Matəw Anó da aŋwaʼanayn zəŋ
Anó da aŋwaʼanayn zəŋ
Amə Matəw ŋunə amə́ wa tom Kristo akaʼa ba tom mbi ighum cho bigə ŋwaʼanayn aŋwaʼanayn zəŋ. Matəw amə wa Jû, anigə yə ŋwaʼanayn aŋwaʼanayn zəŋ abú ba Jû. Ukum ma chini amə Levi. Ukən chuŋ uŋu yə tey kwi Yeso amə wa ŋunə Nwiye zoʼo foro kwi anjim ma Nwiye yi ighəy unó mbənə yə́ kaʼa.
Matəw ŋwaʼanayn iwaŋ unó kwaʼa anji chuŋ. Yə ti akə nji zənə mbə ibə́ Yeso, foro umugə Jon naʼa une abú uŋwən Satan kwaʼara uŋwən. Yə ŋwaʼanayn inji zənə Yeso mə ghayn inayn Nwiye, ni tey unó nibə izwey ba. Yə ŋwaʼanayn unó mbənə mbə́ ghəy ungɨŋ ika zənə itəni Yeso nwi igun isəg. Akə ika nwi wu, ba foro zi usaʼa igun ma anigə kom uŋwən azad abaʼara, igun uney uta yə́ zəmə. Aŋwaʼanayn zəŋ tey Yeso ni ataʼa ba kyayn nu yə́ mə́ ni ikay itoʼoro unoʼo Nwiye foro imə taʼa ba da anó ufon Nwiye.
Utəw unó ungɨŋ aŋwaʼanayn zəŋ
Uwaŋ umbaʼ imbey anji zənə mbə́ ibə́ Yeso 1.1–2.23
Unó mbənə Jon ŋunə yə́ mə́ naʼa une mə ghəy 3.1-12
Jon naʼa une abú Yeso Satan kwaʼara uŋwən 3.13–4.11
Unó mbənə Yeso ghəy a Galeli 4.12–18.35
Yeso noʼo Galeli ko ŋu Yerusanem 19.1–20.34
Ika zənə yə si nwi abú Yeso igun isəg iyad Yerusanem 21.1–27.66
Yeso zəmə nibi du ifigi mbə məŋə unó 28.1-20
Dewis Presennol:
Matəw Anó da aŋwaʼanayn zəŋ: NGI
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
© 2023 CABTAL