Lefiticus 16:1-5

Ar ôl i ddau fab Aaron farw pan aethon nhw o flaen yr ARGLWYDD, dyma’r ARGLWYDD yn siarad â Moses a dweud wrtho: “Dwed wrth Aaron dy frawd ei fod e ddim yn cael mynd i mewn i’r Lle Mwyaf Sanctaidd unrhyw bryd mae e eisiau, neu bydd e’n marw. Dyna ble fydda i’n ymddangos, mewn cwmwl uwchben caead yr Arch, tu ôl i’r llen. “Dyma sut mae e i fynd i mewn i’r Lle Mwyaf Sanctaidd: Rhaid iddo gyflwyno tarw ifanc yn offrwm i’w lanhau o’i bechod, a hwrdd yn offrwm i’w losgi. Rhaid iddo ymolchi mewn dŵr gyntaf. Wedyn gwisgo’r crys lliain pwrpasol, y dillad isaf, y sash, a’r twrban, i gyd o liain. Dyma’i wisg gysegredig e. Ar ran pobl Israel, mae i fynd â dau fwch gafr yn offrwm i lanhau o bechod, a hwrdd yn offrwm i’w losgi.