Genesis 30
30
1 Rahel, gan fod yn ddicllon nad oedd yn planta, yn rhoddi Bilha ei llawforwyn i Jacob. 5 Hithau yn dwyn Dan a Nafftali. 9 Lea yn rhoddi Silpa ei llawforwyn, yr hon a ymddûg Gad ac Aser. 14 Reuben yn cael mandragorau, am y rhai y mae Lea yn prynu ei gŵr gan Rahel. 17 Lea yn dwyn Issachar, Sabulon, a Dina. 22 Rahel yn dwyn Joseff. 25 Jacob yn deisyfu cael myned ymaith. 27 Laban yn ei atal ef ar gyfamod newydd. 37 Dyfais Jacob, trwy yr hon yr ymgyfoethogodd efe.
1Pan welodd Rahel na phlantasai hithau i Jacob, yna Rahel a genfigennodd wrth ei chwaer, ac a ddywedodd wrth Jacob, Moes feibion i mi; ac onid e mi a fyddaf farw. 2A chyneuodd llid Jacob wrth Rahel; ac efe a ddywedodd, Ai myfi sydd yn lle Duw, yr hwn a ataliodd ffrwyth y groth oddi wrthyt ti? 3A dywedodd hithau, #Edrych Pen 16:2Wele fy llawforwyn Bilha, dos i mewn ati hi; a hi a blanta ar fy ngliniau i, fel #30:3 Heb. yr adeilader fi ganddi hi.y caffer plant i minnau hefyd ohoni hi. 4A hi a roddes ei llawforwyn Bilha iddo ef #Pen 35:22yn wraig, a Jacob a aeth i mewn ati. 5A Bilha a feichiogodd, ac a ymddûg fab i Jacob. 6A Rahel a ddywedodd, Duw a’m barnodd i, ac a wrandawodd hefyd ar fy llais, ac a roddodd i mi fab: am hynny hi a alwodd ei enw ef #30:6 Sef, Barnu.Dan. 7Hefyd Bilha, llawforwyn Rahel, a feichiogodd eilwaith, ac a ymddûg yr ail fab i Jacob. 8A Rahel a ddywedodd, Ymdrechais ymdrechiadau #30:8 Heb. Duw.gorchestol â’m chwaer, a gorchfygais: a hi a alwodd ei enw ef #30:8 Sef, Fy ymdrech.#Mat 4:13 NephthalimNafftali. 9Pan welodd Lea beidio ohoni â phlanta, hi a gymerth ei llawforwyn Silpa, ac a’i rhoddes hi yn wraig i Jacob. 10A Silpa, llawforwyn Lea, a ymddûg fab i Jacob. 11A Lea a ddywedodd, Y mae tyrfa yn dyfod: a hi a alwodd ei enw ef #30:11 Sef, Bagad.Gad. 12A Silpa, llawforwyn Lea, a ymddûg yr ail fab i Jacob. 13A Lea a ddywedodd, Yr ydwyf yn ddedwydd; oblegid merched a’m galwant yn ddedwydd: a hi a alwodd ei enw ef #30:13 Sef, Dedwydd.Aser.
14Reuben hefyd a aeth yn nyddiau cynhaeaf gwenith, ac a gafodd fandragorau yn y maes, ac a’u dug hwynt at Lea ei fam: yna Rahel a ddywedodd wrth Lea, Dyro, atolwg, i mi o fandragorau dy fab. 15Hithau a ddywedodd wrthi, Ai bychan yw dwyn ohonot fy ngŵr? a fynnit ti hefyd ddwyn mandragorau fy mab? A Rahel a ddywedodd, Cysged gan hynny gyda thi heno am fandragorau dy fab. 16A Jacob a ddaeth o’r maes yn yr hwyr; a Lea a aeth allan i’w gyfarfod ef, ac a ddywedodd, Ataf fi y deui: oblegid gan brynu y’th brynais am fandragorau fy mab. Ac efe a gysgodd gyda hi y nos honno. 17A Duw a wrandawodd ar Lea a hi a feichiogodd, ac a ymddûg y pumed mab i Jacob. 18A Lea a ddywedodd, Rhoddodd Duw fy ngwobr i mi, oherwydd rhoddi ohonof fi fy llawforwyn i’m gŵr: a hi a alwodd ei enw ef #30:18 Sef, Gwobr.Issachar. 19Lea hefyd a feichiogodd eto, ac a ymddûg y chweched mab i Jacob. 20A Lea a ddywedodd, Cynysgaeddodd Duw fyfi â chynhysgaeth dda; fy ngŵr a drig weithian gyda mi, oblegid chwech o feibion a ymddygais iddo ef: a hi a alwodd ei enw ef #30:20 Sef, Trigfa.Sabulon. 21Ac wedi hynny hi a esgorodd ar ferch, ac a alwodd ei henw hi #30:21 Sef, Barn.Dina.
