Numeri 3
3
1 Meibion Aaron. 5 Rhoddi y Lefiaid i’r offeiriaid, er mwyn gwasanaeth y babell, 11 yn lle y cyntaf‐anedig. 14 Rhifo y Lefiaid wrth eu teuluoedd. 21 Teuluoedd, rhifedi, a swydd y Gersoniaid, 27 y Cohathiaid, 33 y Merariaid. 38 Lle a swydd Moses ac Aaron. 40 Bod y cyntaf‐anedig yn rhydd oddi wrth y Lefiaid. 44 Prynu y rhai oedd dros ben.
1A dyma genedlaethau Aaron a Moses, ar y dydd y llefarodd yr Arglwydd wrth Moses ym mynydd Sinai. 2Dyma enwau meibion Aaron: Nadab y #Exod 6:23cyntaf‐anedig, ac Abihu, Eleasar, ac Ithamar. 3Dyma enwau meibion Aaron, yr offeiriaid eneiniog, y rhai a #3:3 Heb. lanwodd eu llaw.gysegrodd efe i offeiriadu. 4A #Lef 10:1; Pen 26:61; 1 Cron 24:2marw a wnaeth Nadab ac Abihu gerbron yr Arglwydd, pan offrymasant dân dieithr gerbron yr Arglwydd, yn anialwch Sinai; a meibion nid oedd iddynt: ac offeiriadodd Eleasar ac Ithamar yng ngŵydd Aaron eu tad.
5A’r Arglwydd a lefarodd wrth Moses, gan ddywedyd, 6Nesâ lwyth Lefi, a gwna iddo sefyll gerbron Aaron yr offeiriad, fel y gwasanaethont ef. 7A hwy a gadwant ei gadwraeth ef, a chadwraeth yr holl gynulleidfa, o flaen pabell y cyfarfod, i wneuthur #Edrych Pen 1:50gwasanaeth y tabernacl. 8A chadwant holl ddodrefn pabell y cyfarfod, a chadwraeth meibion Israel, i wasanaethu gwasanaeth y tabernacl. 9A #Pen 8:19thi a roddi’r Lefiaid i Aaron, ac i’w feibion: y rhai hyn sydd wedi eu rhoddi yn rhodd iddo ef o feibion Israel. 10Ac urdda di Aaron a’i feibion i gadw eu hoffeiriadaeth: #Pen 3:38; Pen 16:40a’r dieithrddyn a ddelo yn agos, a roddir i farw.
11Llefarodd yr Arglwydd hefyd wrth Moses, gan ddywedyd, 12Ac wele, #Pen 8:16; 18:6mi a gymerais y Lefiaid o blith meibion Israel, yn lle pob cyntaf‐anedig sef pob cyntaf a agoro’r groth o feibion Israel; am hynny y Lefiaid a fyddant eiddof fi: 13#Exod 13:2; Lef 27:26; Pen 8:16 Luc 2:23Canys eiddof fi yw pob cyntaf‐anedig #Exod 13:12, 15Ar y dydd y trewais y cyntaf‐anedig yn nhir yr Aifft, cysegrais i mi fy hun bob cyntaf‐anedig yn Israel o ddyn ac anifail: eiddof fi ydynt: myfi yw yr Arglwydd.
14Yr Arglwydd hefyd a lefarodd wrth Moses yn anialwch Sinai, gan ddywedyd 15Cyfrif feibion Lefi yn ôl tŷ eu tadau, trwy eu teuluoedd: cyfrif hwynt, bob gwryw, o fab #3:15 Neu, mis oed.misyriad ac uchod. 16A Moses a’u cyfrifodd hwynt wrth #3:16 Heb. enau.air yr Arglwydd, fel y gorchmynasid iddo. 17#Gen 46:11; Exod 6:16; Pen 26:57; 1 Cron 6:1; 23:6A’r rhai hyn oedd feibion Lefi wrth eu henwau; Gerson, a Cohath, a Merari. 18A dyma enwau meibion Gerson, yn ôl eu teuluoedd; Libni a Simei. 19A meibion Cohath, yn ôl eu teuluoedd; Amram, Ishar, Hebron, ac Ussiel. 20A meibion Merari, yn ôl eu teuluoedd; Mahli a Musi. Dyma deuluoedd Lefi, wrth dŷ eu tadau. 21O Gerson y daeth tylwyth y Libniaid, a thylwyth y Simiaid: dyma deuluoedd y Gersoniaid. 22Eu rhifedigion hwynt, dan rif pob gwryw o fab misyriad ac uchod, eu rhifedigion, meddaf, oedd saith mil a phum cant. 23Teuluoedd y Gersoniaid a wersyllant ar y tu ôl i’r tabernacl tua’r gorllewin. 24A phennaeth tŷ tad y Gersoniaid fydd Eliasaff mab Lael. 25A #Pen 4:24chadwraeth meibion Gerson, ym mhabell y cyfarfod, fydd #Exod 25:9y tabernacl, a’r #Exod 26:1babell, #Exod 26:7, 14ei tho hefyd, a #Exod 26:36chaeadlen drws pabell y cyfarfod, 26A #Exod 27:9llenni’r cynteddfa, a #Exod 27:16chaeadlen drws y cynteddfa, yr hwn sydd ynghylch y tabernacl, a’r allor o amgylch, #Exod 35:18a’i rhaffau i’w holl wasanaeth.
