Oduu Nagayaa Ka Luuqaasii 1
1
1-4 #
Hu. Er. 1:1
Teefiloosii kabajjamaa'a, worri dura ija ufiitiin arganii fi tajaajiltoonni dubbii isaa akkuma nuuf dabarsan wontoonni nu biratti raawwatame namoonni hedduu seenaa qopheessuu waan yaalaniif#1:1-4waan yaalaniif: badadaniif anillee akkasuma waan dubbii ati baratte san dhugaa akka beettu, duruma irraa jalqabee mara isaaniituu suutaan xiinxallee tartiibaan si barreessuun mishaa akka ta'e arge.
Maleekkaan Yohaannis Akka Dhalatuu Hime
5 #
Mat. 2:1; Seenaa 1ffaa 24:10 Bara Heroodisi mootii biyya Yihuuda'aa ta'eeru, balbala Abiya'aa keessaa gadicha Zakkaariyaas jedhamu tokkotu jira. Haati manaa isaallee fiixaa ijoollee Aarooniiti. Maqaan isi'iillee Elsaabeex jedhama. 6#Seera Keessa deebi'ii 10:12; Kitaaba Iyyoobii 1:1 Isaan lamaanuu ajaja Goofta'aatii fi seera maraanuu mudaa malee jiraachu'uun Rabbiin afo'otti qajeellota turan. 7#Seera Uumamaa 18:11; Kitaaba Abboota Murti'ii 13:2-5; Saamu'eelii 1ffaa 1:5-6 Elsaabeex waan dhabduu taateef, finna hin qaban. Lamaan isaaniituu guddisanii jaaraniiran. 8Innillee hennaa kochoo #1:8kochoo: koree isaatitti afoo Rabbiititti hennaa tajaajilu; 9#Seera Bawu'uu 30:7 Akka seera gadootaatitti gara mana woyyuu Goofta'aa seenee akka hixaana aarsu hireen isa gaye. 10Hennaa inni hixaana aarsu baniin martinuu diida dhaabatanii faateffata'aa turan. 11#2:9; Hu. Er. 10:3 Maleekkaan Goofta'aa mi'a kennaa hixaanaa itti aarsaniin gara mirgaatiin dhaabatee, Zakkaariyaasitti mudhate. 12Zakaariyaasillee hennaa isa arge rifatee sodaate. 13Maleekkaan sunillee akkana jedheen, «Zakkaariyaas, kadhaan kee sii dhagayameera hin sodaatin! haati manaa tee Elsaabeex ilma dhiiraa sii deetti; maqaa isaallee Yohaannis jettee itti baafta. 14Gammaddee usheexita; yoo inni dhalate, namoonni hedduu hin gammadan. 15#7:33; Mat. 11:18; Seera Laakkobsaa 6:3; Gal. 1:15 Innillee afoo Goofta'aatitti waan nama guddaa ta'uuf, daadhii woyini'ii yookiin dhuddoo nama macheessu sirimaa hin dhugu, uduu garaa haadha isaa keessa jiru Ayyaana Woyyu'uun guuttama. 16Ijoollee Isiraa'elii keessaa namoota hedduu gara Waaqa Gooftaa isaaniititti hin deebisa. 17#Mat. 11:14; 17:11-13; Milkiyaasii Raatticha 3:1; 4:5-6 Inni hafuura Eliyaasiitii fi hunnaan afoo isaa hin deema; Inni yaada abbooti'ii gara ijoolle'ee, worra hin ajajamnellee gara ogummaa qajeellotaa hin deebisa; banii dammassee Goofta'aaf akka qophaayan taasisa.»
18 #
Seera Uumamaa 15:8; Luq. 1:34 Zakkaariyaasillee Maleekkaa saniin, «Wonti kun akka ta'u attamiin beeka? Anii fi haati manaa tiyyallee jaarreerra» jedheen.
19 #
Daani'eelii Raatticha 8:16; 9:21; Ibr. 1:14 Maleekkaan deebisee, «Ani Gabri'eelii afoo Rabbii dhaabadhu, oduu gammachu'uu kana sitti himu'uuf ergame. 20Ati dubbii kiyya ka hennaa ufiititti raawwatamu waan hin amanneef haga gaafa wonti kun ta'uutitti afaaniin dubbachuu hin dandeettu» jedheen. 21Baniinillee Zakkaariyaasiin eega'aa ture. Mana woyyuu keessa ol seenee waan tureef maalalan. 22Haga achii bayellee womaa isaanitti himuu hin dandeenne. Isaanillee hennaa mana woyyuu keessa ture akka inni mudhata arge hubatan #1:22 hubatan: beekan Inni duudaa dubbachuu hin dandeenne waan ta'eef, malkataan isaanitti hime. 23Innillee ji'oonni tajaajila isaa dhumnaan gara mana ufii deeme. 24-25Achiin maayessa haati manaa isaa Elsaabeex ulfoofteetti, hennaa Gooftaan mudaa kiyya narraa kaasuuf jedhee namoota jiddu'utti na yaadatee akkana naa godheera jettee, ji'a shaniitiif uf dhossite.
26Maleekkaan Rabbii Gabri'eel ji'a jahaffa'aatitti gara qachaa Naazireetii Galiilaa keessatti argamtuu, 27#Mat. 1:16, 18 Gara durba duudaa Maariyaam jedhamtuu ta namicha fiixaa Daawitii irraa dhalate ka maqaan isaa Yooseef jedhamuu qadhimamteetitti Rabbiin biraa ergamee dhufe. 28Maleekkaan sunillee gara isi'ii dhufee, «Ati ta ayyaanaan guuttamte gammadi; Gooftaan si woliin jira; Ati dubarttoota keessaa ta eebbifamte!» jedheen.
29Maariyaam dubbii Maleekkaa Rabbii mamtee «Kun nagaya attamiiti?» jettee yaadde. 30#Luq. 1:13; Hu. Er. 7:46 Maleekkaanillee akkana isi'iin jedhe, «Maariyaam, hin sodaatin! Rabbiin afo'otti badhaadha argatteertaa. 31#Mat. 1:21; Isaayyaasii Raatticha 7:14; Luq. 2:21 Ati hin ulfoofta; ilma dhiiraallee hin deetta; maqaa isaa Yesuus jettaan. 32#Saamu'eelii 2ffaa 7:12, 13, 16; Isaayyaasii Raatticha 9:6; Daani'eelii Raatticha 7:14 Innillee guddaa ta'a, Ilma Rabbii Ol Aana'aa hin jedhama. Waandhi Gooftaan teessoo Abbaa isaa ka Daawitii hin kennaaf. 33Mana Yaaqoobii irratti haga bara baraa mooya, Jeennanni isaallee dhuma hin qabu.»
34Maariyaamillee Maleekka'aan, «Ani durba duudaa waan ta'eef, kun attamitti ta'a?» jetteen.
35 #
Mat. 1:20
Maleekkaanillee deebisee akkana jedheen, «Ayyaanni Woyyuun sitti hin dhufa, hunni Rabbii Ol Aana'aallee si golga. Kanaafuu ka sirraa dhalatu Woyyuu Ilma Rabbii jedhama. 36Firtittiin teetuu Elsaabeex, jaarruma keessa ilma dhiiraa ulfoofteerti. Isiin dhabduu jedhamtu kunoo ji'a jahaffaa keessa jirti. 37#Seera Uumamaa 18:14; Mat. 19:26; Rom. 4:21 Wonti Rabbiif dadhabamu hin jiru» jedhe. 38Maariyaamillee, «Ani hojjattuu Goofta'aati, akkuma ati jette naa haata'uu» jetteen. Achiin maayessa Maleekkaanillee isii biraa deeme. 39Maariyaamillee ji'uma san kaatee, gara biyya gaaraa qachaa biyya Yihuudaa ariifattee #1:39 ariifattee: jarjartteedhaxxe. 40Isiin gara mana Zakkaariyaasii seentee Elsaabeexiin nagaya gaafatte. 41Elsaabeex hennaa nagaya Maariyaamii dhageette, rimeenni gadaamessa isi'ii keessatti utaale; Elsaabeexillee Ayyaana Woyyu'uun guuttamte. 42#Kitaaba Abboota Murti'ii 5:24 Laagaa ufii ol fudhatteeti akkana jette. «Ati dubartoota keessaa ta eebbifamte. Fiixaan gadaamessa keetiillee ka eebbifame! 43haadha Gooftaa kiyyaa gara kiyya dhufuun kee naa ulfinna attamiiti? 44Hennaa laagaa #1:44 laagaa: qoonqanagaya keetii gurra kiyyaan dhagaye rimeenni gadaamessa kiyya keessatti gammachu'uun utaale. 45#Yoh. 20:29 Dubbiin Gooftaa irraa isi'itti himame waan raawwatamuuf ta amante ta eebbifamte» jette.
Faatee Maariyaamii Ka Galataa
46Maariyaam akkana jette, «Lubbuun tiyya Gooftaa kabajjiti; 47#Xim. 1ffaa 2:3; Tit. 2:10 Garaan kiyyallee Waaqa fayyisaa kiyyatti hin gammada. 48#Saamu'eelii 1ffaa 1:11 Salphinna garbittii ufii waan argeef, adha irraa jalqabee dhaloonni maruu ta eebbifamte naan jedhan. 49#Kitaaba Faarfanna'aa 111:9 Inni jabaan narratti waan guddaa hojjate.
Maqaan isaallee woyyu'u.
50 #
Kitaaba Faarfanna'aa 103:13, 17 Dhiifamsi isaallee worra isa sodaataniif dhaloota irraa haga dhalootaa jiraata.
51 #
Kitaaba Faarfanna'aa 89:10; Saamu'eelii 2ffaa 22:28 Innillee dandeettii ufii mudhisee,
worra boonan yaada garaa isaanii woliin bittinneesse #1:51 bittinneesse: firfisse
52 #
Kitaaba Iyyoobii 12:19; 5:11 Bulchoota teessoo isaanii irraa buusee, worra gad aanaa ol kaase.
53 #
Saamu'eelii 1ffaa 2:5; Kitaaba Faarfanna'aa 107:9 Worra beelayanillee waan misha'aan isaan quubsee,
dureeyyiillee harka duwwaa geegesse.
54-55 #
Kitaaba Faarfanna'aa 98:3; Isaayyaasii Raatticha 41:8 Akkuma inni abbootii teenna Abrahaamii fi fiixaa isaatiif dubbate araara ufii ka bara baraa san yaadachu'uun,
hojjataa ufii Israa'eliin gargaareera» jette.
56Maariyaamillee haga ji'a sadihii isii bira teettee, achiin maayessa gara mana ufii deebite.
Dhaloota Yohaannisii Cuupha'aa
57Elsaabeex jiini isiin deettu geennaan, Ilma deette. 58Akka Gooftaan arjummaa ufii isi'ii guddise dhagayanii ollaanii fi firoonni isi'ii isii woliin gammadan. 59#Seera Uumamaa 17:12; Seera Leewwotaa 12:3; Luq. 2:21 Daa'ima gadoomsu'uuf guyyaa saddeetaffa'aatitti worri dhufan, daa'ima maqaa abbaa isaa Zakkaariyaasiin itti baasuu fedhan. 60Haati ammoo inni Yohaannis haa jedhamuu malee akkas hin ta'u jette. 61Isaan isi'iin «Worra kee keessaa maqaa kanaan ka waamameeru tokkollee hin jiru» isi'iin jedhan. 62Abbaan Ilma ufiitiin eennu jedhee maqaa akka itti baasu malkataan gaafataniin. 63#1:13 Innillee waan irratti barreessu gaafatee, maqaan isaa Yohaannis jedhee barreesse. Isaan Martinuu hin maalalfatan. 64Yoma san afaan isaa banamee arrabni isaallee hiikkatee Rabbiinillee galatoonfata'aa dubbate. 65Ollaan isaanii martinuu hin sodaatan. Wonti kun biyya Yihuuda'aa marattuu odeeffame. 66#Hu. Er. 11:21 Hunni Goofta'aa waan isa woliin jiruuf, worri dhagayan martinuu, «Daa'imni kun maal ta'inna laata?» jedha'aa garaa ufii keessatti yaadan.
67Abbaan isaallee Zakkaariyaas Ayyaana Woyyu'uun guuttamee akkana jedha'aa raaga dubbate.
68 #
Kitaaba Faarfanna'aa 41:13; 72:18; 106:48; 111:9 «Banii ufii gargaaree bilisa waan isaan baaseef,
Waandhi Israa'eelii Gooftaan haa eebbifamu.
69-70 #
Kitaaba Faarfanna'aa 18:2
Bara durii irraa jalqabee afaan raattota woyyootaatiin akkuma dubbate, fiixaa Daawitii keessaan fayyisaa jabaa nuuf kaaseera. 71#Kitaaba Faarfanna'aa 106:10 Worra diina keenna ta'anii nu jibban maraa irraa nu fayyisa. 72#Kitaaba Faarfanna'aa 106:45 Akka kanaan abbootii teennaa dhiifama godhe. 73#Kitaaba Faarfanna'aa 105:8-9; Seera Uumamaa 22:16-18 Waadaa abbaa keenna Abrahaamiif gale woyyuu ufii qaabate. 74Isuma kanaan harka diinootaa jalaa baane. 75#Tit. 2:12 Bara keenna maraa sodaa malee woyyumma'aa fi
qajeellumma'aan, afoo isaatitti akka isa tajaajillu nuu kenne.
76 #
Milkiyaasii Raatticha 3:1; Isaayyaasii Raatticha 40:3; Mat. 3:3 Akkasuma ati daa'ima nana raagaa Rabbii Ol Aana'aa hin jedhamta,
Karaa isaallee haxaayu'uuf Gooftaa afoo deemta.
77 #
Isaayyaasii Raatticha 43:11; Mar. 1:4 Akka kanaan dhiifamsa cubbu'uu ka ta'e,
beekkomsa fayyinnaa banii Rabbiitiif kennita.
78 #
Milkiyaasii Raatticha 4:2; Phex. 2ffaa 1:19 Waandhi keenna Waaqa araaraatii fi gara-laafessa waan ta'eef,
Inni aduun fayyinnaa gubba'aa akka nuu ifu taasisa.
79 #
Yoh. 8:12; Isaayyaasii Raatticha 9:1-2; 11:6; Mat. 4:16 Ifni isaallee worra dukkanaa fi gaaddidduu du'aa keessa jiraniif hin ifa. Luka keennallee gara karaa nagayaa qajeelcha» jedhee raage.
80 #
2:40; 3:1-18 Daa'imnillee guddatee, Ayyaanaan jabaatee haga gaafa banii Isiraa'eliititti mudhatuuf lafa udume'ee keessa jiraate.
Dewis Presennol:
Oduu Nagayaa Ka Luuqaasii 1: WLNT
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Arsi-Bale Oromo New Testament, Literal Type Translation © Light of Hope Ministry, 2013.