Yohani 21
21
Pa'araw to Tireng i Papitoay a Nisawawaan
1Nanoya, miliyaw haca ci Yis a pa'araw to tireng i nisawawaan Ningra itira i Tipiriyas hananay a fanaw. O dmak Ningra a pa'araw itiya i, 2ira ci Simon Pitiro aci Tomas oya ci 'Api hananay aci Natanail no Kana no Kalili atoya tatosaay a wawa ni Cipitay ato roma a tatosa a nisawawaan ni Yis a masa'opo. 3Pasowal ci Simon Pitiro i cangraan, <<Tayra kako a mifoting,>> han ningra.
Sowal sa cangra, <<Mihaklong kami i tisowanan,>> han nangra. Saka, lowad sato cangra a midakaw to tamina. Nikawrira, awaay ko maalaay nangra to maan aca toya dadaya. 4Yo masadak ko cidal to dafak i, ira ci Yis a tomireng i lawac no fanaw. Nikawrira, caay ka fana' ko nisawawaan to nika ci Yis korira. 5Pasowal sa ci Yis i cangraan, <<Idangaw, ira ko maalaay namo a foting haw?>> han Ningra.
<<Awaay,>> han nangra.
6Pasowal sa ci Yis i cangraan, <<Tfaden i kawanan no tamina ko salil namo. Ta ira ko maalaay namo,>> han Ningra. Saka, tfad hanto nangra ko salil i, saadihay sa ko foting. Saka, caayto ka filo nangra a mitaroh.
7Pasowal sa ci Pitiroan koya kaolahan ni Yis a nisawawaan, <<O Tapang,>> han ningra. Matngil ni Simon Pitiro ko sowal to Tapang sanay i, ca'lay han ningra ko kafafang i tatirengan ningra. (Nawhani o mawacayay cingra itiya.) Ta kfoh sato i fanaw. 8Pakatamina ko romaroma a nisawawaan a mitaroh toya matomesay to foting a salil a talahkal. Nawhani caay piraay cangra to hkal, ma^deng lima a polo' a laya' ko piraay nangra to hkal. 9Yo masadak cangra i hkal i, ma'araw nangra ko malikatay a 'afel ato matliay itira a nitodohan a foting ato ^pang. 10Pasowal sa ci Yis i cangraan, <<Pataynien ko pinapina a foting to maalaay namo i honi,>> han Ningra.
11Cakat sa i tamina ci Simon Pitiro a mitaroh to salil a patalahkal. Matomes no smo'ot lima a polo' ira ko tolo (153) a tata'angay a foting konini. Talacowa hatira ko nika adihay no foting, nikawrira, caay ka cicih koya salil. 12Pasowal sa ci Yis, <<Ati. Maranam to kita,>> han Ningra. Mafana' ko nisawawaan to nika o Tapang Cingra saka, cima Kiso, awaay ko sanay a pakaeses a milicay. 13Raod sato ci Yis a miala to ^pang a pafli i cangraan. Haenen Ningra ko foting.
14I ikor no nika lomowad ni Yis a ma'orip nai patay i, o sakinatolo Ningra konini a pa'araw to tireng i nisawawaan.
Ci Yis aci Pitiro
15Mahrek sato cangra a maranam i, sowal sa ci Yis ci Simon Pitiroan, <<Wawa ni Yohani Simonaw, ikaka no nika olah nonini a tamdamdaw i Takowanan ko nika olah iso i Takowanan haw?>> han Ningra.
Paca'of sa ci Pitiro, <<Hai, Tapang, mafana' Kiso to nika olah ako i Tisowanan,>> han ningra.
Sowal sa ci Yis, <<Pakaenen ko tofor a siri Ako,>> han Ningra. 16Pasowal haca ci Yis, <<Wawa ni Yohani Simonaw, maolah kiso i Takowanan haw?>> han Ningra.
Paca'of sa ci Pitiro, <<Hai, Tapang, mafana' Kiso to nika olah ako i Tisowanan,>> han ningra.
Pasowal sa ci Yis, <<Dipoten ko siri Ako,>> han Ningra. 17Licayen haca ni Yis ci Pitiro to sakinatolo, <<Wawa ni Yohani Simonaw, maolah kiso i Takowanan haw?>> han Ningra.
Tona kinatolo a milicay ci Yis to Maolah kiso i Takowanan haw sanay, saka, rarom sato ko faloco' ni Pitiro. Sowal sa ci Yisan, <<Tapangaw, mafana' Kiso to maamaan. Saka, mafana'ay Kiso to nika olah ako i Tisowanan,>> han ningra.
Pasowal sa ci Yis, <<Pakaenen ko siri Ako. 18So'linen Ako a somowal kiso, yo o kapahho kiso i, kiso ko mifakeday to tatlecan iso a mitoor to niharatengan iso a talacowacowa. Nikawrira, ano mato'asto kiso i, o mamilaya' kiso to kamay. Ta paliten no tao kiso a patayra i caay ko kangalayan iso a katayraan,>> han Ningra. (19O sakasaan ni Yis a somowal tonini i, o nipipatalahkal Ningra to nika o mamasamaan ko patay ni Pitiro ta mapahmek ko Kawas.) Ta sowal sato ci Yis ci Pitiroan, <<Pitoor i Takowanan!>> han Ningra.
Ci Yis ato Romaroma a Nisawawaan
20Sikol sa ci Pitiro a minengneng i, ma'araw ningra ko nipitoor noya ccay a kaolahan ni Yis a nisawawaan. (Onini a tamdaw koya micopaay ci Yisan i pitahkaan a milicay toya, <<Tapangaw, cima ko papacakay Tisowanan saw?>> sanay.) 21Minengneng ci Pitiro cingraan i, sowal sa i ci Yisan, <<Tapangaw, o mamasamaan ko 'orip nonini a tamdaw saw?>> han ningra.
22Paca'of sa ci Yis, <<Ano o nafaloco'an Ako ko sakakakaya' no 'orip ningra tangasa i piliyawan Ako a tayni i, o maan ko kakiharen iso tonini saw? Pitoor kiso i Takowanan!>> han Ningra.
23<<Caay ko mamapatay konini a nisawawaan,>> saan ko sowal a matnak i salikaka. Nikawrira, o nika somowal ni Yis ci Pitiroan i, <<Caay ko mamapatay konini a tamdaw,>> caay ko nika saan Ningra. <<Ano o nafaloco'an Ako ko sakakakaya' no 'orip ningra tangasa i piliyawan Ako a tayni i, o maan ko kakiharen iso tonini saw?>> o sanay Ningra.
24Onini a nisawawaan ko pawacayay tonini a dmak. Onini a nisawawaan ko mitiliday tonini. Mafana' kita to nika o so'linay ko nipipawacay ningra.
O Sapatloc a Sowal
25Adihayho ko romaroma a nidmakan ni Yis. Ano haccaccayen a mitilid i, caay ko mama^deng a tlien i tini i hkal ko nitilidan a cudad saan ko harateng ako.
Dewis Presennol:
Yohani 21: AMIS2019
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
© The Bible Society in Taiwan, 2019