“‘Mae’r amser yn dod,’ meddai’r ARGLWYDD, ‘pan fydda i’n gwneud beth dw i wedi addo ei wneud i bobl Israel a Jwda. Bryd hynny, bydda i’n gwneud i flaguryn dyfu ar goeden deuluol Dafydd, un fydd yn gwneud beth sy’n iawn. Bydd e’n gwneud beth sy’n gyfiawn ac yn deg yn y wlad. Bryd hynny bydd Jwda’n cael ei hachub, a bydd Jerwsalem yn saff. Bydd e’n cael ei alw, “Yr ARGLWYDD sy’n rhoi cyfiawnder i ni”.’ “Dyma mae’r ARGLWYDD yn ei ddweud: ‘Bydd un o ddisgynyddion Dafydd yn eistedd ar orsedd Israel am byth. A bydd yna bob amser offeiriaid o lwyth Lefi yn sefyll o’m blaen i gyflwyno offrymau i’w llosgi, offrymau o rawn, ac aberthau.’” Yna dyma’r ARGLWYDD yn rhoi’r neges yma i Jeremeia: “Dyma dw i, yr ARGLWYDD, yn ei ddweud: ‘Does neb yn gallu torri’r patrwm o nos a dydd yn dilyn ei gilydd mewn trefn. A’r un fath, does neb yn gallu torri’r ymrwymiad dw i wedi’i wneud i Dafydd fy ngwas, sef y bydd un o’i ddisgynyddion yn frenin bob amser. A does neb yn gallu torri’r ymrwymiad dw i wedi’i wneud i lwyth Lefi chwaith. Bydd cymaint o ddisgynyddion gan Dafydd fy ngwas, â’r rhai o lwyth Lefi sy’n fy ngwasanaethu i. Byddan nhw fel y sêr yn yr awyr neu’r tywod ar lan y môr – yn gwbl amhosib i’w cyfri!’”
Darllen Jeremeia 33
Rhanna
Cymharu Pob Fersiwn: Jeremeia 33:14-22
Cadwa, darllena all-lein, gwylia glipiau dysgu, a mwy!
Gartref
Beibl
Cynlluniau
Fideos