27Ac o Cohath y daeth tylwyth yr Amramiaid, a thylwyth yr Ishariaid, a thylwyth yr Hebroniaid, a thylwyth yr Ussieliaid: dyma dylwyth y Cohathiaid. 28Rhifedi yr holl wrywiaid, o fab misyriad ac uchod, oedd wyth mil a chwe chant, yn cadw cadwraeth y cysegr. 29Teuluoedd meibion Cohath a wersyllant ar ystlys y tabernacl tua’r deau. 30A phennaeth tŷ tad tylwyth y Cohathiaid fydd Elisaffan mab Ussiel. 31A’u #Pen 4:4, 15cadwraeth hwynt fydd #Exod 25:10yr arch, a’r #Exod 25:23bwrdd, a’r #Exod 25:31canhwyllbren, a’r #Exod 27:1; 30:1allorau, a llestri’r cysegr, y rhai y gwasanaethant â hwynt, a’r #Exod 26:31gaeadlen, a’i holl wasanaeth. 32A phennaf ar benaethiaid y Lefiaid fydd Eleasar mab Aaron yr offeiriad; a llywodraeth ar geidwaid cadwraeth y cysegr fydd iddo ef.
33O Merari y daeth tylwyth y Mahliaid, a thylwyth y Musiaid: dyma dylwyth Merari. 34A’u rhifedigion hwynt, wrth gyfrif pob gwryw, o fab misyriad ac uchod, oedd chwe mil a deucant. 35A phennaeth tŷ tad tylwyth Merari fydd Suriel mab Abihael. Ar ystlys y tabernacl y gwersyllant tua’r gogledd. 36Ac #Pen 4:31#3:36 Neu, yn swydd cadwraeth.yng nghadwraeth meibion Merari y bydd ystyllod y tabernacl, a’i drosolion, a’i golofnau, a’i forteisiau, a’i holl offer, a’i holl wasanaeth, 37A cholofnau’r cynteddfa o amgylch, a’u morteisiau, a’u hoelion, a’u rhaffau.
38A’r rhai a wersyllant o flaen y tabernacl tua’r dwyrain, o flaen pabell y cyfarfod tua chodiad haul, fydd Moses, ac Aaron a’i feibion, y rhai a gadwant gadwraeth y cysegr, a chadwraeth meibion Israel: a’r #ad. 10dieithr a ddelo yn agos, a roddir i farwolaeth. 39#Edrych Pen 26:62Holl rifedigion y Lefiaid, y rhai a rifodd Moses ac Aaron, yn ôl gair yr Arglwydd, trwy eu teuluoedd, sef pob gwryw o fab misyriad ac uchod, oedd ddwy fil ar hugain.
40A dywedodd yr Arglwydd wrth Moses, Cyfrif bob cyntaf‐anedig gwryw o feibion Israel, o fab misyriad ac uchod, a chymer rifedi eu henwau hwynt. 41A chymer y Lefiaid i mi, (myfi yw yr Arglwydd,) yn lle holl gyntaf‐anedig meibion Israel, ac anifeiliaid y Lefiaid yn lle pob cyntaf‐anedig o anifeiliaid meibion Israel. 42A Moses a rifodd, megis y gorchmynnodd yr Arglwydd iddo, bob cyntaf‐anedig o feibion Israel. 43A’r rhai cyntaf‐anedig oll, o rai gwryw, dan rif eu henwau, o fab misyriad ac uchod, o’u rhifedigion hwynt, oedd ddwy fil ar hugain a dau cant a thri ar ddeg a thrigain.
44A llefarodd yr Arglwydd wrth Moses gan ddywedyd, 45Cymer y Lefiaid yn lle pob cyntaf‐anedig o feibion Israel, ac anifeiliaid y Lefiaid yn lle eu hanifeiliaid hwynt; a bydded y Lefiaid i mi: myfi yw yr Arglwydd. 46Ac am y rhai sydd i’w prynu o’r tri ar ddeg a thrigain a deucant, o gyntaf‐anedig meibion Israel, y rhai sydd dros ben y Lefiaid; 47Cymer bum sicl am bob pen; yn ôl sicl y cysegr y cymeri. #Exod 30:13; Lef 27:25; Pen 18:16; Esec 45:12Ugain gera fydd y sicl. 48A dod yr arian, gwerth y rhai sydd yn ychwaneg ohonynt, i Aaron ac i’w feibion. 49A chymerodd Moses arian y prynedigaeth, y rhai oedd dros ben y rhai a brynwyd am y Lefiaid: 50Gan gyntaf‐anedig meibion Israel y cymerodd efe yr arian; pump a thrigain a thri chant a mil, o siclau y cysegr. 51A Moses a roddodd arian y prynedigion i Aaron ac i’w feibion, yn ôl gair yr Arglwydd, megis y gorchmynasai yr Arglwydd i Moses.
Dewis Presennol:
Numeri 3: BWM1955C
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Adolygiad Parry/Davies o Feibl William Morgan gyda chroesgyfeiriadau © 1955 Cymdeithas y Beibl Prydeinig a Thramor
The Parry/Davies revision of the William Morgan Bible with cross-references © 1955 British and Foreign Bible Society