22A Duw a gofiodd Rahel, a Duw a wrandawodd arni, ac a agorodd ei chroth hi. 23A hi a feichiogodd, ac a esgorodd ar fab, ac a ddywedodd, Duw a dynnodd #1 Sam 1:6; Esa 4:1; Luc 1:25fy ngwarthrudd ymaith. 24A hi a alwodd ei enw ef #30:24 Sef, Ychwaneg.Joseff, gan ddywedyd, #Pen 35:17Yr Arglwydd a ddyry yn ychwaneg i mi fab arall.
25A bu, wedi esgor o Rahel ar Joseff, ddywedyd o Jacob wrth Laban, Gollwng fi ymaith, fel yr elwyf i’m bro, ac i’m gwlad fy hun. 26Dyro fy ngwragedd i mi, a’m plant, y rhai y gwasanaethais amdanynt gyda thi, fel yr elwyf ymaith: oblegid ti a wyddost fy ngwasanaeth a wneuthum i ti. 27A Laban a ddywedodd wrtho, Os cefais ffafr yn dy olwg, na syfl: #Pen 39:5da y gwn i’r Arglwydd fy mendithio i o’th blegid di. 28Hefyd efe a ddywedodd, Dogna dy gyflog arnaf, a mi a’i rhoddaf. 29Yntau a ddywedodd wrtho, Ti a wyddost pa ddelw y gwasanaethais dydi; a pha fodd y bu dy anifeiliaid di gyda myfi. 30Oblegid ychydig oedd yr hyn ydoedd gennyt ti cyn fy nyfod i, ond yn lluosowgrwydd #30:30 Heb. torrodd allan.y cynyddodd; oherwydd yr Arglwydd a’th fendithiodd di #30:30 Heb. wrth fy nhroed i.er pan ddeuthum i: bellach gan hynny pa bryd y darparaf hefyd i’m tŷ fy hun? 31Dywedodd yntau, Pa beth a roddaf i ti? A Jacob a atebodd, Ni roddi i mi ddim; os gwnei i mi y peth hyn, bugeiliaf a chadwaf dy braidd di drachefn. 32Tramwyaf trwy dy holl braidd di heddiw, gan neilltuo oddi yno bob llwdn mân‐frith a mawr‐frith, a phob llwdn cochddu ymhlith y defaid; y mawr‐frith hefyd a’r mân‐frith ymhlith y geifr: ac o’r rhai hynny y bydd fy nghyflog. 33A’m cyfiawnder a dystiolaetha gyda mi #30:33 Heb. y fory.o hyn allan, pan ddêl hynny yn gyflog i mi o flaen dy wyneb di: yr hyn oll ni byddo fân‐frith neu fawr‐frith ymhlith y geifr, neu gochddu ymhlith y defaid, lladrad a fydd hwnnw gyda myfi. 34A dywedodd Laban, Wele, O na byddai yn ôl dy air di! 35Ac yn y dydd hwnnw y neilltuodd efe y bychod cylch‐frithion a mawr‐frithion, a’r holl eifr mân‐frithion a mawr‐frithion, yr hyn oll yr oedd peth gwyn arno, a phob cochddu ymhlith y defaid, ac a’u rhoddes dan law ei feibion ei hun. 36Ac a osododd daith tri diwrnod rhyngddo ei hun a Jacob: a Jacob a borthodd y rhan arall o braidd Laban.
37A #Edrych Pen 31:9–12Jacob a gymerth iddo wiail gleision o boplys, a chyll, a ffawydd; ac a ddirisglodd ynddynt ddirisgliadau gwynion, gan ddatguddio’r gwyn yr hwn ydoedd yn y gwiail. 38Ac efe a osododd y gwiail y rhai a ddirisglasai efe, yn y cwterydd, o fewn y cafnau dyfroedd, lle y deuai’r praidd i yfed, ar gyfer y praidd: fel y cyfebrent pan ddelent hwy i yfed. 39A’r praidd a gyfebrasant wrth y gwiail; a’r praidd a ddug rai cylch‐frithion, a mân‐frithion, a mawr‐frithion. 40A Jacob a ddidolodd yr ŵyn, ac a osododd wynebau y praidd tuag at y cylch‐frithion, ac at bob cochddu ymhlith praidd Laban; ac a osododd ddiadellau iddo ei hun o’r neilltu, ac nid gyda phraidd Laban y gosododd hwynt. 41A phob amser y cyfebrai’r defaid cryfaf, Jacob a osodai’r gwiail o flaen y praidd yn y cwterydd, i gael ohonynt gyfebru wrth y gwiail; 42Ond pan fyddai’r praidd yn weiniaid, ni osodai efe ddim: felly y gwannaf oedd eiddo Laban, a’r cryfaf eiddo Jacob. 43A’r gŵr a gynyddodd yn dra rhagorol; ac yr ydoedd iddo ef braidd helaeth, a morynion, a gweision, a chamelod, ac asynnod.
Dewis Presennol:
Genesis 30: BWM1955C
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Adolygiad Parry/Davies o Feibl William Morgan gyda chroesgyfeiriadau © 1955 Cymdeithas y Beibl Prydeinig a Thramor
The Parry/Davies revision of the William Morgan Bible with cross-references © 1955 British and Foreign Bible Society