Oduu Nagayaa Ka Maarqoosii 13
13
Yesuus Waan Diiggamuu mana woyyuu Dubbate
(Mat. 24:1-2; Luq. 21:5-6)
1Akkuma Yesuus mana woyyuu keessaa bayeen, darasoota isaa keessaa tokkochi isaan, «Barsiisaa'a, dhagoota gugurdaa kanniinii fi ijaarsa gugurdaa kana mee laali!» jedheen. 2#Luq. 19:44 Yesuusillee deebisee, «Ati ijaarsa gugurdaa kana argitaa? kunniin martinuu hin diiggama; tokkochi isaaniillee wol irratti hin hafan» jedheen.
Yesuus Waan Bara Dhumaa Dubbate
(Mat. 24:3-14; Luq. 21:7-19)
3Yesuus Kolba mana woyyu'uutiin gaara ejersaa gubbaa uduu taa'u, Pheexroos, Yaaqoob, Yohaannisii fi Indiriyaas qofti gara isaa dhufanii, 4«Wonti kun yoom ta'a nutti himi? wonti kun martinuu hennaa ta'u malkanni isaa maali'i?» jedhanii hojja ufiititti isa gaafatan. 5Yesuus ammoo akkana isaaniin jechuu jalqabe, «Eennullee akka isin hin dogogorsine uf eeggadhaa'a! 6Namoonni hedduu, ‹Ani Kiristoos› jedha'aa maqaa kiyyaan hin dhufan; namoota hedduullee hin dogogorsan. 7Lolaa fi oduu lolaa hennaa dhageettan, hin sodaatinaa'a. Wonti akkasii kun hin ta'a; Haata'uu ammoo barri dhumaa ammallee hin geenne. 8#Isaayyaasii Raatticha 19:2; Seenaa 2ffaa 15:6 Gofti gosatti, mootummaan mootumma'atti hin ka'a; bakka adda addaatitti sochiin lafaallee hin ta'a, beellillee hin dhufa. Haata'uu ammoo kun ciniinsuu duraati.
9 #
Mat. 10:17-20; Luq. 12:11-12; Mar. 16:15 «Isin uf eeggadhaa'a, isaan yaa'ii gara garaatitti dabarsanii isin kennan, mana sagada Yihuudotaa keessattillee hin tumamtan, naaf jettanii bulchootaa fi mootota afoo hin dhaabattan; kunillee ragaa isaanitti ta'a. 10Haata'uu ammoo, Oduun Nagayaa duraan dursee banii maraaf hin lallabama.
11«Hennaa qabanii gara murti'ii isin geessan, waan dubbataniif dura hin yaaddayinaa'a! Waanuma hennaa san isiniif kenname dubbadhaa'a; dubbii isin dubbattan ka dubbatu Ayyaana Woyyu'u malee, isinii miti. 12#Mikkiyaasii Raatticha 7:6 Obboleessi obboleessa, Abbaanillee ilma ufii du'aaf dabarsee kenna. Ijoolleen worra ufiititti ka'anii ajjeesan. 13#Mat. 10:22; Yoh. 15:18-21 Anaaf jettanii nama maraa biratti ka jibbamtan taatan. Haga dhumaa ka jabaatu ammoo hin fayya» isaaniin jedhe.
Yesuus Malkata Gara Garaa Kennee Uf Eeggachiise
(Mat. 24:15-28; Luq. 21:20-24)
14 #
Daani'eelii Raatticha 9:27; 11:31; 12:11 Haata'uu ammoo akkuma raaga Daani'eeliitiin dubbatame, «Farri battumma'aa hulee dhaabatuun isi'iif hin malle dhaabattee yoo argitan, ka kana dubbise haa hubatuu. Hennaa san worri Yihuudaa jiran gara gaaraa haa dheessanii#13:14 haa dheessanii: haa baqatanii 15#Luq. 17:31 Ka mana gubbaa jiru mana irraa gadi bu'ee; manaa waan tokko fudhachu'uuf hin seenini. 16Ka qonna keessa jiru uffata ufii fudhatu'uuf gara duubaa hin deebi'iin. 17#Luq. 23:29 Guyyoota san dubartoota ulfa ta'aniif worra harma hoosisaniif aanne'e. 18Haata'uu ammoo dheessuun keessan ganna akka hin taane faateffadhaa'a! 19#Daani'eelii Raatticha 12:1; Mudh. Yoh. 7:14 Guyyoonni sun guyyoota rakkinni hamaan itti ta'u. Rakkinni akkasii hennaa Rabbi biyya lafaa uume irraa jalqabee haga ammaatitti hin taane, deebi'eellee hin ta'u. 20Uduu Gooftaan guyyoota san gabaabsuu dhabaatee, namni tokkollee hin hafu. Haata'uu ammoo Banii ufii filateef jedhee, inni guyyaa san gabaabse.
