Actau’r Apostolion 17
17
A.D. 53. —
1 Paul yn pregethu yn Thessalonica, 4 lle y mae rhai yn credu, ac eraill yn ei erlid ef. 10 Ei anfon ef i Berea, ac yntau yn pregethu yno; 13 ac wedi ei erlid yn Thessalonica, 15 yn dyfod i Athen; ac yno yn ymresymu, ac yn pregethu iddynt hwy y Duw byw, yr hwn nid adwaenent: 34 ac wrth hynny nifer yn troi at Grist.
1Gwedi iddynt dramwy trwy Amffipolis ac Apolonia, hwy a ddaethant i Thesalonica, lle yr oedd synagog i’r Iddewon. 2A Phaul, yn ôl ei arfer, a aeth i mewn atynt, a thros dri Saboth a ymresymodd â hwynt allan o’r ysgrythurau, 3Gan egluro a dodi ger eu bronnau, #Luc 24:26, 46mai rhaid oedd i Grist ddioddef, a chyfodi oddi wrth y meirw; ac mai hwn yw’r Crist Iesu, yr hwn #17:3 eb efe, yr & c.yr wyf fi yn ei bregethu i chwi. 4#Pen 28:24A rhai ohonynt a gredasant, ac a ymwasgasant â Phaul a Silas, ac o’r Groegwyr crefyddol liaws mawr, ac o’r gwragedd pennaf nid ychydig.
5Eithr yr Iddewon y rhai oedd heb gredu, gan genfigennu, a gymerasant atynt ryw ddynion drwg o grwydriaid; ac wedi casglu tyrfa, hwy a wnaethant gyffro yn y ddinas, ac a osodasant ar dŷ Jason, ac a geisiasant eu dwyn hwynt allan at y bobl. 6A phan na chawsant hwynt, hwy a lusgasant Jason, a rhai o’r brodyr, at benaethiaid y ddinas, gan lefain, #Pen 16:20Y rhai sydd yn aflonyddu’r byd, y rhai hynny a ddaethant yma hefyd; 7Y rhai a dderbyniodd Jason: ac y mae’r rhai hyn oll yn gwneuthur yn erbyn ordeiniadau Cesar, #Luc 23:2; Ioan 19:12gan ddywedyd fod brenin arall, sef Iesu. 8A hwy a gyffroesant y dyrfa, a llywodraethwyr y ddinas hefyd, wrth glywed y pethau hyn. 9Ac wedi iddynt #17:9 dderbyn.gael #17:9 boddlonrwydd.sicrwydd gan Jason a’r lleill, hwy a’u gollyngasant hwynt ymaith.
10 #
Pen 9:25
A’r brodyr yn ebrwydd o hyd nos a anfonasant Paul a Silas i Berea: y rhai wedi eu dyfod yno, a aethant i synagog yr Iddewon. 11Y rhai hyn oedd foneddigeiddiach na’r rhai oedd yn Thesalonica, y rhai a dderbyniasant y gair gyda phob parodrwydd meddwl, #Esa 34:16; Luc 16:29; Ioan 5:39gan chwilio beunydd yr ysgrythurau, a oedd y pethau hyn felly. 12Felly llawer ohonynt a gredasant, ac o’r Groegesau parchedig, ac o wŷr, nid ychydig. 13A phan wybu’r Iddewon o Thesalonica fod gair Duw yn ei bregethu gan Paul yn Berea hefyd, hwy a ddaethant yno hefyd, gan gyffroi’r dyrfa. 14Ac yna yn ebrwydd y brodyr a anfonasant Paul ymaith, i fyned megis i’r môr: ond Silas a Thimotheus a arosasant yno. 15A chyfarwyddwyr Paul a’i dygasant ef hyd Athen; ac #Pen 18:5wedi derbyn gorchymyn at Silas a Thimotheus, ar iddynt ddyfod ato ar ffrwst, hwy a aethant ymaith.
