Roiatatokenti Mark 2
2
Tekenihaton Teioteriȣasonterakȣen Tsini hoiaton ne Roiatatokenti Mark.
1Tokara nonta ohnakenke eh saraȣe Kafarnaimke, tsiniiore iahakotokense tsi nonȣe nihotaȣeiaton.
2Iotiokȣatsanit ȣahonteroroke, ȣationonsaȣenren, sekon oni nʼaste aheren natekakennia, nok neh sako-rorihakȣo nʼoȣenna.
3Kaieri nihati eli ȣahonneȣe, roiatakenheion tehonȣaskȣenhaȣi.
4Nok tanon tsi iah othenon Iaonton nʼakta ahon-nete tsi nateiaontaniron onkȣe, ȣahatinonsoroksi nok eh nonkȣati tahatinaktente tsi raiationni ne roiatakenheion.
5Sahonikonraientane ne Iesos tsi tokensko koȣa-nen ne thonetakȣen, ȣahaȣenhase ne roiatakenheion: kien sonterakeȣe ne sariȣaneraaksera.
6Oksaok tahonniron ne rahotinikonrakon tsinihati eh ratiiatare ne ratiiatons.
7Oriȣiio tsi ioriȣatsanit tsi nahoten raton? Onka nakoren iakokȣeniatseraien naonsamntaterakeȣase tsi iakoriȣaneren, neok ȣahi ne Niio?
8Ok shihoteriontaratsihon ne Iesos tsini hotini-konraȣens, ȣasakaȣenhase: nahoten seȣaton ne soȣe-riane?
9Kahnikaien senha ȣatiosen: nahiienhase ne konh roiatakenheion, sonterakeȣe no sariȣaneraak-sera, ok neneh akiron: testann, tesek ne sanakta nok Sasatenti.
10Neki ok oni naeseȣariȣaienterihake tsi rokȣe-niatseraien nʼOnkȣe Roienha onȣentsiake aonsaha-rakeȣe no kariȣaneren; ȣahaȣenhase ne roiataken-heion.
11Ȣakonrori: satkestsko, tesek ne sanakta, nok sasatenti tsi tisanonsote.
12Nok tontahatane ȣatrakȣe ne rahonakta, kanen-rakonson eh sahatohestste. Akȣekon ok ȣahakone-rakȣenhaton nok ȣathonȣanonȣeronnon ne Niio, ion tonnionskȣe; iah nonȣenton teionkȣaikaton neh ni-karihoten.
13Nok ne Iesos tontahaiakenno kaniatarakta ni-ionsare, akȣekon ok ronȣaiatorenskȣe, nok neraonha Sakorionnienniskȣe.
14Tsiniiohaes eh ȣahoken Levi Alphe roienha, tsi iekarotasiata eh rentskȣahere, ȣahaȣenhase; Tak-nonteratie. Tontahatane ne Levi nok ȣahosere.
15Nok nonen siialmnneȣe tsi thononsote ne Levi eh ȣathonstskaon, ronentiokoȣanen no ratikarota-sions tanon nʼionkȣetaksenskȣeokonha ȣathontonte ne Iesos oni ne raotiokȣa.
16Shahontkatho ne ratiiatons oni ne Pharisian, tsi ohseronni tehonastskaon no ratiiatons oni nʼion-kȣetaksenskȣo okonha; ȣahonȣennenhaso ne raotio-kȣa: ohniiotieren tsi tohontonsts no ionkȣetakson?
17Ȣasakoriȣaronkaso ne Iesos, nok tasakaȣenhase; iah ȣahi tatehonȣatonȣentsioni ne ratetsiensts ne skennen tiiakonnhe, neh ȣahi naha ne iakohnonȣak-tani: iah kati oni nii neh tesekheiahaharatane ne tiakoriȣaieri tsi nonkati ne tkariȣaieri neh tanon nʼiakoriȣaneraakskon.
18Onen nonȣa neh sahonȣaiatorenne ne ʼSaȣatis raotiokȣa tanon neneh Pharisian, ratiriȣakohe ohni-iotieren tsi ronentontietha; ȣahonnironkati: oh neneh niiotieren, ne Saȣatis raotiokȣa, oni no Pharisian ronentontietha, nok ne sentiokȣa iah neneh tehonen-tontietha?
19Tontahenron ne Iesos: enȣaton ken enhonen-tontiete tsinihati sakohonkaraȣi ne roniakon? iah ȣahi tahonton ahonentontiete tsinikariȣes ȣatenniote, ratikȣekon oni ne roniakon.
20Nok tanon ienȣatenniseriheȣe nʼienhonȣaiaten-haȣe ne roniakon, ethone tanon onen enhonenton-tiete.
21Neh oni sateiot tsi iah okenhaso tetsienikhon-kȣa nʼonen iokȣenniakaionhon, aseken enhionehare, nok senha entsiosonhioȣanen tsi tenskarine.
22Neh oni sekon shakat tsi iah katsotakaionne teiehnekarha notsitsiase; aseken tenȣatetsotanekare nok onkaiesha; katsetasetsihko tanon ienekarha nʼonekase.
23Tiotokentkoȣa Aȣentatokentike ȣathatihotiiake onatsia kaienthon, ȣahatirataniiontonko kati ne raotiokȣa.
24Nensok are tahonniron no Pharisian: Satka-tho! iah konh naha teȣatiaȣenre neh naieiere nʼAȣen-tatokentike?
25Tontasakoȣennaȣeron ȣahenron: iah kenh non-ȣenton teseȣaȣennanoto tsi nihoieren no David saho-toktase oni sahatonkariake, rahonha oni ne ronne-hne?
26Toh nahaiere siiahataȣeiate Niio raononskon, Abiatar sihatsihenstatsi, iah kenh tehonatarakon, iah oni ken tesakohnataranonten no ronnehne no kana-taranoron ne oni neok ne ratitsihenstatsi ȣatonskȣe nahonneke.
27Sekon tontasakaȣenhase, Sahenron: Ronȣenni-serisenhonni ne ronkȣe niaȣentatokenton, iah tanon ronkȣe tehotatsonhenni.
28Neh kati ȣaonni nʼOnkȣe Roienha raiatakȣe-niio tsi iaȣentatokenton.
Dewis Presennol:
Roiatatokenti Mark 2: MOH1880
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Published by the British and Foreign Bible Society in 1880.