Ar ôl i Job weddïo dros ei ffrindiau, dyma’r ARGLWYDD yn rhoi yn ôl iddo y cwbl oedd wedi’i golli – yn wir rhoddodd yr ARGLWYDD iddo ddwywaith cymaint ag o’r blaen. Daeth ei frodyr a’i chwiorydd, a’i hen ffrindiau i gyd, i’w dŷ am bryd o fwyd, ac i gydymdeimlo gydag e a’i gysuro achos yr holl drasiedïau roedd yr ARGLWYDD wedi’u dwyn arno. Rhoddodd pob un ohonyn nhw arian a modrwy aur iddo. Dyma’r ARGLWYDD yn bendithio Job fwy yn y blynyddoedd ar ôl hynny nag roedd wedi ei wneud yn y blynyddoedd cyn hynny. Roedd ganddo un deg pedair mil o ddefaid, chwe mil o gamelod, mil o barau o ychen, a mil o asennod. Hefyd cafodd saith mab a thair merch. Enw’r ferch hynaf oedd Jemima, Cetsia oedd enw’r ail, a Ceren-hapwch oedd y drydedd. Doedd dim merched harddach i’w cael yn unman, a rhoddodd Job etifeddiaeth iddyn nhw fel i’w brodyr. Cafodd Job fyw am gant pedwar deg o flynyddoedd ar ôl hynny, a gwelodd bedair cenhedlaeth o’i ddisgynyddion. Felly, roedd Job yn hen ŵr mewn oedran mawr pan fuodd e farw.
Darllen Job 42
Rhanna
Cymharu Pob Fersiwn: Job 42:10-17
Cadwa, darllena all-lein, gwylia glipiau dysgu, a mwy!
Gartref
Beibl
Cynlluniau
Fideos