Micha 6:9-16

“Gwrandwch!” Mae’r ARGLWYDD yn galw pobl Jerwsalem – (Mae’n beth doeth i barchu dy enw, o Dduw.) “Gwrandwch lwyth Jwda a’r rhai sy’n casglu yn y ddinas! Ydw i’n mynd i anwybyddu’r trysorau a gawsoch drwy dwyll, a’r mesur prin, sy’n felltith? Fyddai’n iawn i mi oddef y clorian sy’n dweud celwydd, a’r bag o bwysau ysgafn? Mae’r cyfoethog yn treisio’r tlawd, a’r bobl i gyd yn dweud celwydd – twyll ydy eu hiaith gyntaf nhw! Dw i’n mynd i’ch taro a’ch anafu’n ddifrifol, cewch eich dinistrio am bechu. Byddwch yn bwyta, ond byth yn cael digon. Bydd eich plentyn yn marw’n y groth, cyn cael ei eni; a bydda i’n gadael i’r cleddyf ladd y rhai sy’n cael eu geni! Byddwch yn plannu cnydau ond byth yn medi’r cynhaeaf. Byddwch yn gwasgu’r olewydd ond gewch chi ddim defnyddio’r olew. Byddwch yn sathru’r grawnwin, ond gewch chi ddim yfed y gwin. Dych chi’n cadw deddfau drwg y Brenin Omri, ac efelychu arferion drwg y Brenin Ahab! – a dilyn eu polisïau pwdr. Felly bydd rhaid i mi eich dinistrio chi, a bydd pobl yn eich gwawdio ac yn gwneud sbort am eich pen.”

Cynlluniau Darllen am ddim a Defosiynau yn ymwneud â Micha 6:9-16