21Hennaa san eennullee isiniin, ‹Ila laalaa'a! Kiristoos asi jira!› yookiin, ‹Ila laalaa'a! achi jira!› yoo isiniin jedhe hin amaninaa'a. 22#Seera Keessa deebi'ii 13:1-3; Mudh. Yoh. 13:13 Sababaanillee Kiristoosonni dharaatii fi raattonni dharaa dhufanii, yoo isaanii danda'ame worra filatamanillee dogoggorsu'uuf malkataa fi baasa hujan. 23Isin ammoo uf eeggadhaa'a! Ani waan maraa dursee isinitti himeera.
Yesuus Waan Dhufuu Ilma Namaa Dubbate
(Mat. 24:29-31; Luq. 21:25-28)
24 #
Mudh. Yoh. 6:12 «Guyyootuma san keessa, rakkina saniin maayessa, aduun hin dukkanoofti, jiinillee hin ifu. 25#Isaayyaasii Raatticha 34:14; Iyyu'eelii Raatticha 2:10; Mudh. Yoh. 6:13 Urjiinillee samii irraa hin harcaati hunniti Sami'iillee hin raafaman. 26#Daani'eelii Raatticha 7:13-14; Mar. 8:38; Tas. 1ffaa 4:15-16; Mudh. Yoh. 1:7 Achiin maayessa Ilmi Namaa, hunna gudda'aa fi ulfinnaan duumessa keessaan hennaa dhufu hin argan. 27#Zakkaariyaasii Raatticha 2:6 Innillee hennaa san maleekkota ufii hin erga, kallattii arfanii fi qaccee lafarraatii haga qaccee sami'ii worra filataman wolitti qaba.»
Muka Hurbuu Irraa Barachuu
(Mat. 24:32-35; Luq. 21:29-33)
28Yesuus amma ammoo, «Muka hurbu'uu fakkeenna godhadha'aatii irraa baradhaa'a! Dameen isaa quqquuqee baala hennaa biqilchu, bonni akka dhiyaate hin beettan. 29Akkasuma isinillee ammoo, kun martinuu hennaa ta'u yoo argitan, akka inni dhiyaatee balbala irra jiru beekaa'a. 30Ani dhuga'aan isiniin jedha; wonti kun maruu haga ta'uuf, dhaloonni amma jiru kun hin lufu. 31#Isaayyaasii Raatticha 51:6; Mat. 5:18; Luq. 16:17 Ardii fi samiin hin lufti. Dubbiin kiyya ammoo hin lufu.
Guyya'aaf Hennaa San Ka Beeku Hin Jiru
(Mat. 24:36-44)
32 #
Hu. Er. 1:7
«Guyyaa san yookiin hennaa san eennullee hin beeku. Abbaa malee, Maleekkonni sami'iillee hin beekan; Ilmillee hin beeku. 33#Mat. 25:13; Luq. 21:36 Hennaan yoom akka ta'e isin waan hin beenneef uf eeggadhaa'a! Dammaqaa'a! 34#Mat. 25:14; Luq. 12:36-38; 19:12 Kunillee akka nama mana ufii hojjattoota ufiititti dhiisee, isaan maraafuu hujii kennee, ka balbala eegu jabaatee akka eegu seeree deeme fakkaata. 35Maarre, abbaan manaa yoom akka dhufu, galgala dhufaa fi halkan wodhakkaa dhufaa, iyya lukku'uu dhufaa fi ganama dhufaa hin beettan. 36Hennaa isin hin qabaannetti yoo dhufe, uduu isin rafa'aartan akka isin hin argine, 37Woma isiniin jedhu, nama maraanuu jedhaa; dammaqaa'a!»
Dewis Presennol:
Oduu Nagayaa Ka Maarqoosii 13: WLNT
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Arsi-Bale Oromo New Testament, Literal Type Translation © Light of Hope Ministry, 2013.