Esther 8:15-17

Pan aeth Mordecai allan oddi wrth y brenin, roedd wedi’i arwisgo mewn dillad brenhinol o borffor a gwyn. Roedd twrban euraid mawr ar ei ben, a mantell o liain main porffor ar ei ysgwyddau. Roedd pawb yn Shwshan yn dathlu, ac roedd yr Iddewon wrth eu boddau ac yn cael eu parchu gan bawb. Yn y taleithiau a’r trefi i gyd lle roedd gorchymyn y brenin wedi’i gyhoeddi, roedd yr Iddewon wedi cymryd gwyliau i ddathlu a gwledda. Ac roedd llawer o bobl eraill yn honni eu bod wedi troi’n Iddewon, am fod ganddyn nhw gymaint o ofn beth fyddai’r Iddewon yn ei wneud iddyn nhw.