16A thra ydoedd Paul yn aros amdanynt yn Athen, ei ysbryd a gynhyrfwyd ynddo, wrth weled y ddinas #17:16 yn llawn eilunod.wedi ymroi i eilunod. 17Oherwydd hynny yr ymresymodd efe yn y synagog â’r Iddewon, ac â’r rhai crefyddol, ac yn y farchnad beunydd â’r rhai a gyfarfyddent ag ef. 18A rhai o’r philosophyddion o’r Epicuriaid, ac o’r Stoiciaid, a ymddadleuasant ag ef; a rhai a ddywedasant, Beth a fynnai’r #17:18 heuwr geiriau.siaradwr hwn ei ddywedyd? a rhai, Tebyg yw ei fod ef yn mynegi duwiau dieithr: am ei fod yn pregethu’r Iesu, a’r atgyfodiad, iddynt. 19A hwy a’i daliasant ef, ac a’i dygasant i #17:19 Sef, Bryn Mawrth, neu, Mars.Areopagus, gan ddywedyd, A allwn ni gael gwybod beth yw’r ddysg newydd hon, a draethir gennyt? 20Oblegid yr wyt ti yn dwyn rhyw bethau dieithr i’n clustiau ni: am hynny ni a fynnem wybod beth a allai’r pethau hyn fod. 21(A’r holl Atheniaid, a’r dieithriaid y rhai oedd yn ymdeithio yno, nid oeddynt yn cymryd hamdden i ddim arall, ond i ddywedyd neu i glywed rhyw newydd.)
22Yna y safodd Paul yng nghanol #17:22 Neu, llys yr Areopagiaid.Areopagus, ac a ddywedodd, Ha wŷr Atheniaid, mi a’ch gwelaf chwi ym mhob peth yn dra choelgrefyddol: 23Canys wrth ddyfod heibio, ac edrych ar #17:23 Neu, eich duwiau a addolwch, 2 Thess 2:4 eich defosiynau, mi a gefais allor yn yr hon yr ysgrifenasid, I’R DUW NID ADWAENIR. Yr hwn gan hynny yr ydych chwi heb ei adnabod yn ei addoli, hwnnw yr wyf fi yn ei fynegi i chwi. 24#Pen 14:15Y Duw a wnaeth y byd, a phob peth sydd ynddo, gan ei fod yn Arglwydd nef a daear, #Pen 7:48nid yw yn trigo mewn temlau o waith dwylo: 25Ac nid â dwylo dynion y gwasanaethir ef, #Salm 50:8fel pe bai arno eisiau dim; #Gen 2:7gan ei fod ef yn rhoddi i bawb fywyd, ac anadl, a phob peth oll. 26Ac efe a wnaeth o un gwaed bob cenedl o ddynion, i breswylio ar holl wyneb y ddaear, ac a bennodd yr amseroedd rhagosodedig, a #Deut 32:8therfynau eu preswylfod hwynt; 27#Rhuf 1:20Fel y ceisient yr Arglwydd, os gallent ymbalfalu amdano ef, a’i gael, er nad yw efe yn ddiau nepell oddi wrth bob un ohonom: 28Oblegid #Col 1:17; Heb 1:3ynddo ef yr ydym ni yn byw, yn symud, ac yn bod; #Titus 1:12megis y dywedodd rhai o’ch #17:28 Neu, prydyddion, neu, beirdd.poetau chwi eich hunain, Canys ei hiliogaeth ef hefyd ydym ni. 29Gan ein bod ni gan hynny yn hiliogaeth Duw, #Esa 40:18ni ddylem ni dybied fod y Duwdod yn debyg i aur, neu arian, neu faen, o gerfiad celfyddyd a dychymyg dyn. 30#Pen 14:16; Rhuf 3:25A Duw, wedi esgeuluso amseroedd yr anwybodaeth hon, sydd #Luc 24:47yr awron yn gorchymyn i bob dyn ym mhob man edifarhau: 31Oherwydd iddo osod diwrnod yn yr hwn #Pen 10:42; Rhuf 2:16y barna efe y byd mewn cyfiawnder, trwy y gŵr a ordeiniodd efe; gan roddi #17:31 sicrwydd.ffydd i bawb, oherwydd #Pen 2:24darfod iddo ei gyfodi ef oddi wrth y meirw.
32A phan glywsant sôn am atgyfodiad y meirw, rhai a watwarasant; a rhai a ddywedasant, Ni a’th wrandawn drachefn am y peth hwn. 33Ac felly Paul a aeth allan o’u plith hwynt. 34Eithr rhai gwŷr a lynasant wrtho, ac a gredasant: ymhlith y rhai yr oedd Dionysius yr Areopagiad, a gwraig a’i henw Damaris, ac eraill gyda hwynt.
Dewis Presennol:
Actau’r Apostolion 17: BWM1955C
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Adolygiad Parry/Davies o Feibl William Morgan gyda chroesgyfeiriadau © 1955 Cymdeithas y Beibl Prydeinig a Thramor
The Parry/Davies revision of the William Morgan Bible with cross-references © 1955 British and Foreign Bible Society