1 Corinthiaid 6:12-14

Ond, “Mae gen i ryddid i wneud beth dw i eisiau” meddech chi. A dw i’n ateb, “Dydy popeth ddim yn dda i chi.” Er mod i’n rhydd i wneud beth dw i eisiau, fydd dim byd yn cael bod yn feistr arna i. “Mae’n naturiol,” meddech chi wedyn, “fel bwyd i’r stumog a’r stumog i fwyd.” Falle wir, ond bydd Duw yn dinistrio’r ddau yn y diwedd. Chafodd y corff mo’i greu i fod yn anfoesol yn rhywiol – cafodd ei wneud i wasanaethu’r Arglwydd. Ac mae’r corff yn bwysig i’r Arglwydd! Cododd Duw gorff yr Arglwydd Iesu yn ôl yn fyw, a bydd yn defnyddio’i nerth i godi ein cyrff ninnau yr un fath.