo, “Boo, Pue Ala Anu Ndate ri Peawanya, ewambeʼi da kupangaincani tana seʼi yaku da mampotumpu?”
9Ndatoʼo i mPue, “Tima kaku sambaʼa japi tina, sambaʼa mbula tina pai sambaʼa mbula laki, sambaʼa-sambaʼa seʼe tinuwu tatogo ntaʼu, pai sambaʼa woʼu tonci tokuku pai sambaʼa tonci putiʼa.”
10Nepa natima i Burahima waʼa mpinatuwu tila i mPue Ala. Japi, mbula pai bimba setu pura-pura nabira radua, nepa nadede radua njaya napapombesuara. Paikanya waʼa ntonci setu bareʼe nabira. 11Waʼa sanga mpinatuwu setu napetopa waʼa ntonci anu topekoni anu mate, paikanya narumba i Burahima.
12 #
Ayu. 4:13, 14 Butu da soyomo reme, tekayoremo i Burahima lintu kojo kayorenya. Tingkarasaka siʼa napesalimbowoki eka ndaya anu maʼai kojo. 13#Pa. 1:1-14, Pwn. 7:6 Ndatoʼo i mPue ri siʼa, “Neʼe nukalingani, waʼa mulimu da mewali tau mencua ri tana ntau ntaninya; tau seʼe da mewali watua njairia pai da naparini ri raya anu aopo atu ntaʼu kasaenya. 14#Pa. 12:40-41, Pwn. 7:7 Paikanya banca anu mampowatua waʼa mulimu setu da kuhuku, pai ri tempo da palai waʼa mulimu ungka ri tana setu, tau seʼe da mangkeni aga-aga anu sondo. 15Siko ngkaliomu da marate tinuwumu; siko da mate ri karodo ndaya, nepa da ndadayo. 16Kagananya aopo lapi mulimu, waʼa makumpumu da mewalili ireʼi, pai yaku bareʼepa da mangairi to Amori ri kabareʼe gana kaʼai ngkajaʼa ntau seʼe anu sintinaja da ndahukuka tau seʼe.”
17Butu mawengimo, tingkarasaka setu sambaʼa reka apu anu mopani pai obori anu mareka-reka, nepa moliu ri oyo waʼa ncanga mpinatuwu anu ndabatu setu. 18#Pwn. 7:5 Ri tempo setu seʼe i Pue mampareʼe pojanji pai Burahima. Ndatoʼo i mPue, “Yaku mojanji da mangawaika mulimu juku-juku tana seʼi, montepuʼu ungka ri tida ntana Masiri rata ri Koro Eparata, 19tesua woʼu tana nto Keni, Kenasi, Kadimoni, 20Heti, Perisi, Repai, 21Amori, Kanaʼa, Girigasi pai Yebusi.”
Dewis Presennol:
PALABURU 15: LAIPMF
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda