YUHANA 2

Nɔsɛna zaa Kana

1A gɔrɔ aakɔ̃de zĩ òtɛn nɔ sɛ́ zaa Kana, Galili bùsun. Yesu da kú gwe, 2akũ ò Yesu kũ a ìbanɔ sìsi nɔsɛ kĩnaa dɔ. 3Kũ sèwɛ̃ kĩ̀a, Yesu da pìnɛ: ò sèwɛ̃ vĩ doro bi. 4Akũ Yesu wèa à pì: Bɔ́yãi n ma le abireoo? A gɔrɔ dí kámɛnɛ kɔ̀ro. 5Akũ a da pì zĩkɛrinɔnɛ: Lákũ ani oárɛ nà, à kɛ lɛ. 6Gbɛ̀ orozãnɔn kú gwe mɛ̀n suddo Yudanɔ gbã̀bo'i kábɔnɔ ũ. A kenɔ dì í sí lita basiikɔ̃mɛ, a kenɔ sɔ̃ basuddo. 7Akũ Yesu pì zĩkɛrinɔnɛ: À í káka orozã dínɔ pa. Akũ ò í kàka à pà yɛ́rɛrɛ. 8Akũ à pìńnɛ: À tɔ́ à gɛ́o kɔ̃kɔ̃'orinɔ gbɛ̃ zɔ̃kɔ̃ɔnɛ sa. Akũ ò tɔ̀ ò gɛ̀ɛonɛ. 9Kũ gbɛ̃ zɔ̃kɔ̃ɔ pì í litɛna sèwɛ̃ ũ pì lɛ́ kɛ̀, adi dɔ̃ gu kũ à bònlo, ama zĩkɛri kũ ò í pìi tɔ̀nɔn dɔ̃. Akũ gbɛ̃ zɔ̃kɔ̃ɔ pì ebayao sìsi 10à pìnɛ: Wɛ̃ nnan òdi kpáḿma gĩa. Gɔrɔ kũ wɛ̃ tɛn diḿman òdi su kũ a gɛbuo sà. Mɔkɔ̃n sɔ̃, n wɛ̃ nna tò kpɛkpɛ. 11Yesu daboyã káakuden gwe, kũ à kɛ̀ zaa Kana, Galili bùsun. À tɔ́ bò, akũ a ìbanɔ a náani kɛ̀. 12Abire gbɛra Yesu gɛ̀ɛ Kapɛnamu kũ a dao kũ a dakũnanɔ kũ a ìbanɔo, ama odi gɔrɔ pla kɛ gwero.

Yesu kunna Luda ɔnn

(Mat 21:12-13; Maa 11:15-17; Luk 19:45-46)

13Kũ Yudanɔ Vĩnla dikpɛ kà kãni, akũ Yesu gɛ̀ɛ Yurusalɛmu. 14À è òtɛn zùnɔ kũ sãnɔ kũ lukulukunɔ yía Luda ɔnn, ɔgɔlilinkɛrinɔn vutɛna gwe. 15Akũ à bàflãa tã̀ à pɛ̀ḿma ò bɔtɛ kũ sãnɔ kũ zùnɔ pínki. À ɔgɔlilinkɛrii pìnɔ ɔgɔ fã̀kɔ̃a, à ń teburunɔ yĩ̀pa à kɔ̀tɛńnɛ. 16Akũ à pì lukulukuyarii pìnɔnɛ: À pɔ́ pìnɔ sɛ́tɛ à boo pínki. Àsun ma De ɔn kɛ ɛtɛ ũro. 17Akũ yã kũ à kɛ̃na Luda yãn díkĩna dɔ̀ a ìbanɔgu kũ à pì: N ɔn yã ma kũ gbãna manamana. 18Akũ Yuda gbãnadenɔ a là ò pì: Daboyã kpaten ĩni kɛwɛrɛ de ò dɔ̃ kũ ń yã bire kɛna iko vĩi? 19Yesu wèḿma à pì: À Luda kpɛ́ dí wí, mani ɛra mà futɛ gɔrɔ aakɔ̃ dagura. 20Akũ gbãnade pìnɔ pìnɛ: Wɛ̃̀ bupla awɛɛsuddon ò kpɛ́ pìi bò, akũ mɔkɔ̃n ĩni futɛ gɔrɔ aakɔ̃ gũn yá? 21Ama Luda kpɛ́ kũ à a yã òo pìi, a mɛ̀ yãn àtɛn o. 22Kũ Yesu vù bona gan, yã kũ à òo pìi dɔ̀ a ìbanɔgu, akũ ò yã kũ à kɛ̃na Luda yãn sì kũ yã kũ Yesu òo pìio.

Yesu baadi nɛ̀sɛ dɔ̃

23Kũ Yesu kú Yurusalɛmu Vĩnla dikpɛ zĩ ò a náani kɛ̀ dasi, kũ ò daboyã kũ à kɛ̀nɔ è yãi. 24Yesu dí ń náani kɛro, zaakũ à baadi nɛ̀sɛ dɔ̃mɛ. 25Adi kɛ séto gbɛ̃ke gbɛ̃ yã ònɛro, zaakũ à yã kũ à kú baadi nɛ̀sɛɛ gũn dɔ̃.

Dewis Presennol:

YUHANA 2: BB2005

Uwcholeuo

Rhanna

Copi

Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda

Dysgu mwy am Bisã Bible 2005

YUHANA 2

Adnodau Beiblaidd Poblogaidd o
YUHANA 2

Gwranda ar YUHANA 2

Beibl:

Busa

Fersiwn: Bisã Bible 2005 - BB2005

YUHANA 2

YUHANA 2

Adnodau Beiblaidd Poblogaidd o YUHANA 2

Gwranda ar YUHANA 2

Beibl:

Busa

Fersiwn: Bisã Bible 2005 - BB2005

YUHANA 2

Adnodau Beiblaidd Poblogaidd o
YUHANA 2